Éxodo 19:18 - Bible in Tzeltal de Oxchuc y Tenejapa

¹⁸ Spisil ta swolol te wits Sinaí loc' ch'ail tey a, melel te Cajwaltic jich a coj tel te bit'il c'ajc'. Te ch'aile xtomet nax yac ta moel jichuc xch'ailel horno. Ta sjoyobal te witse tulan a jajch' ta nijq'uel.

Bible in Tzeltal Bachajón

¹⁸ Potsot ta ch'ahil spisil te wits Sinaí, yu'un co tal ta yohlil c'ahc' tey a te Jehová. Te ch'ahil xtomet yac ta mohel hich te bin ut'il sch'ahilel horno, soc spisil te wits mero tulan yac ta nihquel.

Éxodo 19:18 Referans Kwoze

Jueces 5:5

Ta atojol, Cajwal, ta atojol atuquel, Dios yu'un Israel, la stij sbaic te witstiquile, la stij sba te wits Sinaí.

Salmos 144:5

Cajwal, jama te ch'ulchan, coan tel; tija te witstiquil swenta yu'un ya me xloc' xch'ailel.

Apocalipsis 15:8

Noj ta ch'ail te temploe. Ja' xch'ailel xojobil yutsilal soc yu'el te Diose. Jtul ma'yuc mach'a ya xju' yu'un te ya x'och tey a ja' to teme lajix ta pasel a te juqueb castigoetic yich'oj ta sc'abic te juctul ch'ul abatetique.

Éxodo 3:2

Tey chicnaj ta stojol a te ch'ul abat yu'un te Cajwaltique, yac ta tilel c'ajc' ta yolil jpejt' ch'ix. La yil Moisés te yac ta tilel te ch'ixe; ja'uc me to, ma xlaj ta c'ajq'uel la yil.

Jeremías 4:24

La quil te witstiquile, yacalic ta nijq'uel; spisilic te ch'in witstiquile nijq'uic.

Génesis 19:28

La yil te lum Sodoma soc te lum Gomorra soc te stenlej xatal q'uinale. Xtomomet nax xch'ailel la yil jich bit'il xch'ailel yawil c'ajc'.

Salmos 104:32

Te balumilal ya xnijc' te c'alal ya yil stuquele; ya yac' loc'uc ch'ail ta witstiquil te c'alal ya stij stuquele.

Deuteronomio 33:2

jich la yal: —Te Cajwaltic tal ta Sinaí; c'alal to ta Seir yac'ojbotic tel xojobil. La sacubtes tel q'uinal c'alal ta witsetic yu'un Parán, jajch'em tel c'alal ta Meriba-cades, ta swa'el c'ab yich'ojbotic tel te mandaliletic te bayal xojobile.

Deuteronomio 5:22

“Ja' te c'opetic la yal ta tulan te Cajwaltic te c'alal c'opoj ta yolil c'ajc' soc ta yolil pimil tocal. Ja' te c'alal stsoboj sbaic spisilic ta ye'tal te witse. Te c'alal laj yo'tan ta c'ope, tey ma'yuquix bila yan la yal a. Te c'opetic la sts'ibuy ta cha'pejch' tonetic. C'alal ju' yu'un, la yac'bon ta jc'ab.

Éxodo 24:17

Te xojobil Cajwaltic jul ta stojolic te israeletique. Jich chicnaj tel ta sitic ta bay mero slajibal sjol te wits jich bit'il c'ajc' te ya xlajinwan te yipe.

Hebreos 12:26

Te c'alal c'opoj ta balumilal ta namey te Diose, nijc' balumilal yu'un te sc'ope. Ja'uc me to, jich ya yalbotic ta ora to: “Jun xan buelta ya jnic' te balumilale. Ja'uc me to, ma stuqueluc nax, soc uuc te ch'ulchane”, te xie.

Isaías 6:4

C'alal toy te sc'ope, cajic ta nijq'uel te ti'nailetic yu'un templo. Te templo noj ta ch'ail.

Génesis 15:17

Malix c'aal, ijc'ubix q'uinal a, la yil chicnaj yawil c'ajc' te ay xch'ailel, soc ay yan yac ta tilel tey a, c'axic ta yolil te chambalametic te jatbilic ta bojele.

2 Pedro 3:10

Ma na'biluc cu'untic te bi c'aalil ya xtal te Cajwaltique cu'untic, jich bit'il ma na'biluc cu'untic te ay ajc' nax ya xtal j'elec' ta ajc'ubale. Te bi c'aalil ya xtal te Cajwaltique, xnililet nax me ya xlaj bael te ch'ulchane. Soc ya me xlilaj ta c'ajq'uel spisil te c'aale, te ue, te eq'uetique. Soc te balumilale ya me xlaj ta chiq'uel soc spisil te bitic ay tey ae.

Hebreos 12:18

Te ja'exe ma jichuquex te bit'il israeletic te tey noptsajic bael a ta bay wits te ya xju' ta piquel, soc yac ta tilel c'ajc' ta sba, soc ijc'maxan nax q'uinal, soc xlemlajan nax chawuc, soc tulan ic' tey a.

2 Tesalonicenses 1:8

Jich me ya xtal yac'bey castigo te mach'atic ma la sna'beyic sba te Diose soc te ma la sc'an xch'uunic te lec yach'il c'op yu'un te Cajwaltic Jesucristoe.

