Éxodo 18:23 - Bible in Tzeltal de Oxchuc y Tenejapa

²³ Teme ya ac'otes ta pasel in to, soc teme jich nix mandal yu'un te Diose, jich me ya xju' awu'un. Te lum jich me bin nax yo'tanic ya xbajt'ic ta snaic —xi' te Jetroe.

Bible in Tzeltal Bachajón

²³ Teme hich yac apas, soc teme hich ya spasat ta mandar te Diose, yac acoltay aba a, soc spisil te pueblo ini lamal q'uinal ya ya'iyic te ya suhtic bahel ta snahic, xchi.

Éxodo 18:23 Referans Kwoze

Éxodo 18:18

ya me xlubat te ja'ate. Soc ya me xlub uuc te lum te ya smaliyate. Melel te at'ele muc' te ya xtal ta atojole, ma me xju' awu'un spasel atuquel.

1 Samuel 8:22

Albot yu'un te Cajwaltique: —Ac'beya te bila ya sc'anique, ac'beya ochel jtul muc' ajwalil yu'unic —xi' te Cajwaltique. Ja' yu'un te Samuel la sticunlan sujt'el ta slumalic ta banti talemic ta juju-jtul.

2 Samuel 18:3

Pero la sjac'beyic: —Ma'uc, muc' ajwalil cu'untic, ma ba ya xbaat te ja'ate. Melel teme ya xloc'otic ta anel ta stojol te jcontrotic, ma'yuc bayal sc'oplal. Soc teme ya xlajotic olile, ja' nix jich ma'yuc bayal sc'oplal. Yan teme ja'at ya xlajate, pajal soc te ya xlaj lajunmil (10,000) ta jtul. Ja' yu'un ja' lec te ya xjilat ta lum, swenta yu'un ya me aticunbotic jajch'el yantic te mach'a ya scoltayotic —la yutic.

Génesis 18:33

Jich laj yo'tan ta c'op soc Abraham te Cajwaltique, jajch' ta beel. Yan te Abraham sujt' bael ta snailpac'.

Gálatas 2:2

Jich boon, melel Dios la yac'bon jna' te puersa ya xboone. Soc te bit'il ayonix ta Jerusalén a, la jtsob jba soc te mach'atic na'bil sbaique te yich'oj yat'elic ta jwolwaneje, soc la jcholbey yaiyic te sc'oplal colel te la cal ta stojol te jyanlumetique. Jich la jpas in to, yu'un ma jc'an te tojol ya xch'ay te cat'el te yacon ta spasele.

Hechos 15:2

Jich jajch' bayal c'op yu'un. In te Pablo soc te Bernabee tulan la yut sbaic soc. Jich la yich'ic tsael ta xchebalic soc xan yantic quermanotactic te ya xbajt'ic ta xchapel ta stojol te jpuc-c'opetic soc te ancianoetic te ayic ta lum Jerusalén.

2 Samuel 21:17

Pero te Abisai, yal Sarvia, ba scoltay te David. La stsac sba soc te filisteo, la smil jilel. Ja' yu'un te swinictac David yaquic ta yalel ta jamal te ma'yuc bi ora ya x'och xan ta guerra te Davide swenta yu'un ma ba ya xtup' te c'ajc' tsumul c'oem ta yolil Israel.

2 Samuel 19:39

Spisilic c'axic bael ta muc'ja' Jordán. Te c'alal c'ax bael te muc' ajwalil, la sbujts'i te Barzilai swenta spatjibal yo'tan jilel. Jich te Barzilai sujt' bael ta banti naineme.

Génesis 30:25

C'alal ayinemix yal a te Raquel, ja' te José, te Jacob la yalbey te Labán: —Ac'awon bael, ya xboonix ta jlumal ta banti jajch'emon tele.

Éxodo 16:29

Ac'a c'otuc ta awo'tanic te jo'on Ajwalilon awu'unic te la cac'beyex jun c'aal yu'un cux-o'tan. Ja' swentail ta swaquebal c'aal ya cac'beyex we'elil ta swenta cheb c'aal. Jich yu'un ta sjuquebal c'aal ya me x'ainex ta anaic, ma me xloq'uex a —xi' te Diose.

Éxodo 18:22

Ja'ic me ac'a xchajbanic te lum ta spisil ora. Ta bay muc'ul c'opetic, ac'a yich'ic tel ta atojol. Yan te bay peq'uel sc'oplal, ac'a xchajbanic stuquelic. Jich me ya xcolat yu'un te ijc'atsil te ay ta awentae, ja' me ya scoltayat ta xcuchel c'oem.

Éxodo 18:24

Te Moisés la xch'uunbey sc'op te snialmamale. La sc'otes ta pasel spisil te bila la yale.