Éxodo 18:1 - Bible in Tzeltal de Oxchuc y Tenejapa

¹ Te Jetro te sacerdote yu'un te madianetique, te snialmamal te Moisés, la yaiy stojol spisil te bitic la spas Dios soc Moisés soc te lum Israel te bit'il la yich' loq'uesel tel ta Egipto yu'un te Cajwaltique.

Bible in Tzeltal Bachajón

¹ Te Jetro, te sacerdote yu'un Madián soc ha snihal-mamal Moisés, la ya'iy spisil te bintic pasbot yu'un Dios te Moisés soc Israel te pueblo yu'un, soc te bin ut'il Jehová la sloq'ues tal Israel ta Egipto.

Éxodo 18:1 Referans Kwoze

Éxodo 3:1

Te Moisés ya scanantaybey xchij te snialmamal Jetro, te sacerdote yu'unic te madianetique. Ay la yic' c'axel te chijetic ta muc'ul jochol taquin q'uinal. C'ot c'alal ta nopol wits yu'un Dios te Horeb sbiile.

Éxodo 2:16

Te Reuel, sacerdote yu'un te madianetic, ay juctul yantsil-nich'nab. Bajt'ic ta sloq'uesel ja' ta bay pozo. Ja' ba snojesic ta bay ya yuch'ic ja' te chijetique, jich ya yac'beyic ja' yuch'.

Hechos 14:27

Te c'alal c'otic ta Antioquía, la yiq'uic tel spisil te jch'uunjeletique. La yalbey yaiyic spisil te bila spasoj Dios ta swentaique soc te bit'il jamal be yu'un te ya yac' xch'uunjel yo'tanic uuc te jyanlumetique.

Zacarías 8:23

Ta yorail, ay me lajuntul jyanlumetic te yantic sc'opic ya me sjijp'an sbaic ta sti'il sc'u' jtul judio, jich me ya yalbeyic: “Ya jc'an ya jt'unticat bael te ja'exe, melel la caiytiquix te ajoinejic te Diose”, xiic me —xi' te Cajwaltique.

Salmos 106:2

¿Mach'a ya xju' yu'un yalel te tsalawetic spasoj te Cajwaltique? ¿Mach'a ya xju' yu'un te ya yalbey yutsil sc'oplal jich nix te bit'il ya sc'ane?

Salmos 105:43

Te Dios jich la sloq'ues te lum tsabil yu'un, yacalic ta aw loq'uel swenta yutsil q'uinal la yaiyic.

Salmos 78:4

ma ba ya jmucbeytic ta stojolic te cal-jnich'nabtique. Te jaycaj xan mach'atic ya to xc'axic ta q'uinal ya me jointic ta stoyesel yutsil sc'oplal te Cajwaltique, soc ya me calbeytic sc'oplal yu'el soc te jchajp at'eliletic yu'une.

Salmos 44:1

Dios cu'untic, caiyojtic te bila yaloj te jme'il-tatiletique, te bila la apasbey ta stojolic te c'alal cuxajtic ta q'uinal ae, ja' te bila la apas ta nameye.

Salmos 34:2

Te jo'one toyem q'uinal ya caiy yu'un te Cajwale; te ja'ex te peq'uelexe, aiya awaiyic stojol, binuc nax me awo'tanic yu'un.

Josué 9:9

La sjaq'uic: —C'ubul talemotic ta scaj te pujq'uem sc'oplal te Ajwalil te Dios awu'unique. Caiyojtic stojol spisil te bi la spas ta Egipto,

Josué 2:10

Melel caiyojtic stojol te c'alal loq'uex tel ta Egipto, Dios la staquintesbeyex slumil te Mar Rojo te c'axex tel a. Ja' nix jich jna'ojtic stojol te jc'axel la amilic jilel te cheb ajwaliletic yu'un te amorreoetique, te Sehón soc te Og, ja' te ayic ta jejch' muc'ja' Jordán.

Romanos 15:18

Ja' nax ya calbey sc'oplal te bila spasoj ta jwenta te Cristoe, swenta yu'un ya cac'bey xch'uunbeyic sc'op Dios te jyanlumetique. Ja' ta swenta te smelelil c'op la cale, soc ta swenta te bila la jpase,

Hechos 15:12

Jich ch'abic ta c'op ta spisilic te mach'atic stsoboj sbaique, soc la yaiybeyic stojol sc'op te Bernabé soc te Pabloe te la yalic te bit'il Dios la spas señailetic soc jchajp at'eliletic ta swentaic ta stojol te jyanlumetique.

Jeremías 33:9

Te Jerusalén ya me yac'bon yutsil co'tan, ya me yac'on ta ich'el ta muc' soc cutsilal, ta stojol spisil nacionetic ta balumilal. C'alal ya yaiyic stojol ta alel spisil yutsilal te ya cac'bey tel yajwal Jerusalén, soc spisil te ya cac' esmajuque, ya me xnijc' yo'tanic yu'un xiwel —xi'.

Salmos 105:5

Ma me xach'aybey ta awo'tanic te jchajp at'eliletic muq'uic spasoje, soc te bila chapal yalojbey sc'oplale,

Jueces 4:11

Ta jijte' ta Zaanaim, te nopol yiloj sba soc lum Cedes, tey yac'oj scampamento te Heber te quenita-winic, te la sloq'ues sba tel ta stojolic te yantic quenitaetic te sts'umbalinejic tel te Hobab te snialmamal Moisés.

Números 10:29

Ay jun c'aal te Moisés la yalbey te sbal Hobab, snich'an Reuel te madianil winique: —Te jo'otic ya xbootic ta lumq'uinal te yalojbotic Cajwaltic te ya yac'botique. La', joinawotic, jun me co'tantic ta atojol, melel te Cajwaltic yaloj ta jamal te buen lec yo'tan yu'un Israel —xi' te Moisés.

Éxodo 4:18

Moisés sujt' bael ta sna te snialmamale, ja' te Jetro. Jich la yal: —Ya sujt'on bael ta Egipto ta bay ayic te jlumale. Ya jc'an xba quil teme cuxulic toe —xi'. —Baan, jun me awo'tan ya xbaat —xi' te Jetro.

Éxodo 2:21

Te Moisés la xch'uun iq'uel ochel. Tey nain a, la sjoin ta nainel te Reuele. Ta patil te Reuel la yac'bey yinamin te jtul yantsil-nich'ane ja' te Séfora sbiile.

Éxodo 2:18

C'alal sujt'ic bael ta stojol te statique, jojc'obotic yu'un: —¿Bit'il ay a te sujt'ex tel ta orae? —xi'.

Éxodo 6:6

Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

Jueces 1:16

Te sts'umbal Hobab te quenita-winic, te snialmamal Moisés, loq'uic bael ta lum Palmaetic, sjoinej bael te sts'umbal Judá. Bajt'ic ta bay te jochol taquin q'uinal yu'un Judá te ay ta stojol sur yu'un lum Arad. La sjoin sbaic ta nainel soc te yajwal q'uinal tey a.