Éxodo 16:31 - Bible in Tzeltal de Oxchuc y Tenejapa

³¹ Te israeletic maná c'ot sbiil yu'unic te bila la stam swe'ique. Saquic jichuc sbac' culantu. Chi' jich bit'il jayal galleta te pasbil soc chabe.

Bible in Tzeltal Bachajón

³¹ Te pueblo Israel la ya'beyic sbihilin maná. Hich sacal te bin ut'il sbac' culanta soc hich sbuhts' te bin ut'il jayal pan pasbil soc chab.

Éxodo 16:31 Referans Kwoze

Cantares 2:3

Te winic bayal ya jmulane, c'ax jich st'ujbilal a te bit'il yantique, pajal soc ste'el manzana ya quil ta yolil ja'mal q'uinal. Mero bayal yutsil co'tan ya jnajc'an jba ta yaxinal. Buen chi' ya caiy te site.

Éxodo 16:15

C'alal la yil te israeletic, te bit'il ma sna'beyic sba, jich la yalbey sbaic: —¿Bila a? —xiic. Te Moisés jich la yal: —Ja' me te jwe'eltic yu'un Cajwaltic te la yac'botique.

Éxodo 16:14

C'alal laj loq'uel te sjab lume, ay bila t'ujbil jilel ta sba te taquin q'uinale. Ch'in xujt'ic sepajtic, jich yilel te bit'il toib ya xyalic ta ajc'ubal.

Éxodo 16:30

Jich la xcux yo'tanic ta sjuquebal c'aal te lume.

Éxodo 16:32

La yal te Moisese: —Ja' mandal yalojbotic Cajwaltic in to: “Nojesa ta maná cha'p'isuc te sp'isole. Q'uejaic ta swenta te patil alnich'anetic awu'unique, swenta yu'un ya me yilic te bila we'elil la awe'elinic ta jochol taquin q'uinal te c'alal la sloq'uesex tel ta Egipto te Diose”, xi' te Cajwaltic —xi'.

Deuteronomio 8:3

Manchuc me la yac'beyex awocolic soc la yac' c'axuc awocolic yu'un wi'nal, pero patil la smac'linex ta maná, te we'elile ma'yuc x'awilic, soc ni ja'uc ay la yilic te antiguo ame'-atatique. Te bit'il jich la spase, yu'un me ja' ya yac'beyex ana'ic a te ma ja'uc nax ya xcuxin ants-winiquetic yu'un te waje, ja' me ya xcuxinic yu'un te sc'op ya xloc' ta ye te Cajwaltique.

Deuteronomio 8:16

Ta muc'ul jochol taquin q'uinal la smac'linex ta maná, ni ja'uc te antiguo jme'-jtatic la yilique. Jich la spasbeyex ta atojolic yu'un apejc'anelic soc yu'un atsaojibalic, ta swenta awutsil-alequilic c'ot ta loq'uel.