Éxodo 17:2 - Bible in Tzeltal de Oxchuc y Tenejapa

² Jajch'ic ta yutel te Moisés, jich la yalic: —¡Ac'botic ja' cuch'tic! —xiic. —¿Bistuc ya awutonic te jo'one? ¿Bistuc ya awil-o'tantayic te Diose? —xi' te Moisese.

Bible in Tzeltal Bachajón

² Te pueblo hahch stijic ta c'op te Moisés, hich la yalic: ¡A'botcotic ha' yu'un ya cuch'cotic! la yutic. ¿Bin yu'un yac atijonic ta c'op? ¿Bin yu'un yac awilbeyic yo'tan te Jehová? xchi te Moisés.

Éxodo 17:2 Referans Kwoze

1 Corintios 10:9

Soc ma me xquilbeytic yo'tan te Cajwaltique, jich te bit'il ay la yil-o'tantayique, jich lajic ta ti'el ta chan yu'un.

Salmos 78:41

La xcha'pasic xan ta prueba; jich la yaq'uic c'opojuc yo'tan te Ch'ul Dios yu'un Israel.

Salmos 78:18

La spasic ta prueba te Diose, jajch' sc'an swe'ic te bila la sc'an yo'tanique.

Deuteronomio 6:16

“Ma me x'awilbeyic yo'tan te Cajwaltic Dios cu'untique, jich bit'il la apasic ta Masah.

Hebreos 3:9

Tey la yilbonic co'tan a te me'il-tatiletic awu'unique, manchuc teme cha'winic ja'wil te la yilbonic te bila la jpas ta stojolique.

Isaías 7:12

Te Acaz la sjac': —Ma jc'an quilbey yo'tan te Cajwal ta sc'anel jchajp at'elil —xi'.

San Mateo 4:7

Jesús la yalbey: —Soc jich ts'ibubil ta Sjun Dios: “Ma me x'awilbey yo'tan te Cajwaltic te Dios awu'une”, te xie —xi'.

Salmos 95:9

Ja' te c'alal la yilbonic co'tan te antiguo ame'-atatic, manchuc me la yilbonic te at'eliletic cu'une.

Números 21:5

Jajch'ic ta scontroinel ta c'op te Dios soc Moisés, jich la yalic: —¿Bistuc la aloq'uesotic tel ta Egipto? ¿Bi yu'un tal awac' lajucotic ta jochol taquin q'uinal? Ma'yuc ja' cuch'tic, soc ni ma'yuc jwe'eltic. C'axix co'tantic ta swe'el te maná —xiic.

Hechos 15:10

Jich yu'un ¿bistuc te ya awilbeyic yo'tan te Diose, te ya awac'bey yijc'ats te jch'uunjeletic ta xch'uunel te bila ma ju' cu'untic xch'uunel soc uuc te jme'-jtatique?

Hechos 5:9

Te Pedro la yalbey: —¿Bistuc la achap ac'op ta achebalic te la awilbeyic yo'tan te Espíritu yu'un te Cajwaltique? Aiya awaiy stojol, ayix ta ti'nail te mach'atic c'o smucbat jilel te amamlale. Ja' nix ya yich'bat bael abaq'uetal te ya smucbate —xi'.

San Lucas 4:12

Jesús la yalbey: —Soc jich ya yal uuc te Sjun Diose: “Ma me x'awilbey yo'tan te Cajwaltic Diose”, te xie —xi'.

Malaquías 3:15

Jo'otic quilojtic te ja' bin nax yo'tanic ta beel te toybaetique; soc te mach'atic amen yat'elic lec ya xloq'uic stuquelic te ya yilbeyic yo'tan Dios, ni jtebuc castigo ya yich' stuquelic”, xaex ta yalel —xi' te Diose.

Salmos 106:14

C'alal ayiquix ta jochol taquin q'uinal, tey la yilbeyic yo'tan a te Diose; la sujic ta spasel te bitic la sc'an yo'tanic.

Salmos 78:56

Pero la spasic ta prueba te Dios te mero Toyole, la scontroinic, la xc'axintaybeyic te smandale.

Números 14:22

Jich yu'un te jo'on ya cal te ma jtuluc te mach'atic yilojbonic yutsilal jxojobil, soc te jchajp señailetic la jpas ta Egipto soc ta jochol taquin q'uinal, te ja' nax la spason ta prueba yilic bayal buelta ta jochol taquin q'uinal, te yu'un ma sc'an xch'uunbonic te jmandale,

Éxodo 17:7

Meriba c'ot sbiil yu'un, melel tey jajch'ic ta ch'inlajanel a te israeletique. Soc Masah la yac'bey xan sbiil, melel tey la yilbey yo'tan a te Diose. Yu'un jich la yalic: —¿Sjoinejotic bal te Cajwaltique, o ma ba sjoinejotic? —xiic.

San Lucas 15:12

Te ijts'inale la yalbey te state: “Jtat, ya me awac'bonix te jayeb abiluc te ya xc'ot ta jwenta awu'une”, xi' ta stojol te state. Jich te state la spucbey sbiluc soc sq'uinal juju-jtul te snich'nabe.

Éxodo 15:24

Te lum jajch'ic ta sbolc'optayel te Moisés, jich la yalbeyic: —¿Bi ya cuch'tic? —xiic.

1 Samuel 8:6

Te Samuel ma lecuc la yaiy te yac ta alel te ya sle muc' ajwalil te ya xwentainotic yu'une; ja' yu'un bajt' ta sc'oponel te Cajwaltic.

Números 14:2

Spisilic jajch'ic ta bol c'op ta stojol te Moisés soc te Aarón, jich la yalic: —¡Ja' lec te lajucotic ta Egipto, o ta jochol taquin q'uinal!

Éxodo 5:21

Jich la yalbeyic: —Te Cajwaltic ya me yil te bila yacalex ta spasele, ac'a yac'beyex castigo. Melel ja'ex amulic te bit'il ma'yuquix jc'oplaltic ta yo'tan faraón soc te sjo'tac ta ajwalile. Ja'ex la awac'beyic yat'ejib ta sc'abic c'oem yu'un ya smilotic a —la yutic.

Éxodo 16:8

La yal Moisés: —Ta xmal c'aal yo'tic, ya me yac'beyex ati'ic ti'bal. Yan ta sab ya me yac'beyex bayal waj. Melel te Cajwaltic la yaiy stojol te bila la awalic ta ch'inlajanel ta c'op ta stojole. Melel ¿mach'aotic ya awaiy a te jo'otique? Ma me ja'uc la abolc'optayotic, ja' me la abolc'optayic te Cajwaltique —xi'.

Salmos 95:8

“Ma me xawac' tulanubuc awo'tanic, jich bit'il la yich' pasel ta Meriba, jich te bi c'aalil c'ot ta pasel ta Masah ta jochol taquin q'uinal.

Salmos 106:13

Ja'uc me to, ora nax ch'ay ta yo'tanic te bitic spasoj Dios, jich ma ju' yu'unic smaliyel te bitic chapal yu'une.

Deuteronomio 9:22

“Soc nix ta Tabera, ta Masah soc ta Kibrot-hataava la ajajch'esbey yilimba te Cajwaltique.