Éxodo 18:21 - Bible in Tzeltal de Oxchuc y Tenejapa

²¹ Te ja'ate ya me atsa ta yolilic te alumal, winiquetic te ay sp'ijilic te yich'ojic ta muc' te Diose, te jun yo'tanic, soc te ma taq'uinuc sna'oj ta yo'tanique. Ac'beya yat'elic ta swentainel ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul.

Bible in Tzeltal Bachajón

²¹ Soc tsaha winiquetic ta yohlil te pueblo te toj yo'tanic, te xi'ojic te Diose, ha winiquetic te smelelil ya xc'opojic, te ya yihlayic te bin ma stojiluc ta tahel; a'beya ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50) soc yu'un lajuntuhl (10).

Éxodo 18:21 Referans Kwoze

Hechos 6:3

Jich yu'un, quermanotac, leaic juctul winiquetic ta awolilic te lec sc'oplalique, soc te ay sp'ijil yo'tanic, soc te nojel ta yo'tanic te Ch'ul Espiritue. Ja' me ya cac'beytic swentainic in at'el to.

Ezequiel 18:8

Ja' te mach'a ma ba ya sc'anbey sjol te staq'uin te c'alal ya yac' ta majanele; ma'yuc mach'a ya yac'bey swocol. Mero stojil ya xchajban teme ay mach'a cheb yacalic ta stsacbel sbaique.

2 Samuel 23:3

Te Dios yu'un Israel c'opojix, te Jcanantaywanej yu'un Israel jich yalojbon: ‘Ja' te mach'a mero stojil ya swentain te ants-winiquetique, ja' te mach'a yich'oj ta muc' Dios te ya x'at'ej ta muc' ajwalil,

1 Timoteo 3:3

Ma me xyaiy yacubel, ma me c'aemuc ta xjajch'esel c'op, ya sc'an te ay yutsil yo'tane, te lamal yo'tane, soc te ma xbic'taj yo'tan yu'un te taq'uine.

Zacarías 8:16

Pero ya calbeyex te bila spisil ora ya sc'an ya apasique: Mero meleluc me te ac'opic te ya awalbey abaique, mero stojil me te ya xchajbanwanex, bayaluc me sc'oplal ta awo'tanic te ya xlamaj q'uinal awu'unic ta swenta chajbanwanej awu'unique.

Zacarías 7:9

—Ja' jmandal ya cal in to: Buen toj me ya xchajbanwanex. Ayuc me yutsil awo'tanic; talel c'axel me x'ana'bey yo'bolil abaic.

Ezequiel 22:12

Te alumale ay ya xchon sbaic yu'un ya smilic yantic. Ya sc'anbey sjol staq'uin te c'alal ya yac' ta majanele, ya slo'lay ta sc'ajc'al te spat-xujq'ue, ya xch'ayon ta yo'tanic. Jo'on Ajwalilon te jich caloje.

Jeremías 5:1

Te Cajwaltic ya yal: —Beenanic ta bay calleetic yu'un Jerusalén, ila me awilic ta lec, leaic ta parqueetic, te ayuc mach'a ya ataic tey a te toj ya x'at'eje, te smelelil ya sc'an yac' sba. Teme ay ya ataique, ya me jpasbey perdón te Jerusalén.

Eclesiastés 12:13

Lajix ta alel te c'opetique, spisil la yich'ix alel. Ich'a ta muc' te Diose, ch'uunbeya te mandaliletic yu'une, melel ja' nax ta spisil te ay ta swenta spasel te ants-winiquetique.

Proverbios 28:2

C'alal yac ta bolobel te lume, ya x'esmajic tsobol te ajwaliletic yu'un; yan te lequil ajwalile, ya yac' lamal q'uinal ta stojol slumal.

Salmos 15:5

ja' te mach'a ya yac' ta majanel staq'uin te ma sc'anbey sjole; ja' te mach'a ma stsac smajt'an-taq'uin yu'un te mach'a tojol nax ay ta uts'inele. Te mach'a jich ya spase, ma me ayuc bi ora ya sta swocol yu'un.

