Éxodo 16:15 - Bible in Tzeltal de Oxchuc y Tenejapa

¹⁵ C'alal la yil te israeletic, te bit'il ma sna'beyic sba, jich la yalbey sbaic: —¿Bila a? —xiic. Te Moisés jich la yal: —Ja' me te jwe'eltic yu'un Cajwaltic te la yac'botique.

Bible in Tzeltal Bachajón

¹⁵ C'alal la yilic te snich'nab Israel la yalbe sbahic: ¿Bin a ini? xchihic, como ma ba la sna'ic bin a. Te Moisés hich la yalbe: Ha te pan te ya ya'beyex awe'ic te Jehová.

Éxodo 16:15 Referans Kwoze

Éxodo 16:4

Ja' yu'un te Cajwaltic, jich la yalbey te Moisés: —Ya me cac' tel we'elil ta ch'ulchan jichuc ja'al. Te lume ya me xloq'uic ta stamel jujun c'aal te jich yipal ya xtuun yu'unic te jujun c'aale. Tey me ya quil a te mach'a ya xch'uunbon te jmandale, soc te mach'a ma xch'uune.

San Juan 6:58

Ja' ya calbey sc'oplal te waj coem tel ta ch'ulchane. In waj to, ma pajaluc soc te maná-waj la swe'ic te namey q'uinal me'il-tatiletic te lajic baele. Te mach'a ya swe' in waj to, ya me xcuxinic sbajt'el q'uinal —xi' te Jesuse.

Éxodo 16:31

Te israeletic maná c'ot sbiil yu'unic te bila la stam swe'ique. Saquic jichuc sbac' culantu. Chi' jich bit'il jayal galleta te pasbil soc chabe.

Deuteronomio 8:3

Manchuc me la yac'beyex awocolic soc la yac' c'axuc awocolic yu'un wi'nal, pero patil la smac'linex ta maná, te we'elile ma'yuc x'awilic, soc ni ja'uc ay la yilic te antiguo ame'-atatique. Te bit'il jich la spase, yu'un me ja' ya yac'beyex ana'ic a te ma ja'uc nax ya xcuxin ants-winiquetic yu'un te waje, ja' me ya xcuxinic yu'un te sc'op ya xloc' ta ye te Cajwaltique.

1 Corintios 10:3

Soc spisilic la stuuntesic te we'elil yu'un te Diose.

Nehemías 9:20

Soc xan, la awac'bey te buen lequil espíritu awu'un swenta yu'un ya xp'ijubtesotic yu'un. Ma'yuc bi ora com ta we'el yu'unic te maná, spisil ora la aticunbey, spisil ora la swe'ic. Soc la awac'bey ja' yuch'ic, swenta yu'un jich lamaj staquinti'ilic a.

Nehemías 9:15

Soc la awac'bey swe'el coem tel ta ch'ulchan, swenta yu'un la snojes xch'ujt'ic a, soc la awac'bey yajts'es yo'tanic ta ya'lel mero muc'ul ton. La awalbey te ya x'ochic ta yu'uninel te lumq'uinal awalojbey te ya awac'beye.

Josué 5:12

Jich ora ma'yuquix la yilic te maná, jich yu'un te israeletic ja' la swe'eliniquix jajch'el te bitic ya yac' te lumq'uinal ta Canaán.

San Juan 6:49

Te namey q'uinal ame'-atatique la swe'ic te maná-waj ta bay muc'ul jochol taquin q'uinal, ja'uc me to, lajic bael.

Deuteronomio 8:16

Ta muc'ul jochol taquin q'uinal la smac'linex ta maná, ni ja'uc te antiguo jme'-jtatic la yilique. Jich la spasbeyex ta atojolic yu'un apejc'anelic soc yu'un atsaojibalic, ta swenta awutsil-alequilic c'ot ta loq'uel.

Números 21:5

Jajch'ic ta scontroinel ta c'op te Dios soc Moisés, jich la yalic: —¿Bistuc la aloq'uesotic tel ta Egipto? ¿Bi yu'un tal awac' lajucotic ta jochol taquin q'uinal? Ma'yuc ja' cuch'tic, soc ni ma'yuc jwe'eltic. C'axix co'tantic ta swe'el te maná —xiic.

Éxodo 16:33

Te Moisés, jich la yalbey te Aarone: —Tsaca junuc oxom. Ac'a cha'p'isuc tey a te maná. Ac'a ta stojol te Cajwaltique, q'ueja me ta swenta te patil alnich'anetic awu'unique —xi'.

Apocalipsis 2:17

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a ya xju' yu'un tsalawe, ya cac'bey swe' te maná-waj te nac'bile. Soc ya cac'bey jp'ij saquil ton te ts'ibubil tey a te yach'il sbiil te ma'yuc mach'a ya sna' jtuluque. Ja' nax ya sna' stuquel te mach'a ya yich'e —xi'.

Hebreos 9:4

Ay scajtijib xchic'jibal pom tey a te pasbil ta oro, soc tey ay a te xcaxail trato pasbil ta ch'ujte' te potsbil ta oro. Tey q'uejbil ta yutil caxa te jarra te pasbil ta oro te nojel ta maná, soc te sbastón Aarón te puline, soc te cha'pejch' ton te ts'ibubil jilel tey a te tratoe.

San Lucas 12:30

Melel ja' nax baem yo'tanic ta sleel stuquel te ants-winiquetic ta balumilale. Yan te ja'exe ay Atatic te sna'oj spisil te bila ya xtuun awu'unique.

Proverbios 9:5

“La', we'bonic te we'elil cu'un, soc la', uch'anic te vino chapal cu'une.

Salmos 78:24

la yac' yaluc coel tel jichuc ja'al maná ta sba te lum yu'une, trigo yu'un ch'ulchan c'oem, swenta yu'un ya swe'ic.

Salmos 105:40

La sc'an swe'elic, jich ticunbotic x'ubetic; soc la snojesbey xch'ujt'ic ta waj yu'un te ch'ulchane.