Éxodo 18:25 - Bible in Tzeltal de Oxchuc y Tenejapa

²⁵ La stsa winiquetic ta bay p'ijic ta yolil te israeletique. La yac'bey ta swentaic ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul.

Bible in Tzeltal Bachajón

²⁵ La stsa ta yohlil spisil Israel winiquetic te toj yo'tanique. La ya'be ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50), soc yu'un lajuntuhl (10).

Éxodo 18:25 Referans Kwoze

Deuteronomio 1:15

“Jich la quich' ta wenta ta juju-jchajp awu'unic te winiquetic ay sp'ijilic soc te yilojiquix spisil. La cac'bey swentainic jmil (1000) ta jtul winiquetic, ay yantic la cac'bey swentainic jo'winic (100) ta jtul, ay yantic la swentainic lajuneb yoxwinic (50) ta jtul, ay lajuntul winiquetic la swentainic, soc ay yantic la cac'bey yat'elic ta banti juju-jchajp te alumale.

Éxodo 18:21

Te ja'ate ya me atsa ta yolilic te alumal, winiquetic te ay sp'ijilic te yich'ojic ta muc' te Diose, te jun yo'tanic, soc te ma taq'uinuc sna'oj ta yo'tanique. Ac'beya yat'elic ta swentainel ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul.

Hechos 6:5

Spisilic lec la yaiyic te c'ope. Jich la stsaic te Esteban te ay bayal xch'uunjel yo'tane soc te nojel ta yo'tan te Ch'ul Espiritue, soc uuc te Felipe, te Prócoro, te Nicanor, te Timón, te Parmenas, soc te Nicolás te talem ta Antioquía te yac'ojix sba ta judioile.

Génesis 47:6

ilawil spamal sq'uinal te Egipto, chican banti ya ac'an ya awac' nainuquic. Ja' me xale te bay lec te q'uinal ya awac'bey sq'uinalin te atat soc te abanquiltaque. Ja' lec ac'a nainuquic ta Gosén. Soc teme ay sp'ijil yo'tanic ya awile, teme ay ya sna'ic wenta ta lec ya awil, ac'beya scanantaybon jchambalam uuc —xi' sc'oplal yu'un.

Éxodo 18:24

Te Moisés la xch'uunbey sc'op te snialmamale. La sc'otes ta pasel spisil te bila la yale.

Números 1:4

juju-jtul jtsobwanej yu'un ta chajbalchajp sts'umbal Israel.

Números 1:16

Ja'ic jtsobwanejetic yu'un chajbalchajp te tsabilic ta yolilic te israeletic.

Números 11:16

Ja'uc me to, te Cajwaltic la sjac': —Tsoba lajuneb xchanwinic (70) mamal-israeletic, te mach'atic ya ana' te ay yat'elic ta yolilic te lume. Ic'aic tel ta Nailpac' te bay ya quich' c'oponel, ac'a smaliyotic tey a.

2 Samuel 18:1

Te David la yajtay te soldadoetic yu'une, la xchap ta juju-jmil (1,000) soc jo'jo'winic (100). La yac' jtul capitán ta stojol te juju-jtsojp te soldadoetic yu'une.