Éxodo 16:29 - Bible in Tzeltal de Oxchuc y Tenejapa

²⁹ Ac'a c'otuc ta awo'tanic te jo'on Ajwalilon awu'unic te la cac'beyex jun c'aal yu'un cux-o'tan. Ja' swentail ta swaquebal c'aal ya cac'beyex we'elil ta swenta cheb c'aal. Jich yu'un ta sjuquebal c'aal ya me x'ainex ta anaic, ma me xloq'uex a —xi' te Diose.

Bible in Tzeltal Bachajón

²⁹ Ilawil, te Jehová la ya'beyex te sc'ahc'alel cux-o'tan, ha scuentahil ta swaquebal c'ahc'al ya ya'beyex pan scuenta cheb c'ahc'al. Ta shuquebal c'ahc'al jujutuhl ac'a ayinuc te banti ay, ma me ayuc mach'a ya xloc' bahel tey a, xchi.

Éxodo 16:29 Referans Kwoze

Éxodo 31:13

—C'opona te alumal israeletic, jich ya awalbey: “Jich la yal te Cajwaltique: ‘Te ja'ex ya me awich'bonic ta muc' te jayeb c'aal swenta cux-o'tan cu'un. Te ja'ex soc te jo'one ja' me señail ya xc'ot cu'untic ta swenta cajalcaj bael te awal-anich'nabique. Jich me ay ta na'el stojol te jo'on Ajwalilon te la jtsaexe.

Ezequiel 20:12

Ja' nix jich la cac'bey sna'ic te sc'aalelal cux-o'tan cu'une. Ja' seña te trato cu'un te la jchap ta stojolique, soc swenta sna'jibal te bit'il jo'on te yajwalonic te la jch'ultes, yu'un jo'on cu'une.

San Lucas 23:56

C'alal sujt'ic bael ta na, la xchajbanbeyic xpoxil sbaq'uetal te bujts'an nax yiq'ue. Jich la xcux yo'tanic ta sc'aalelal cux-o'tan, jich te bit'il ya yal te mandalile.

Nehemías 9:14

La awac'bey snopic te ya scanantaybat te ch'ul c'aal yu'un cux-o'tane. La apas ta mandal, soc la awac'bey mero melel nopjibaletic, mandaliletic soc p'ijubtesel ta swenta te awabat Moisés.

Éxodo 16:28

Te Cajwaltic, jich la yalbey te Moisés: —¿Bi to ora ya xc'ot ta pasel awu'unic te ya ach'uunbonic te jmandale soc te jp'ijtesele?

Éxodo 16:30

Jich la xcux yo'tanic ta sjuquebal c'aal te lume.

Levítico 25:21

Melel jo'on me ya cac'beyex bendición te ya xc'ax te swaquebal ja'wile, te bila ya xloc' awu'unic, tic' ya xc'ax oxeb ja'wil awu'unic a.

San Mateo 24:20

C'oponaic Dios yu'un te manchuc yorailuc invierno a soc te manchuc ja'uc sc'aalelal a te cux-o'tane.