Éxodo 16:7 - Bible in Tzeltal de Oxchuc y Tenejapa

⁷ ta sab to ya me awilbeyic xojobil yutsilal te Cajwaltique, melel la yaiy stojol te c'alal c'opojex ta scontroinele. Yan te jo'otique, ¿mach'a ya acuyotic a te ya awutotique? —xi'.

Bible in Tzeltal Bachajón

⁷ soc pajel ta sab ya me awilbeyic yutsilal te Jehová, yu'un la ya'iybeyex te atijawic ta c'op ta scontrahinel Jehová. Yan te ho'otcotique, ¿mach'ahotcotic yac awa'iyic a te yac atijotcotic ta c'op? xchihic.

Éxodo 16:7 Referans Kwoze

Isaías 40:5

Jich yu'un te Cajwaltic ya me yac' ta ilel te jelawen yutsilal, spisil ants-winiquetic pajal me ya yilic. Te Cajwaltic ja' nix la yal —xi' me ta yalel.

Números 16:11

Ma ja'uc nax ya abolc'optayic te Aarón, melel ma'yuc sc'oplal stuquel, ja' yacalex ta scontroinel te Cajwaltic te ja'at soc te ajo'taque, te bit'il atoyoj abaic ta stojole —xi'.

San Juan 11:40

Te Jesús jich la yalbey: —¿Yu'un bal ma la calbat teme jc'axel ya ach'uune, ya me awilbey yutsilal te Diose? —xi'.

San Juan 11:4

C'alal la yaiy stojol te Jesuse, jich la yal: —Ja' in chamel to ma swentauc lajel. Swenta yu'un ya x'ac'ot ta ilel yutsilal a te Diose, soc swenta yu'un ya x'ac'ot ta ilel yutsilal uuc te Snich'ane —xi' te Jesuse.

Isaías 35:2

Ac'a me yac' bayal snich, jich bit'il t'ujbil nichimetic ta aquiltic; ac'a me nojuc smuc'ul yo'tan soc sbujts' yo'tan. Dios ya spasbey bayal yutsil, jich bit'il Líbano; buen utstesbil me, jich bit'il te Carmelo soc jich bit'il te spamlej Sarón. Spisilic ya me yilbeyic yutsilal xojobil te Cajwaltique, te smuc'ul yat'el te Dios cu'untique.

Éxodo 40:34

tal ta muquel ta tocal te Nailpac' te bay ya yich' c'oponel te Diose. Te yutsil xojobil te Cajwaltic noj yu'un te ch'ul awilale.

Éxodo 16:10

Te bit'il jajch' ta c'op Aarón ta stojol spisil te israeletique, la yilic bael ta jochol taquin q'uinal. La yilic te xojobil yutsilal Cajwaltic te la yac' chicnajuc ta tocale.

Números 16:42

Ta spisilic xch'inlajanic ta sjoytayel te Moisés soc te Aarón, ja'uc me to la stojlinic bael ta ilel te Nailpac' te bay ya yich' c'oponel te Cajwaltique. Ta ora nax tal ta axintesel ta tocal soc chicnaj tey a te yutsil xojobil te Cajwaltique.

Números 14:10

Te c'alal jich yacal ta yalel a, te lum ya c'an xch'ojic ta ton. Jich yu'un te yutsil xojobil te Cajwaltic chicnaj ta sitic ta spisilic te israeletic ta Nailpac' te bay ya yich' c'oponele.

Números 14:27

—¿Jayeb to xan buelta ya jts'icbey sbol-c'opic te israeletic te amen yo'tanique? La caiybeyix stojol te sbol-c'opic cu'une.

Éxodo 24:16

Te xojobil yutsilal te Cajwaltic, tey jul ta sba te wits Sinaí. Waqueb c'aal potsol ta tocal te witse. Ta sjuquebal c'aal c'oponot tel yu'un Cajwaltic te Moisés ta tocal.

Éxodo 24:10

Tey la yilic a te Dios yu'unique. Ta yet'al yacan ay bila mero yax la yilic jich bit'il ch'ulchan, jich bit'il piso pasbil ta lequil zafiro-ton te jich yilel bit'il mero q'uepel te q'uinale.

Levítico 9:6

Te Moisés jich la yal: —Ja' te bila yaloj Cajwaltic, pasaic, jich me ya yac' sba ta ilel ta atojolic soc smuc'ul yutsil xojobil —xi'.

Éxodo 16:12

—Yacon ta yaiyel stojol te yacalic ta ch'inlajanel ta c'op te israeletique. Baan c'opojan soc, jich me ya awalbey: “Jich la yal te Diose: ‘Ta xmal c'aal ya me ati'ic ti'bal. Yan te jujun sab ya me awe'ic waj ja' to chican bay c'alal ya sc'an awo'tanic. Jich me ya ana'ic te jo'on Ajwalilon te Dioson awu'unique’, xi' te Diose”, uta me —xi' me sc'op te Cajwaltique.

Éxodo 16:8

La yal Moisés: —Ta xmal c'aal yo'tic, ya me yac'beyex ati'ic ti'bal. Yan ta sab ya me yac'beyex bayal waj. Melel te Cajwaltic la yaiy stojol te bila la awalic ta ch'inlajanel ta c'op ta stojole. Melel ¿mach'aotic ya awaiy a te jo'otique? Ma me ja'uc la abolc'optayotic, ja' me la abolc'optayic te Cajwaltique —xi'.

Números 17:5

Ya me cac' te ya xpulin sbastón te mach'a tsabil cu'une, jich me ma xbol-c'opojiquix te israeletic ta atojolic ta jwenta —xi' te Cajwaltique.