Éxodo 18:9 - Bible in Tzeltal de Oxchuc y Tenejapa

⁹ Te Jetro bin nax yo'tan yu'un te mero bayal yutsil yo'tan Dios te la yac'bey yil te israeletic te bit'il la scoltay loq'uel ta sc'ab te egipcioetique.

Bible in Tzeltal Bachajón

⁹ Te Jetro mero tse'el yo'tan yu'un te bin lec la spas Jehová ta stojol Israel, te la scoltay loq'uel ta sc'ab te egipciohetique.

Éxodo 18:9 Referans Kwoze

1 Corintios 12:26

Teme ay swocol junuc te bila ay ta jbaq'uetaltique, pajal ya yaiybeyic xc'uxul ta scojt'ol. Soc teme ya sta yutsilal junuque, pajal ya yaiybeyic yutsilal ta scojt'ol.

Romanos 12:15

Ayuc me sbujts' awo'tanic soc te mach'atic ay sbujts' yo'tanic ya awilique. Pajal me x'oq'uex soc te mach'atic ayic ta oq'uele.

Romanos 12:10

Talel c'axel c'ux me x'awaiy abaic te bit'il awermano abaique. Jech ich'a me abaic ta muc' juju-jtul.

Isaías 66:10

Binuc nax me awo'tanic soc Jerusalén, nojuc me yutsil awo'tanic yu'un, ta apisilic ja'ex te c'ux ya awaiyique; jun nax me ya awac' abaic yu'un te yutsil awo'tanic ta apisilic, ja'ex te ay oq'uemex yu'une.

Isaías 44:23

Ja'at ch'ulchan, awunan, binuc nax awo'tan yu'un te bila spasoj te Cajwaltique. Toyesaic ta alel, “Bin nax yutsil”, xaanic me, ja'ex te ayex ta yet'al balumilale. Ja'ex witstiquil soc ja'maletic ta apisilic soc te te'etic awu'unique, binuc nax me awo'tanic ta aw. Melel te Cajwaltic la yac' ta ilel te yutsilale; libre la yac' te Israel, te lum yu'un Jacob.

1 Samuel 15:6

Jich la yalbey te quenitaetic: —Q'ueja abaic. Loc'anic bael ta yolil te amalequetic, swenta yu'un ma me pajaluc ya awich'ic lajinel soc, melel lec awo'tanic ta stojol israeletic te c'alal yacalic talel ta Egipto a —la yut. Jich te quenitaetic loq'uic bael ta yolil te amalequetique.

Isaías 63:7

Ya jc'an ya cal te xc'uxul yo'tan te Cajwaltique; ya jc'ajintay te yutsilale ta swenta spisil bitic spasoj ta jtojoltic. Ma p'isbiluc yutsil yo'tan ta stojol yal-snich'nab Israel; spasoj spisil ta swenta yutsil yo'tan soc te smuc'ul xc'uxul yo'tane.

Isaías 44:22

Jo'on la jch'aybatix ta jc'axel te faltaetic soc te muliletic awu'une, jich bit'il ya xch'ay ta jc'axel te tocale. Sujt'anic tel ta jtojol, melel cac'ojatix ta libre —xi'.