Éxodo 18:16 - Bible in Tzeltal de Oxchuc y Tenejapa

¹⁶ Te c'alal ay c'opetic yu'unic, jich ya xtalic ta jtojol. Jich ya jchajban ta juju-jtul te mach'a melel ya xc'opoje. Jich ya cac'bey sna'ic te bila ya sc'an ya spasic ta stojol Dios soc te p'ijtesel yu'une —xi'.

Bible in Tzeltal Bachajón

¹⁶ Te c'alal ay c'opetic yu'unic, ya xtalic ta jtojol; ya jchahpan ta schebalic soc ya calbe ya'iyic te bin ya yal te mandariletic yu'un te Diose, xchi.

Éxodo 18:16 Referans Kwoze

Éxodo 24:14

Yan te mamaletic yu'un Israel, jich la yalbey jilel: —Maliyawon li'to ja' to me teme sujt'otic tele. Ja' me ya ajoinic jilel te Aarón soc Hur. Teme ay mach'a ay c'opetic yu'une, ja' me ya xba awalbey ta stojolic —la yut jilel.

1 Corintios 6:1

Teme ay c'op awu'un soc awermano te ya awac' ta chajbanele, ¿lec bal te ya xba awac' ta chajbanel ta stojol juecetic te ma ba xch'uunejic te Diose? ¿Ma bal ja'uc lec te yacuc awac' ta chajbanel ta stojol te mach'atic ach'uunejic Dios soque?

2 Samuel 15:3

te Absalón ya yalbey: —Melel toj ay soc mero yich'oj swentail te bi ya awac' ta chajbanel yu'une, pero ma'yuc mach'a ya xchajbanat ta swenta te muc' ajwalile —ya yut.

Deuteronomio 5:1

Te Moisés la stsob spisil te lum Israel, jich la yalbey: —Aiya awaiyic, israeletic, te mandaliletic soc te bila chapal ya calbeyex awaiyic yo'tic, nopaic ta lec, soc jich me xapasic bael ta spisil ora.

Deuteronomio 4:5

Te jo'one la cac'beyexix anopic te mandaliletic soc te bitic chapal, te la yalbon cac'beyex anopic te Cajwal te Dios cu'une, yu'un me ya apasic bael tey ta lumq'uinal te banti ya xc'o awu'uninique.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Job 31:13

“Teme ay bitic la sc'anbon jtuluc abat cu'un, spisil ora la cac'bey te bila la sc'anbone.

1 Samuel 12:23

Jich te jo'one, ac'a me scoltayon te Cajwaltic te manchuc ya jquejch'an yalel wocol ta stojol ta awentaique, melel teme jich ya jpase, ja' me jmul ta stojol te Cajwaltique. Ja' lec ya me cac'beyex anopic bit'il ya sc'an ya awac' abaic, soc te bit'il mero toj ya x'ainexe.

Deuteronomio 6:1

“Ja' spisil ta jchajp te mandaliletic soc te bitic chapal yu'un Cajwaltic te Dios cu'untic te ya sc'an ya cac'beyex anopique, swenta yu'un ya me apasic bael spisil ora ta lumq'uinal te ya yac'beyex awu'uninique.

Números 15:35

Jich yu'un te Cajwaltic la yalbey te Moisés: —Te winic ac'a yil swocol ta lajel. Ta spisil te israeletic ac'a xch'ojic ta ton ta spat te scampamentoique —xi' te Cajwaltique.

Levítico 24:15

Te bila ya sc'an ya yich'ic alel te israeletique, jich xawalbey: “Te mach'a ya sbolc'optay soc ya stoybac'optaybon te jbiil jo'on te Ajwalilon te Dioson awu'unique, ya me xcuch smul, ya me yich' milel ta ch'ojel ta ton yu'un ta spisil te lume. Manchuc jyanlum, o ja' nix te yajwal lume, teme ya sbolc'optay soc ya stoybac'optaybon te jbiil jo'on te Ajwalilone, ya me yich' milel ta puersa yu'un”, uta me.

Éxodo 23:7

“Ma me xawac' aba ta jowil leaw ta c'op te ya achajbanbey sc'oplal ta lajel te mach'a ma'yuc smul te toj yo'tane, yu'un ya me cac'bey castigo te mach'a ya sta smule.

Éxodo 2:13

Cha'loc' bael ta yan c'aal, la yil te pajal hebreoetic yacal ta smajel sbaic. C'an scom te mach'a yac ta majawe, jich la yalbey: —Ma xamaj aba soc te awermanoe —xi'.

Éxodo 18:17

Jich yu'un te snialmamal te Moisés la yal: —Ma lecuc te bila ya apase,

2 Crónicas 19:10

Biluc c'opiluc yu'un te alumalic, ta spisil lumetic ta bayuc, te ya xtalic ta atojolic swenta yu'un ya anopic teme la yaiy milaw, o ma'uc, soc teme ya achajbanic ta swenta spisil ta jchajp mandaliletique, pasaic bael ta mandal te ma me sle smulic ta stojol te Cajwaltic, swenta yu'un ma x'ilin ta atojolic soc ta stojolic uuc. Pasaic me jiche, ma me ja'uc ya xc'ot ta atojolic te mulile.