Éxodo 19:11 - Bible in Tzeltal de Oxchuc y Tenejapa

¹¹ Jich me chapalic ta lec te cha'weje. Melel te cha'weje, ya me xcoon tel ta sitic te lume ta wits Sinaí, jo'on te Ajwalilone.

Bible in Tzeltal Bachajón

¹¹ scuenta yu'un chapalic a te cha'beje; yu'un cha'bej ya me yilic te pueblo te ya xco tal ta wits Sinaí te Jehová.

Éxodo 19:11 Referans Kwoze

Éxodo 19:16

C'alal sacub q'uinal ta yoxebal c'aal, chicnaj tel tsantsewaletic soc chawuc, soc mero pimil tocal te jul ta sba te witse. Tulan a jajch' ta oq'uel te xulubiletic. Spisil te lum te ay ta scampamentoique, nijq'uic yu'un xiwel.

Deuteronomio 33:2

jich la yal: —Te Cajwaltic tal ta Sinaí; c'alal to ta Seir yac'ojbotic tel xojobil. La sacubtes tel q'uinal c'alal ta witsetic yu'un Parán, jajch'em tel c'alal ta Meriba-cades, ta swa'el c'ab yich'ojbotic tel te mandaliletic te bayal xojobile.

Éxodo 34:5

Te Cajwaltic coj tel ta tocal, tey la sta sba soc a te Moisese. Te Cajwaltic la yal te sbiile.

San Juan 6:38

Melel te bit'il coemon tel ta ch'ulchane, ja' tal jpasbey sc'anjel yo'tan te mach'a la sticunon tele. Ma ja'uc tal jpas te bila ya sc'an co'tan jtuquele.

San Juan 3:13

“Ma'yuc mach'a moem bael ta ch'ulchan. Ja' nax stuquel te mach'a coem tel ta ch'ulchane, ja' te Nich'anil te talem ta ch'ulchane.

Salmos 144:5

Cajwal, jama te ch'ulchan, coan tel; tija te witstiquil swenta yu'un ya me xloc' xch'ailel.

Salmos 18:9

La sjambey smajq'uil pac' c'oem te ch'ulchane, jich co tel. Ta yet'al yacan ay pimil ijc'al tocal.

Números 11:17

Ya xcoon tel, ya xc'opojotic. Ya quich'bat oliluc te espíritu te awich'oje, ya cac'bey ta stojolic swenta yu'un ma atuqueluc ya awic' bael te lume, jich me ma atuqueluquix abi.

Éxodo 19:20

Te Cajwaltic tey coj tel a ta bay slajibal jol wits Sinaí. Albot te Moisés te ya xmo bael tey a ta ba ay te Diose. Jich mo bael te Moisés.

Éxodo 19:18

Spisil ta swolol te wits Sinaí loc' ch'ail tey a, melel te Cajwaltic jich a coj tel te bit'il c'ajc'. Te ch'aile xtomet nax yac ta moel jichuc xch'ailel horno. Ta sjoyobal te witse tulan a jajch' ta nijq'uel.

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Génesis 11:5

Te Cajwaltic coj tel yil te muc'ul lum soc te muc'ul toyol ts'ajc' te yacalic ta spasel te winiquetique.

Éxodo 34:2

Chajbana me aba ta swenta pajel te ya xmoat tel ta wits Sinaí ta sab. Ya me xtal atejc'an aba ta banti ayon ta mero slajibal sjol te witse.

Josué 3:5

Te Josué la yalbey: —Ch'ultesa me abaic ta stojol Dios, melel te pajele ya me awilic te Cajwaltic te tulan ya spas chajp at'elil soc yu'el —xi'.

Nehemías 9:13

“Ta patil coat bael ta wits Sinaí. La ac'opon c'alal ta ch'ulchan. La awac'bey chajbanbil c'opetic te mero stojil aye, mero smelelil nopjibaletic, soc buen lec mandaliletic soc tojtesjibaletic.

Éxodo 24:16

Te xojobil yutsilal te Cajwaltic, tey jul ta sba te wits Sinaí. Waqueb c'aal potsol ta tocal te witse. Ta sjuquebal c'aal c'oponot tel yu'un Cajwaltic te Moisés ta tocal.

Éxodo 24:17

Te xojobil Cajwaltic jul ta stojolic te israeletique. Jich chicnaj tel ta sitic ta bay mero slajibal sjol te wits jich bit'il c'ajc' te ya xlajinwan te yipe.

Deuteronomio 4:10

“Te bi c'aalil la atejc'an abaic ta stojol te Cajwaltic te Dios cu'untic ta wits Horeb, jich la yalbon: “Tsoba te lume, swenta yu'un ya me yaiybonic te jc'ope, soc ya me snopic te ya yich'onic ta muc' te jayeb c'aal ya xcuxinique, soc ya me yac'beyic snop te yal-snich'nabe, swenta yu'un ja' ni me jich ya spasic uuc”, xi'.