Éxodo 19:10 - Bible in Tzeltal de Oxchuc y Tenejapa

¹⁰ Te Cajwaltic jich la yal yu'un: —Baan chajbana te israeletic yo'tic to soc te pajele. Ac'a slecubtes sbaic, soc ya me sac' sc'u'ic.

Bible in Tzeltal Bachajón

¹⁰ hich halbot yu'un te Jehová: Bahan ta stojol te pueblo, ch'ultesa yo'tic soc pajel; soc ac'a sac' sc'u'-spaq'uic

Éxodo 19:10 Referans Kwoze

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

Levítico 11:25

“Mach'auc a te ya sjachbey sbaq'uetal te chambalametic lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil yu'un c'alal ta yijc'ubel q'uinal.

Génesis 35:2

Jich te Jacob la spas ta mandal mach'a jayeb ay ta sna soc te mach'a jayeb sjoineje: —Ch'ojaic loq'uel te jayeb bitic acuyojic ta Dios te awich'ojique, soc poca abaic, lapa yan ac'u'ic.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

Números 8:21

Te levitaetic la slecubtes sc'oplalic ta stojol Dios, soc la sac' sc'u'ic. Te Aarón la yac' ta stojol Cajwaltic jich bit'il majt'anil te muc' sc'oplale, la spas te bit'il ay ta mandalil yu'un ya slecubtes sc'oplal ta stojol Dios.

Levítico 15:5

“Mach'auc a te ya spic te banti way te winique, ya me sc'an te ya sac' te sc'u'-spaq'ue, soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Josué 3:5

Te Josué la yalbey: —Ch'ultesa me abaic ta stojol Dios, melel te pajele ya me awilic te Cajwaltic te tulan ya spas chajp at'elil soc yu'el —xi'.

Números 8:7

Te bila ya sc'an pasel ta lecubtesel sc'oplal, jich ay: Te ja'at tsijts'anbeya te ja' swenta lecubtesel sc'oplale. Ta patil ac'a xjox sbaic ta navaja ta scojt'ol sbaq'uetalic, soc ac'a saq'uic te sc'u'-spaq'uique. Jich me lecuben sc'oplal ya xjilic.

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.

Josué 7:13

Jajch'an tsoba te lum Israel. Albeya ac'a xchajban sbaic te ya xtal stejc'an sbaic ta jtojol te pajele. Melel jo'on te Ajwalilon te Dioson awu'unic jich me ya calbey: “Ja'ex ta apisilic la atsaquic te bila sc'oplal ya yich' jinel ta jc'axele. Jich yu'un teme ma ba ya ajin, soc teme ma ba ya aloq'ues ta atojolic, ma xju' ya atsal te acontroique” ya me cut.

2 Crónicas 29:5

jich la yalbey: —Levitaetic, aiybon awaiyic stojol jc'op: Ta ora yo'tic chajbana me abaic ta stojol Dios, soc lectesaic te templo yu'un te Cajwaltic Dios yu'un te antiguo jme'-jtatique. Loq'uesaic ta ch'ul awilal te bila ma lecuque.

Números 31:24

Ta sjuquebal c'aal ya me sc'an ya asaq'uic te ac'u'-apaq'uique, jich me lecuben ac'oplal ya xjilex. Ta patil ya me xju' ya x'ochex bael ta campamento —xi'.

Job 1:5

Te c'alal ya xlaj te q'uin yu'unic ta jujun snaic te snich'nab te Jobe, ya stsob te snich'nabe. Ta buen sab ya xjajch', ya yac'bey milbil smajt'an Dios te ya yich' chiq'uel ta scojt'ol yu'un ta juju-jtul te snich'nabe, swenta yu'un jich ya yich'ic lecubtesel yu'un smulic a. Jich la spas spisil ora te Job, la yal ta yo'tan teme repente ay staoj smulic te snich'nabe. Soc teme ay la yixtac'optayic Dios ta yo'tanique.

2 Crónicas 29:34

Te bit'il ma'yuc yipal te sacerdoteetic, ma ju' yu'unic spoch'el snujc'ulel ta spisil te chambalametic ta swenta te chic'bil majt'anile. Jich yu'un ja' coltayotic ta sju'tesel te at'el yu'un yermanotac, ja' te levitaetic, ja' to c'alal la xchajban sbaic ta stojol Dios te yantic sacerdoteetic, melel te levitaetic la yaq'uic ta ilel te toyol yo'tanic ta xchajbanel sbaic c'ax jich a te bit'il sacerdoteetique.

1 Samuel 16:5

La sjac' te Samuel: —Ja', swenta lamal-o'tanil. Talon ta yaq'uel milbil smajt'an te Cajwaltique. Ac'a me abaic ta ch'ultesel ta stojol te Diose. La' joinawonic ta spasel te milbil smajt'an Diose —xi'. Te Samuel la xch'ultes te Isaí soc te snich'nabe. La yic' ta sti'el te milbil smajt'an te Diose.

Apocalipsis 22:14

Bin nax me yutsilic te mach'atic ya sac' sc'u'-spaq'uic swenta yu'un jich ya xju' ya slo'beyic sit te te' ya yac' cuxinele, soc jich me ya xju' ya x'ochic bael tey a ta bay sti' sts'ajc'ul te muc'ul lume.

Números 11:18

Albeya mandal te lume, ac'a xchajban sbaic ta jtojol pajel, soc ya me sti'ic ti'bal. La caiybeyix yoq'uelic te jich yacalic ta yalele: “¡Ayuc ti'bal jti'tic! ¡Ja' lec ayucotic ta Egipto!” te xiique. Jich yu'un yo'tic ya me cac'bey ti'bal sti'ic.

Números 19:19

Te mach'a lec sc'oplal, ta yoxebal c'aal ya me stsijts'anbey ja' swenta lecubtesel te mach'a ma lecuc sc'oplal, soc ta sjuquebal c'aal. Ta sjuquebal c'aal lecub meix sc'oplal. Jich yu'un te mach'a ma lecuc sc'oplal ya me sac' te sc'u'-spac' soc ya me spoc sba ta ja', pero ma lecuc sc'oplal ya xjil c'alal ta yijc'ubel q'uinal.

2 Samuel 19:24

Jich nix te Mefi-boset, te snich'an Saúl, loc' ta stael te muc' ajwalile. Ja' to nix te bi c'aalil loc' bael te muc' ajwalile, asta ja' to c'alal lec sujt' tel, ma ba spocoj yacan, ma ba set'oj yisim, soc ma ba sac'oj sc'u'-spac'.

Números 31:23

jun nax sc'oplal ta spisil te bitic ya xcujch' yu'un te c'ajq'ue. Jich yu'un ac'a yich'ic lecubtesel sc'oplal awu'unic swenta yaq'uel ochel ta c'ajc', soc ac'a yich'ic poquel ta ja' yu'un lecubtesel sc'oplal. Yan te biluquetic te ma xcujch' yu'unic te c'ajq'ue, ja' nax me ac'a yich'ic lecubtesel sc'oplal awu'unic ta ja'.