Éxodo 16:28 - Bible in Tzeltal de Oxchuc y Tenejapa

²⁸ Te Cajwaltic, jich la yalbey te Moisés: —¿Bi to ora ya xc'ot ta pasel awu'unic te ya ach'uunbonic te jmandale soc te jp'ijtesele?

Bible in Tzeltal Bachajón

²⁸ Te Jehová hich la yalbe te Moisés: ¿Bin to ora yac ach'uhumbonic te mandariletic cu'un?

Éxodo 16:28 Referans Kwoze

Salmos 78:10

Ma ba la yich'ic ta muc' te trato xchapoj Dios ta stojolic, ni lajuc xch'uunbeyic te p'ijubtesel yu'une.

Salmos 106:13

Ja'uc me to, ora nax ch'ay ta yo'tanic te bitic spasoj Dios, jich ma ju' yu'unic smaliyel te bitic chapal yu'une.

Ezequiel 20:13

Pero la stoy sbaic ta jtojol ta jochol taquin q'uinal, ma ba la xch'uunbonic te mandaliletic cu'une. La xch'ayic te mandaliletic la cac'bey yu'un ya sta xcuxlejal sc'oplal a te mach'a ya xch'uun spasele. Jc'axel la sboltesbon te sc'aalelal cux-o'tan cu'une. Ja' yu'un te jo'on la jnop ta co'tan te ya jt'omes bael ta stojolic te quilimbae, c'an jlajin ta jc'axel tey ta jochol taquin q'uinale.

2 Reyes 17:14

Pero ma ba la yich'ic ta muc', mero tulan la yac' sbaic, jich nix te bit'il anima sme'-static te ma ba la yac' smuc'ul yo'tanic ta stojol te Cajwaltic te Dios yu'unique.

Números 14:11

Te Cajwaltic jich la yalbey te Moisés: —¿Jayeb to c'aal ma lecucon ta yo'tanic te lume? ¿Jayeb to me c'aal ya xc'opoj yo'tanic cu'un te bit'il cac'ojbey yilic cu'el ta yolilique?

San Marcos 9:19

La yal te Jesuse: —¿Bit'il ayex a ja'ex te jlam alnich'anex te ma'yuc xch'uunjel awo'tanique? ¿Jayeb me xan c'aal te ya joinexe? ¿Jayeb me xan c'aal te ya jts'icbeyex te bit'il ayexe? Ic'bonic tel te quereme —la yut.

Ezequiel 20:16

La calbey te ma ba ya cac' ochel tey a ta scaj te la xch'aybonic te mandaliletic cu'une, te ma ba la xch'uunbonique, soc la sboltesbonic te sc'aalelal cux-o'tan cu'une, scaj te tey bajt' yo'tanic ta stojol te loc'ombaetique.

Ezequiel 5:6

Pero te yajwal la stoy sbaic, ma ba la xch'uunic spisil te mandaliletic cu'une, c'axem jich amenic a te bit'il te yantic lumetic ayic ta sjoyobale, melel la sp'ajic spisil te mandaliletic cu'une, soc ma la xch'uunbonic spasel.

Jeremías 9:6

Te Cajwaltic jich ya yal: —Yantic nax te uts'inele, yantic nax te lote. Te lum cu'un ma sc'an sna'bonic jba.

Jeremías 4:14

Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

Isaías 7:13

Jich yu'un te Isaías la yal: —Aiya awaiy stojol ja'ex te sts'umbalex te antiguo muc' ajwalil David. ¿Ma bal tic'uc ya awaiy te ya awuts'in te ants-winiquetic? ¿Ya bal awuts'in uuc te Dios cu'une?

Salmos 78:22

Ja' yu'un te ma ja'uc la smuc'ulin yo'tanic te Diose, soc te ma ba la xch'uunic te ja' ya xcoltayotic yu'une.

Números 20:12

Ja'uc me to, te Cajwaltic la yalbey te Moisés soc Aarón: —Te bit'il ma la xch'uun awo'tan te ya jcoltayate, ni ma la awac'onic ta ich'el ta muc' ta stojol te israeletic, jich ma x'ochex bael soc ta bay q'uinal ya cac'bey te israeletique —xi'.

Éxodo 10:3

Te Moisés soc Aarón ba sc'oponic te faraón, jich la yalbeyic: —Jich la yal te Cajwal te Dios cu'untic te hebreootique: “¿Bi ora ya apejc'an aba ta jtojol? Ac'a loq'uel te lum cu'une. Ya xba yich'onic ta muc'.

Éxodo 16:27

Ay nix loq'uic bael ta sjuquebal c'aal, ay bila c'an stamic xan ta sc'opic. Ja'uc me to, ma'yuc bila la staic ni jtebuc.

Éxodo 16:29

Ac'a c'otuc ta awo'tanic te jo'on Ajwalilon awu'unic te la cac'beyex jun c'aal yu'un cux-o'tan. Ja' swentail ta swaquebal c'aal ya cac'beyex we'elil ta swenta cheb c'aal. Jich yu'un ta sjuquebal c'aal ya me x'ainex ta anaic, ma me xloq'uex a —xi' te Diose.

2 Reyes 17:15

Ja' la xch'aybeyic te mandaliletic yu'un Cajwaltic, soc te c'op xchapoj soc te antiguo sme'-statique, soc te smandal albotic yu'une. La st'unic diosetic te ma'yuc sc'oplale, ja' nix jich ma'yuc swentail bajt'ic yu'un. Ja' la st'unbeyic stalel te nacionetic ayic ta spat-xujq'uic, manchuc me ja' te bi combilic ta spasel yu'un te Cajwaltique.