San Mateo 24:7

Melel ya me xjajch' scontroin sbaic te nacionetique, soc te muc' ajwaliletique ya me xjajch' scontroin sbaic ta guerra. Soc ya me xtal bayal wi'nal, soc chamel, soc tulan nijq'uel ta bayuc.

Zacarías 14:5

Te ja'ex ya me x'anex bael ta suclej te ya xjil ta olil yu'un te witsetique, ja' te ya xc'ot c'alal ta Azal, ta sjejch'elul baele. Jich me ya x'anex bael te bit'il anic bael ta namey te antiguo ame'-atatic, ja' te anic ta swenta xi'el te nijq'uel, te c'ax te c'alal ay ta muc' ajwalil a te Uzías, ja' te c'alal swentainej a te sq'uinal Judá. Ya me xtal te Cajwaltic te Dios cu'un, sjoinej me ya xtal spisil te mach'atic jun yo'tan la yac' sbaic ta stojole.

Salmos 114:7

Ja'at lumq'uinal, nijc'an me ta stojol te Cajwaltic te Dios yu'un Jacob.

Salmos 77:18

Chicnaj sc'op chawuquetic awu'un ta sutu-ic'; te tsantsewaletic sacub balumilal yu'un; jich uuc te lumq'uinal yuq'uilayot yu'un nijq'uel.

Éxodo 20:18

Te israeletic la yaiyic t'om chawuquetic soc la yilic tsantsewaletic, la yaiyic stojol c'opoj xulubiletic, soc te bit'il potsot ta ch'ail te witse, xiw yo'tanic yu'un, q'uejel to la yac' sbaic.

Éxodo 19:13

Ma me ayuc mach'a ya yac' bael sc'ab ta wits, ya me yich' milel ta ch'ojel ta ton, o teme t'im ya yaiy xlaj, manchuc me winic o chambalam, ma me xju' ya xcuxin. Te lume ja' to ya xmoic bael ta wits a te c'alal ya x'oc' xulubil —xi' te Dios ta stojol te Moisés.

2 Tesalonicenses 1:7

Yan te ja'ex, te awich'ojic controinele, ya me yac'beyex awich'ic lewa yu'un awocolic, soc uuc te jo'otic, te bi ora ya xchicnaj tel ta ch'ulchan te Cajwaltic Jesuse. Joytaybil ta yat c'ajc' ya xtal soc te ch'ul abatetic yu'une te ay bayal yipique.

Apocalipsis 9:2

Jich la sjambey sti' te xaabe. Tey mo loq'uel tel ch'ail te jich yilel te bit'il xch'ailel te muc'ul hornoe. Te xch'ailele ijc'ub yu'un te c'aale, soc ijc'maxantic nax a bajt' te q'uinale.

Génesis 11:5

Te Cajwaltic coj tel yil te muc'ul lum soc te muc'ul toyol ts'ajc' te yacalic ta spasel te winiquetique.

Éxodo 19:17

Te Moisés la yic' loq'uel te lum ta bay nainemic, ba staic te Diose. Tey comic a ta yet'al wits.

Éxodo 34:2

Chajbana me aba ta swenta pajel te ya xmoat tel ta wits Sinaí ta sab. Ya me xtal atejc'an aba ta banti ayon ta mero slajibal sjol te witse.

Deuteronomio 5:4

Te Cajwaltic la sc'oponex ta wits Horeb, ta ye nix la sc'oponex loq'uel ta yolil te c'ajq'ue.

Isaías 64:1

Ayuc laj bit'il ya ach'i' te ch'ulchan yu'un ya xcoat tel a, swenta yu'un tey me ayat to ta syuquel te witstiquile.

Deuteronomio 4:36

La sc'oponex c'alal ta ch'ulchan ta swenta ap'ijubteselic, ta lumq'uinal la yac'beyex awilic buen muc'ul c'ajc' yu'un, soc la awaiybeyic sc'op ta yolil te c'ajq'ue.

Nehemías 9:13

“Ta patil coat bael ta wits Sinaí. La ac'opon c'alal ta ch'ulchan. La awac'bey chajbanbil c'opetic te mero stojil aye, mero smelelil nopjibaletic, soc buen lec mandaliletic soc tojtesjibaletic.

Salmos 18:9

La sjambey smajq'uil pac' c'oem te ch'ulchane, jich co tel. Ta yet'al yacan ay pimil ijc'al tocal.

Salmos 68:9

Dios cu'un, ja'at la awac' tel bayal ja'al, swenta yu'un la awac' xan lecubuc jajch'el te taquin lumq'uinal awu'une.

Salmos 77:19

La ajam abe ta mar c'axat ta bayal ja'etic, pero ma'yuc mach'a la yilbat awacan.

Salmos 114:4

Te witsetic jajch'ic ta wilel jichuc chijetic; te ch'in witsetic jajch'ic ta wilel jichuc ch'in chijetic.

Habacuc 3:6

Te lumq'uinal ya xnijc' te c'alal ya xcom ta beele; ya xcajic ta nijq'uel te nacionetic te c'alal ya x'ilot yu'une. Te muc'ul witsetic ya xjemic coel; ya xch'ayic bael te antiguo witsetique. Yan te beetic yu'un Dios sbajt'el q'uinal ayic stuquel.