Éxodo 18:4 - Bible in Tzeltal de Oxchuc y Tenejapa

⁴ Te yane Eliezer sbiil, melel la yal xan: “Te Dios yu'un te jme'-jtate la scoltayon, ma la yac'on ta milel yu'un faraón”, xi'.

Bible in Tzeltal Bachajón

⁴ Eliezer sbihil te yane, yu'un la yal: Te Dios yu'un te jtat la scoltayon soc la yac'on ta libre ta espada yu'un faraón, xchi.

Éxodo 18:4 Referans Kwoze

Hebreos 13:6

Jich me jun co'tantic ya caltic: “Te Cajwale, ja' Jcoltaywanej cu'un; jich ma ba ya jxi' te bila ya sc'an spasbon te ants-winiquetique”, xootic yu'un.

2 Timoteo 4:17

Ja'uc me to, ja' teq'uel ta jts'eel te Cajwaltique soc la yac'bon yip co'tan. Jich ju' cu'un xcholel spisil te lec yach'il c'ope, soc la yaiyic stojol spisil te jyanlumetique. Jich la scoltayon loq'uel ta ye león-choj te Cajwaltique.

Hechos 12:11

Te c'alal la sna' te Pedroe, jich la yal: —Ta ora to la jna'ix stojol ta melel, te Cajwaltic la sticun tel ch'ul abat yu'un te la scoltayonix ta sc'ab te Herodese soc te bila snopoj te ya spasbonic te jlumal judioetique —xi'.

Daniel 6:22

Te Dios cu'un la sticun tel ch'ul abat yu'un, ja' la smacbey ye te león-chojetique. Jich ma'yuc bila la spasbon te león-chojetique, melel sna'oj te Dios te ma'yuc bila amen jpasojbat ta atojol te muc' ajwalilat cu'untique —xi'.

Salmos 46:1

Te Diose ja' anjibal cu'untic, ja' ya yac' quiptic stuquel; ja' ya scoltayotic te bi ora ay jwocoltique.

Salmos 34:4

La jle te Cajwale, la stsacbon jc'op, jich jilon ta libre yu'un spisil te xiwele.

Salmos 18:48

Ja' te ya scoltayon ta sc'ab te jcontrotac, ja' te mach'atic amen yo'tanic te la stoy sbaic ta jtojole. Ja'at Cajwal, ya acoltayon ta sc'ab te j'uts'inwanejetique.

Salmos 18:1

C'uxat ta co'tan, Cajwal, yipat co'tan atuquel.

1 Crónicas 23:15

Te snich'nab Moisés: ja'ic te Gersón soc Eliezer.

Éxodo 2:15

Te faraón la yaiy stojol te ay smiloj jtul egipcio te Moisese. Jich la sticun ta leel, yu'un ya yich' milel uuc. Te Moisés loc' ta anel, bajt' ta sq'uinal Madián, c'o snajc'an sba ta nopol pozo.

Hechos 7:29

Te c'alal la yaiy stojol te Moisese, bajt' ta anel ta banti sq'uinal Madián. Tey nain a jich te bit'il jyanlum winic. Tey ayin cheb snich'nab a.

Hebreos 11:34

soc ju' yu'unic stup'el yip te c'ajq'ue, soc ju' yu'unic te ma la yich'ic milel ta puñal te bit'il chapal sc'oplalique, soc ac'bot stulanilic te mach'atic ma'yuc yipique, soc ju' yu'unic guerra, soc ju' yu'unic snutsel bael te soldadoetic yu'un te yajcontroique,

Génesis 49:25

Wocol la yal te Dios cu'un te atatone, ja' me ya scoltayat, ja' te Dios te Spisil ya xju' yu'une, ya me yac'bat bayal bendición. Ja' te bendición ta swenta ch'ulchan te toyole, ja' te bendición ta swenta te mar te buen c'ubul coele, ja' te bendición ta swenta bit'il ya x'esmaj te awal-anich'nabe.

Éxodo 2:22

Ayin ch'in alal yu'unic. Gersón sbiil c'ot yu'un te Moisés, melel la yal: “Yu'un jyanlum winicon li'to”, xi'.

Éxodo 4:20

Jich yu'un te Moisés la yic' bael te yinam soc te snich'nabe, la scajanlay bael ta burro, bajt' ta Egipto. La yich' bael te bastón yu'un te Diose.

1 Crónicas 23:17

Te sbabial snich'an te Eliezer, ja' te Rehabías, ma'yuquix yan snich'nab. Yan te Rehabías ay bayal snich'nab stuquel.

Éxodo 10:28

Te faraón, jich la yalbey xan te Moisés: —Loc'an bael. Tsajtaya aba, ma me xtal quilbat xan asit ta yan buelta. Teme ay ya xcha'talat xan ta jtojole, ya me xlajat —xi' te faraone.