Job 31:13

“Teme ay bitic la sc'anbon jtuluc abat cu'un, spisil ora la cac'bey te bila la sc'anbone.

Job 29:16

staton la yaiyic te mach'atic ma'yuc bi ay yu'unique, soc jo'on jcoltaywanejon yu'unic te jyanlumetique.

Nehemías 7:2

Te quermano Hanani la cac'bey swentain te Jerusalén soc te Hananías, te jwolwanej yu'un te tulan ts'ajq'ue. Melel te winic in to, ya yac' sba ta na'el te jun yo'tane, soc te xi'oj te Diose, c'axem jich xi'oj Dios a te bit'il yantic winiquetique.

Nehemías 5:9

Ja' yu'un jich la cal xan: —Te bila yacalex ta spasele, ma ba lec. Ya sc'an ya awaq'uic ta ilel te awich'ojic ta muc' te Dios cu'untique. Jich ma ba ya slabanotic a te mach'atic ma ja'uc xch'uunejic te cuxul Diose, te ja'ic te scontroinejotic stuquelique.

1 Samuel 8:3

Pero te snich'nab ma jichuc lec yat'elic te bit'il statique. Bayal bic'taj yo'tanic yu'un c'ulejalil soc yantic majt'aniletic, ma ja'uc la spasic te bi stojil ta pasele.

Éxodo 18:25

La stsa winiquetic ta bay p'ijic ta yolil te israeletique. La yac'bey ta swentaic ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul.

Génesis 22:12

Albot yu'un: —Ma me xyal ac'ab, ma me xamil te quereme. La jna'ix stojol te bit'il awich'oj ta muc' ta melel te Diose, yu'un ma ja'uc la ana'bey yo'bolil sba te jip jtul anich'ane, jun awo'tan ya ac'an amilbon jmajt'anin —xi'.

Hechos 20:33

Ma'yuc mach'a la jbic'tal-o'tantaybey plata yu'un soc oro yu'un soc te sc'u'-spaq'ue.

Isaías 59:4

Te mach'a ya sc'an parte, ma'yuc jtuluc te toj nax ya xc'opoje, ma'yuc mach'a toj yo'tan ya xbajt' ta chajbanel. Ja'uc me to, ja' muc'uben yo'tan yu'un te lot soc te jowil c'opetique; ja' muc'ubenix xch'ujt' yu'un te bila ma lecuque, ya me x'ayin yu'un te mulile.

Isaías 33:15

Te mach'a toj ya yac' sba soc te smelelil ya xc'opoje, te mach'a ma xyac' sba ta c'ulejal ta xiwteswanej soc yip, soc te ma xyac' sba ta chonel ta scaj majt'aniletic, teme ma xch'uun spasel te ya x'albot sc'oplal te bitic amen ta pasele, soc te ya smuts' sit swenta yu'un ma xyil te bila amene,

Génesis 42:18

Yoxebalix c'aal a, te José la yalbey yaiyic: —Pasaic me te bila ya calbeyexe, jich me ya xcuxinex, melel te jo'one jxi'oj te Diose.

San Lucas 18:4

Te juez bayal c'aal te ma la sc'an yo'tan te ya xchajbane. Patil la snop: “Manchuc teme ma ba ya jxi' te Diose soc te ma'yuc mach'a ya quich' ta muq'ue,

San Lucas 18:2

Jich albotic yu'un: —Ay jtul juez ta bay jpam lum te xujt' ma xi' te Diose, soc jtul ma'yuc mach'a ya yich' ta muc'.

Isaías 16:5

te jtul sts'umbal David ya xc'ot ta swenta mandalteswanej, ja' te mandaltesel ta swenta yutsil-o'tanil te sbajt'el q'uinal ay stuquele. Ja' me juez stuquel te lec yo'tane; ja' me ya sjajch'es ta pasel te bitic ay ta swenta juju-jtul soc ya me xc'ot ta ora te tojil chajbanele.

