Éxodo 18:11 - Bible in Tzeltal de Oxchuc y Tenejapa

¹¹ Ta ora to c'otix ta co'tan te mero muc' te Cajwaltique, ma'yuc bay yan diosetic ya spaj, melel te bit'il c'an stoy sbaic te egipcioetique, ma ju' yu'unic —xi'.

Bible in Tzeltal Bachajón

¹¹ Yo'tic la jna'ix te c'ax hich muc' a te Jehová te bin ut'il spisil te diosetic, te hich la spasbe te mach'atic la yuts'inic te Israel ta scuenta stoybahilic, xchi.

Éxodo 18:11 Referans Kwoze

Salmos 95:3

Melel te Cajwaltique ja' muc' Dios stuquel, ja' Muc' Ajwalil yu'un spisil te ch'ul abatetique.

Éxodo 15:11

Ja'at Cajwal, ma'yuc yan diosetic ya spajat. Ma'yuc yan mach'a ya spajbat awutsilal soc amuc'ul te ja'ate. ¡Jchajp nax bitic ya apas soc xiweltic sba! ¡Awu'un c'ajintayel!

2 Crónicas 2:5

Te templo ya jpase muc' me ta jyalel, melel te Dios cu'untic c'axem to xan ay yu'el stuquel a te bit'il yantic diosetique.

San Lucas 1:51

Mero muc' te bila spasoj ta swenta te yu'ele: La spuquix bael te mach'atic stoyoj sbaique soc te ay bila snopoj ta yo'tanique.

Salmos 135:5

Jo'on mero jna'oj ta lec te ja' muc' yu'un spisil bitic cuybil ta Dios te Cajwaltic Diose.

Daniel 4:37

“Yo'tic, jo'on te Nabucodonosor, ya calbey wocol, ya quich' ta muc' soc ya jtoyesbey yutsil sc'oplal te Muc' Ajwalil ta ch'ulchane. Melel spisil te bitic ya spase mero melel ya xc'ot, soc mero stojil ya spas. Ya yac'bey spejc'an sbaic te mach'atic bayal sc'oplal ya scuy sbaique”, xi' te Nabucodonosor ta sjun.

Salmos 97:9

Melel te ja'at Cajwal, te Toyolate, ayat ta toyol ta sba te balumilal; mero atuquel cajalat yu'un spisil te bitic cuybil ta Diose.

1 Crónicas 16:25

Melel te Cajwaltic muc' stuquel, soc mero ya sc'an albeyel yutsil sc'oplal, mero xiweltic nax me sba stuquel yu'un a te yantic diosetique.

Santiago 4:6

Bayal yutsil yo'tan cu'untic te Diose. Jich te bit'il ts'ibubil jilel ta Sjun te Diose: “Dios scontroinej te mach'atic stoyoj sbaique, yan te mach'atic peq'uel yac'oj sbaique ya xc'uxtay stuquel”, te xie.

Salmos 119:21

Ja'at ya acom te mach'atic toybaetic soc te amenic, te ya yijq'uitaybat te mandaliletic awu'une.

Nehemías 9:10

Mero muc' señail soc jchajp at'eliletic la apasbey swenta scontroinel faraón, ta stojolic te abatetic yu'une, soc ta spisilic te yajwal te slum-sq'uinale, melel la ana' te peq'uel ta sitic te israeletic soc stoyoj sbaic ta stojol. Jich chicnaj te yutsil smuc'ul ac'oplal te ay ta ora in to.

2 Reyes 5:15

Te Naamán soc spisil sjo'tac ba yilic te Eliseo. C'alal c'otic ta stojol, te Naamán jich la yalbey: —Yo'tic la jna'ix ta lec ta spamal balumilal ma'yuc Dios, ja' nax ay Dios stuquel ta Israel. Ja' yu'un, wocoluc, tsaca amajt'an te ya cac'bat te jo'on awabatone —xi'.

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.

Salmos 31:23

C'ux me x'awaiy ta awo'tanic te Cajwaltic ta apisilic te jun awo'tanic ta stojole. Te Cajwaltic ya scanantay te mach'atic junajem yo'tanic ta stojole; yan te mach'atic toybaetique yac ta toyel te castigo ya x'ac'botic stuquelique.

