Éxodo 18:22 - Bible in Tzeltal de Oxchuc y Tenejapa

²² Ja'ic me ac'a xchajbanic te lum ta spisil ora. Ta bay muc'ul c'opetic, ac'a yich'ic tel ta atojol. Yan te bay peq'uel sc'oplal, ac'a xchajbanic stuquelic. Jich me ya xcolat yu'un te ijc'atsil te ay ta awentae, ja' me ya scoltayat ta xcuchel c'oem.

Bible in Tzeltal Bachajón

²² Ha'ic ac'a schahpanic te pueblo ta spisil ora te banti ma ba tulan sc'oblal. Yan te banti tulan te c'ope, ya yich'ic tal ta atojol. Hich ya xpehc'aj yalal a te ihcatsil ay ta acuenta, ha'ic ya scoltayat ta spasel te a'tele.

Éxodo 18:22 Referans Kwoze

Números 11:17

Ya xcoon tel, ya xc'opojotic. Ya quich'bat oliluc te espíritu te awich'oje, ya cac'bey ta stojolic swenta yu'un ma atuqueluc ya awic' bael te lume, jich me ma atuqueluquix abi.

Números 36:1

Te jtsobwanejetic yu'un sts'umbal Galaad te mero sts'umbalic stuquel te Maquir, Manasés soc José, ba sc'oponic Moisés soc te jtsobwanejetic yu'un spisil Israel, jich la yalbeyic:

Números 27:2

Ja'ic te jo'tul antsetic te yermana sbaic, bajt'ic ta bay yochibal Nailpac' te bay ya yich' c'oponel te Cajwaltique, ba sc'oponic Moisés, te sacerdote Eleazar, te jtsobwanejetic soc spisil te israeletique. Jich c'o yalbeyic:

Números 15:33

Te mach'atic taot yu'un, la yiq'uic bael ta stojol Moisés soc Aarón soc ta spisil te lume.

Éxodo 18:26

Ja'ic la yaiyic chajbanwanej spisil ora. Ta bay mero chujc'ul te c'opetique, ba yaq'uic ta stojol Moisés. Spisil te bay peq'uel sc'oplale, la xchajbanic stuquelic.

Romanos 13:6

Ja' swentail te ya jtojtic jpatantic yu'une, melel ayic ta abatinel yu'un Dios ta spasel te yat'elique.

Éxodo 18:18

ya me xlubat te ja'ate. Soc ya me xlub uuc te lum te ya smaliyate. Melel te at'ele muc' te ya xtal ta atojole, ma me xju' awu'un spasel atuquel.

Éxodo 18:23

Teme ya ac'otes ta pasel in to, soc teme jich nix mandal yu'un te Diose, jich me ya xju' awu'un. Te lum jich me bin nax yo'tanic ya xbajt'ic ta snaic —xi' te Jetroe.

Esdras 7:25

“Jichat uuc te ja'ate, Esdras, chican te bila sp'ijil awo'tan yac'ojbat te Dios awu'une, ac'beya yat'el juecetic soc jwentainwanejetic. Ac'a xchajbanic ta stojil ta spisilic te mach'atic ayic ta jpam q'uinal te ay ta stojol smalib c'aal yu'un te muc'ja' Eufrates, ja'ic ta spisilic te ya sna'ic te mandalil yu'un te Dios awu'une. Te mach'atic ma sna'ique, ac'beya snopic.