1 Reyes 18:12

Te bi ya xc'ot ta pasele: ja' teme la quijq'uitayat jilel, te espíritu yu'un te Cajwaltic ya me yic'at bael te banti ma jna'e. Te c'alal ya xba calbey yaiy te Acab, teme ma ba ya staate, jich me ya smilon awu'un. Te jo'on awabaton, c'alal to ta jqueremil spisil ora quich'oj ta muc' te Cajwaltique.

1 Reyes 18:3

Te Acab la yic' tel te Abdías te mayordomo yu'un, te mero xch'uunej ta spisil yo'tan te Cajwaltique.

1 Samuel 8:12

Ya me yac'bey yich' yat'elic ta jtsobwanej yu'un jmil (1,000) ta jtul soldadoetic, yan yu'un ya x'ac'bot stsob lajuneb yoxwinic (50) ta jtul. Soc ay me ya x'ochex ta joc'-lum yu'un, soc ya me x'ochex ta c'ajoj, soc ta at'el ta spasel at'ejibaletic yu'un guerra, soc ta spasel carretaetic yu'un.

Josué 22:14

La sjoin bael lajuntul jwolwanej-israeletic, juju-jtul ta swenta chajbalchajp.

Números 10:4

Yan teme jun nax ya yich' oq'uesinel, yu'un ja' nax me ya stsob sbaic te mamaletic te jtsobwanejetic yu'un te chajbalchajp te lume.

Génesis 47:6

ilawil spamal sq'uinal te Egipto, chican banti ya ac'an ya awac' nainuquic. Ja' me xale te bay lec te q'uinal ya awac'bey sq'uinalin te atat soc te abanquiltaque. Ja' lec ac'a nainuquic ta Gosén. Soc teme ay sp'ijil yo'tanic ya awile, teme ay ya sna'ic wenta ta lec ya awil, ac'beya scanantaybon jchambalam uuc —xi' sc'oplal yu'un.

Números 1:4

juju-jtul jtsobwanej yu'un ta chajbalchajp sts'umbal Israel.

Números 1:16

Ja'ic jtsobwanejetic yu'un chajbalchajp te tsabilic ta yolilic te israeletic.

Deuteronomio 22:18

Jich me ora ya stsaquic te winique, ya me yac'beyic castigo.

Esdras 7:25

“Jichat uuc te ja'ate, Esdras, chican te bila sp'ijil awo'tan yac'ojbat te Dios awu'une, ac'beya yat'el juecetic soc jwentainwanejetic. Ac'a xchajbanic ta stojil ta spisilic te mach'atic ayic ta jpam q'uinal te ay ta stojol smalib c'aal yu'un te muc'ja' Eufrates, ja'ic ta spisilic te ya sna'ic te mandalil yu'un te Dios awu'une. Te mach'atic ma sna'ique, ac'beya snopic.

Job 1:1

Ta sq'uinal Uz nain jtul winic, Job sbiil. Buen toj yo'tan ain ta stojol Dios, ma'yuc bila amen spasoj stuquel. Soc mero jun yo'tan la yac' sba ta abatinel yu'un te Diose; mero la stsajtay sba ta lec, soc ma'yuc bila amen la spasbey ta stojol yantic.

Salmos 15:1

Cajwal, ¿mach'a ya xju' ya x'ain ta ch'ul templo awu'un? ¿Mach'a ya xju' xnain ta ch'ul wits awu'un?

Éxodo 17:9

Jich yu'un te Moisés la yalbey te Josué: —Tsaa bael winiquetic, baan ac'beyaic guerra te amalequetic. Tey me ayon pajel ta jol wits. Ya me jtsac ta jc'ab te bastón yac'ojbon te Diose —xi'.

2 Samuel 18:1

Te David la yajtay te soldadoetic yu'une, la xchap ta juju-jmil (1,000) soc jo'jo'winic (100). La yac' jtul capitán ta stojol te juju-jtsojp te soldadoetic yu'une.