Éxodo 16:8 - Bible in Tzeltal de Oxchuc y Tenejapa

⁸ La yal Moisés: —Ta xmal c'aal yo'tic, ya me yac'beyex ati'ic ti'bal. Yan ta sab ya me yac'beyex bayal waj. Melel te Cajwaltic la yaiy stojol te bila la awalic ta ch'inlajanel ta c'op ta stojole. Melel ¿mach'aotic ya awaiy a te jo'otique? Ma me ja'uc la abolc'optayotic, ja' me la abolc'optayic te Cajwaltique —xi'.

Bible in Tzeltal Bachajón

⁸ La yal xan te Moisés: Te Jehová ya ya'beyex awe'ic ti'bal ta xtibiltay, soc ta sab ya ya'beyex pan te ya xnoj ach'uhtic yu'un; como te Jehová la ya'iybeyex atijawic ta c'op ta scontrahinel. Yan te ho'otcotic ¿Mach'a yac acuyotcotic a? Ma ba ho'otcotic te yac atijotcotic ta c'op, ha yaquex ta stijel ta c'op te Jehová, xchi.

Éxodo 16:8 Referans Kwoze

Romanos 13:2

In te mach'atic ya scontroinic te ajwaliletique, ja' ya scontroinic te bila xchapoj te Diose. Te mach'atic ya scontroinic te ajwaliletique, ya me sta swocolic yu'un.

1 Samuel 8:7

Pero jich albot yu'un te Cajwaltic: —Spisil te bi ya sc'anbat te lume, pasbeya; melel ma ja'ucat te ma sc'anat, jo'on te ma sc'anonique. Ja' ma sc'anic te ya x'at'ejon ta ajwalil ta stojolic.

1 Tesalonicenses 4:8

Jich yu'un te mach'a ma'yuc sc'oplal ya xc'ot ta yo'tan in mandal to, ma ja'uc smandal ants-winic te la xch'aybeyixe, ja' la xch'aybey smandal te Diose te yac'ojbotic te Ch'ul Espiritue.

San Lucas 10:16

“Te mach'atic ya yaiybeyex stojol te ac'opique, jo'on la yaiybonic stojol jc'op abi. Te mach'atic ya sp'ajexe, jo'on la sp'ajonic abi. Teme ya sp'ajonic te jo'one, ja' ya sp'ajic uuc te Mach'a sticunejon tele —xi' te Jesuse.

Números 14:27

—¿Jayeb to xan buelta ya jts'icbey sbol-c'opic te israeletic te amen yo'tanique? La caiybeyix stojol te sbol-c'opic cu'une.

Números 21:7

Jich yu'un bajt'ic ta stojol Moisés, la yalbeyic: —La jta jmultic ta sbolc'optayel Cajwaltic soc ta atojol te ja'ate. C'anbeya te Cajwaltic te ya sq'uejbotic bael te chanetique —xiic. Te Moisés la sc'anbey Cajwaltic te yacuc spasbey perdón te israeletique.

1 Corintios 10:10

Soc ma me xamuquen-ayantayic te Diose, jich te bit'il ay la smuquen-ayantayique, te jich lajic ta milel yu'un te ch'ul abat te ya yac' lajele.

San Juan 13:20

Te mach'a ya yic' ta stojol te mach'a jticuneje, jo'on la yic'onix ta stojol abi. In te mach'a ya yic'on ta stojole, ja' la yiq'uix ta stojol uuc te Mach'a la sticunon tele —xi' te Jesuse.

San Mateo 10:40

“Te mach'a ya yiq'uex ta snae, jo'on la yic'onix ta sna uuc, soc te mach'a ya yic'on ta snae, ja' la yiq'uix ta sna uuc te Mach'a sticunejon tele.

San Mateo 9:4

Te Jesús la sna' stojol te bila ay ta yo'tanique. Jich la yalbey: —¿Bi yu'un te amen te bila la yaan awo'tanique?

Isaías 37:29

Ya jna' te sc'ajc'al awo'tan soc te atoybaile, jich yu'un ya cac'bat staq'uinal ani' soc sfrenoil awe, ya cac' sujt'at bael ta abe te bay nix talate”, xi' te Cajwaltique —xi' te Isaías.

Isaías 32:6

Melel te bol ajwalil ja' ya yal te sbolil, ya snop ta yo'tan te bitic amene; ya sle bit'il ya yaiy uts'inwanej, soc ya yal lot ta stojol te Cajwaltique. Jochol sc'ab ya sticunic bael te mach'a ay ta wi'nal; soc ma xyac'bey ja' yuch' te mach'a ay ta taquinti'ile.

Éxodo 16:12

—Yacon ta yaiyel stojol te yacalic ta ch'inlajanel ta c'op te israeletique. Baan c'opojan soc, jich me ya awalbey: “Jich la yal te Diose: ‘Ta xmal c'aal ya me ati'ic ti'bal. Yan te jujun sab ya me awe'ic waj ja' to chican bay c'alal ya sc'an awo'tanic. Jich me ya ana'ic te jo'on Ajwalilon te Dioson awu'unique’, xi' te Diose”, uta me —xi' me sc'op te Cajwaltique.

Éxodo 16:9

Jich yu'un te Moisés la yalbey te Aarón: —Albeya spisil te jlumaltic ac'a taluquic ta stojol te Cajwaltique, melel la yaiyix stojol te sbol-c'opique —xi' te Moisese.

Éxodo 17:2

Jajch'ic ta yutel te Moisés, jich la yalic: —¡Ac'botic ja' cuch'tic! —xiic. —¿Bistuc ya awutonic te jo'one? ¿Bistuc ya awil-o'tantayic te Diose? —xi' te Moisese.

Números 11:18

Albeya mandal te lume, ac'a xchajban sbaic ta jtojol pajel, soc ya me sti'ic ti'bal. La caiybeyix yoq'uelic te jich yacalic ta yalele: “¡Ayuc ti'bal jti'tic! ¡Ja' lec ayucotic ta Egipto!” te xiique. Jich yu'un yo'tic ya me cac'bey ti'bal sti'ic.