Éxodo 19:15 - Bible in Tzeltal de Oxchuc y Tenejapa

¹⁵ Te Moisés la yalbey te lume: —Chajbana laj me abaic ta swenta te cha'weje. Ma laj me xajoin ta wayel te awinamique —xi' te Moisese.

Bible in Tzeltal Bachajón

¹⁵ Hich la yalbe te pueblo: Chapaluquex me te cha'beje; ma me xata abahic soc ants, xchi.

Éxodo 19:15 Referans Kwoze

1 Corintios 7:5

Ma me wocoluc xawac'bey abaic. Ja' nax teme ay ya achap ac'opic ta achebalic te jayeb c'aal te ma ba ya ac'opon abaique, swenta yu'un jich me ya awat'elinic sc'oponel te Diose. Teme loq'uix te jich yipal c'aal te la achapique, joina me abaic ts'iin, swenta yu'un ma me teyuc ya xlajex ta lo'layel yu'un a te Satanás, te bit'il ma xju'ix awu'unic te ya acom abaique.

Éxodo 19:11

Jich me chapalic ta lec te cha'weje. Melel te cha'weje, ya me xcoon tel ta sitic te lume ta wits Sinaí, jo'on te Ajwalilone.

Joel 2:16

tsobaic te lum yu'un Dios, ch'ultesaic. Tsobaic te mamaletic soc te alaletic, asta te alaletic ya to xchu'unique. Soc te mach'a nujbinelic to, ac'a loq'uicuc tel ta na yu'un nujbinel.

San Mateo 24:44

Ja' nanix jich te ja'exe, chapaluquex me ta maliywanej. Melel ma na'biluc awu'unic te ya awil talix a te Nich'anile.

Malaquías 3:2

Ja'uc me to, ¿mach'a ya xcujch' yu'un te bi c'aalil ya xtale? ¿Mach'a ya xju' yu'un te stalel teq'uel ya xjile? Melel jich ya xjul te bit'il c'ajc' te ya slecubtesotic, jich bit'il xapon te ya sloq'uesbotic sbolil te co'tantique.

Zacarías 7:3

soc ay bila tal sjojc'obeyic te j'alwanejetic soc sacerdoteetic te ayic ta templo yu'un Cajwaltic te Spisil ya xju' yu'une. Jich jul yalbeyic: —¿Spisil bal ora ya jcom jwe'eltic swenta seña mel-o'tan ta yo'ebal u sjajch'el te jujun ja'wile, jich te bit'il yacalotic ta spasel c'alal ora? —xiic julel.

Zacarías 6:3

Te yoxebale, nitbil ta saquil caballoetic. Te xchanebale, nitbil ta caballoetic te algo sacsactic stsotsilique.

Amós 4:12

—Jich yu'un, Israel, jich nix me ya jpasbat te ja'ate; te bit'il jich jnopoje, chajbana aba te ya ata aba soc te Dios awu'une —xi'.

Éxodo 19:16

C'alal sacub q'uinal ta yoxebal c'aal, chicnaj tel tsantsewaletic soc chawuc, soc mero pimil tocal te jul ta sba te witse. Tulan a jajch' ta oq'uel te xulubiletic. Spisil te lum te ay ta scampamentoique, nijq'uic yu'un xiwel.

Éxodo 19:14

Te Moisés coj tel ta wits, tal ta xchajbanel te lume. La yac'bey slecubtes sbaic soc la sac' sc'u'ic.

1 Crónicas 15:12

Jich la yalbeyic: —Ja'ex te jtsobwanejex yu'un te awermanotac levitaetic, ch'ultesa abaic soc te awermanotac te bit'il nix ay ta pasele, swenta yu'un ya ac'asesic bael te cajón yu'un Cajwaltic te Dios cu'untic te jo'otic te israelotique, tey me ya awac' ta bay chajbanbilix yawil cu'une.

Levítico 15:18

“Te winic soc ants te ya sta sbaique, ya me spoc sbaic xchebalic ta ja', ma ba lec ya xjilic sc'oplal c'alal yijc'ubel q'uinal.