Éxodo 18:12 - Bible in Tzeltal de Oxchuc y Tenejapa12 Te Jetro te snialmamal Moisés la stsac jcojt' chambalam yu'un ya smil soc ya xchic'bey smajt'anin te Diose, soc yan milbil majt'aniletic la yac'. Te Aarón soc spisil te mamaletic ich'bilic ta muc' yu'un Israel, la sjoinic ta we'el te snialmamal Moisés ta stojol te Diose. Gade chapit laBible in Tzeltal Bachajón12 Te Jetro te snihal-mamal Moisés la ya'be scohtol chic'bil mahtaniletic soc milbil mahtaniletic te Diose. Te Aarón soc spisil te mamaletic yu'un Israel tal sjoquinic ta we'el te snihal-mamal Moisés ta stojol te Diose. Gade chapit la |
Jich bajt' ta ula'tayel yu'un spisil te yermanotac winiquetic antsetic, soc te mach'atic jun yo'tan sba soque, ta spisil te mach'atic ya xna'bot sba yu'un ta namey tele. Ta comon la stsob sbaic ta we'el swenta q'uin ta sna te Job. La smuc'ubtesbeyic q'uinal yaiy: “Pajal c'ux la caiytic te wocol la sticunbat ta atojol te Cajwaltique”, xiic ta stojol. Ta juju-jtul la yac'beyic taq'uin soc jujun ch'ocowil oro.
Yo'tic ya me atsaquic juqueb toroetic soc juqueb tat chijetic. Baanic ta stojol te cabat Job, ac'aic ta scojt'ol chic'bil majt'anil ta jtojol yu'un awu'unic ja'ex. Te cabat Job ya me sc'oponon ta awentaic, ya me quich'bey ta wenta te sc'ope, jich ma'yuc bila amen ya cac' c'otuc ta atojolic, manchuc me jich ya sc'an pasel ta atojolic te jichuque, melel ma ja'uc la awalic te bila smelelil jc'oplale, jich te bit'il la spas stuquel te cabat Job —xi'.
Te c'alal ya xlaj te q'uin yu'unic ta jujun snaic te snich'nab te Jobe, ya stsob te snich'nabe. Ta buen sab ya xjajch', ya yac'bey milbil smajt'an Dios te ya yich' chiq'uel ta scojt'ol yu'un ta juju-jtul te snich'nabe, swenta yu'un jich ya yich'ic lecubtesel yu'un smulic a. Jich la spas spisil ora te Job, la yal ta yo'tan teme repente ay staoj smulic te snich'nabe. Soc teme ay la yixtac'optayic Dios ta yo'tanique.
Te muc' ajwalil Ezequías la yalbey wocol spisil te levitaetic te la yaq'uic ta ilel te lec yo'tanic ta abatinel yu'un te Cajwaltique. Laj yo'tanic ta we'el yu'un te q'uin c'alal ta juqueb c'aal, ja' te la yac'bey milbil majt'anil ta swenta seña lamal-o'tanil soc te Diose, soc la yalbeyic yutsil sc'oplal te Dios yu'un te antiguo sme'-statique.
Pasbonic scajtijib ta chiq'uel jmajt'an ta ts'ubil lum. Milbonic jmajt'anin te achambalamique, ja' te achijic soc te awacaxique. Ay me ya achic'bonic jmajt'anin scojt'ol, soc ay me ya amilbonic jmajt'anin swenta seña te lamal-o'tanile. Ya xtalon ta jujun awilal te bay ya sc'an co'tan te ya ana'ulayone, tey me ya cac'beyex bendición a.