Nehemías 9:29

La atac'uy, la awalbey te yacuc spasic xan te bila ya yal te mandaliletic awu'une. Pero la yich' sbaic ta muc' stuquelic, ma ba la yich'ic ta wenta te mandaliletic awu'une. La xc'axintaybat te bitic la awal ta stojolique, te ya yac'bey xcuxlejal te mach'atic ya spasique. Ma ba la yich'ic ta muc', mero tulan la yac' sbaic, ma'yuc sc'oplal c'ot ta yo'tanic.

Nehemías 9:16

“Pero ja'ic soc ta spisil te antiguo jts'umbaltic, la stoy sbaic soc mero tulan la yac' sbaic. Ma ba la yich'bat ta muc' te mandaltesel awu'une.

1 Reyes 17:24

Te ants jich la yal: —Yo'tic la jna'ix te mero melel te swinicat Dios, soc te bila ya awal, ja' smelelil sc'op te Cajwaltique —xi'.

1 Samuel 2:3

Ma me ayuc mach'a xc'opoj soc stoybail, ma me ayuc mach'a ya stoy sba ta jc'axel soc te sc'ope, melel te Cajwaltic, ja' Dios te spisil ya sna' stuquele, ja' te ya stsatay spisil te bitic ya spas te ants-winiquetique.

Éxodo 14:18

C'alal la cac'beyix yil cu'el a te faraón soc te soldadoetic yu'une te ay ta scarretaic soc scaballoic, jich me ya sna'ic te jo'on Ajwalilone —xi' te Cajwaltique.

Éxodo 14:8

Te Cajwaltic la stulantesbey yo'tan te faraón swenta yu'un ya snuts te israeletique. Ma tic'uc la yaiyic a te smuc'ul yu'el Cajwaltic te la sloq'ues tel tey a.

Éxodo 12:12

Te ajc'ubal ya cale ya me xc'axon ta spamal Egipto ta yejch'entesel ta lajel sba-nich'aniletic ta juju-jchajp sna te egipcioetic, soc te sba yalatac te xchamsbalamique. Castigo ya xc'ot ta stojolic spisil te diosetic yu'un Egipto. Jo'on Ajwalilon jtuquel te la cale.

Éxodo 10:3

Te Moisés soc Aarón ba sc'oponic te faraón, jich la yalbeyic: —Jich la yal te Cajwal te Dios cu'untic te hebreootique: “¿Bi ora ya apejc'an aba ta jtojol? Ac'a loq'uel te lum cu'une. Ya xba yich'onic ta muc'.

Éxodo 5:7

—Ma xawac'beyiquix ac te israeletic te ya scap soc te adobe, te bit'il yacalex ta spasel ta stojolique. Ac'a ba sleic tel stuquelic.

Éxodo 5:2

Te faraón la yalbey: —¿Mach'a a te Awajwal te ya jch'uunbey sc'op te ya cac' bael te israeletique? Ma jna'bey sba te Awajwal ya awale. Ma xju' caq'uex bael —xi'.

Éxodo 1:22

Te faraón la yalbey mandal spisil te slumale. Jich la yal: —Ch'ojaic bael ta muc'ja' spisil te alalqueremetic te ya x'ayinique. Yan teme ach'ixetique, ma xawuts'inbey xcuxlejal stuquelic —xi'.

Éxodo 1:16

—Te c'alal ya xba awilic te hebrea-antsetic te ya x'alajique, ilawilic ta lec te bi alalil te ya x'ayine. Teme ach'ixe, ac'a cuxinuc, yan teme quereme, milaic —xi' sc'oplalic.

Éxodo 1:10

Jich yu'un ya me sc'an ya quich'tic jp'ijiltic te yacuc comuc ta esmajel, melel teme ay tal jcontrotic, teme ba xchap sc'opic soque, ya me yac'botic guerra, jich me ya xcolic bael ta jc'abtic —xi'.

Números 33:4

ja' yorail a te yacalic ta smuquel sba snich'anic a te egipcioetique. Jich te Cajwaltic la yac' ta ilel te cajal yu'el yu'un te diosetic yu'un Egipto.