Éxodo 15:9 - Bible in Tzeltal de Oxchuc y Tenejapa

⁹ Te jcontroinwanejetic la snop ta yo'tanic: ‘Ya jnutstic, ya me jtsactic, ya me jpuctic te bitic ya jpojbeytique, ja' to me chican lec ya xjil co'tantic yu'un. Ya me jloq'ues te jpuñale, ya me jin ta jc'ab a’, xi' ta yo'tan.

Bible in Tzeltal Bachajón

⁹ Te jcontrahinwanej hich la yal: Ya jnuts bahel, ya jtsac; ya jpuc bahel te bintic pojbil, tic' ya xc'ax co'tan a. Ya jloq'ues te espada cu'un, ya jlajinlan ta jc'ab, xchi.

Éxodo 15:9 Referans Kwoze

Jueces 5:30

‘Puersa ja' yac ta spucbel sbaic te bitic la staic tel ta guerra. Ay jtul criada ta swenta juju-jtul soldado, o teme cheb criadaetic; ta swenta Sísara: bonbil paq'uetic, ay jlijc' pac', o teme cha'lijq'ue, ch'albil ta ts'isel soc tsobol sbonil, ja' yu'un snejq'uel te jtsalwaneje’, xi' te sme' Sísarae.

Éxodo 14:5

Te ajwalil ta Egipto tal ta albeyel te loq'uix bael te israeletique. Ora yanaj sit-yelaw yu'un soc uuc te sjo'tac ta ajwalile, jich la yalic: —¿Bistuc la cac'tic loq'uel te israeletique, te la yijq'uitaybotic jilel te cat'eltique? —xiic.

San Lucas 11:22

Yan teme ya xtal yan winic te c'ax jich yip te bit'il te c'ajc'al winique, jich me ya xlaj ta tsalel soc ya me xbajt' ta pojel spisil yat'ejib te scanantayej sba a, soc jich ya x'ich'bot bael te sbiluque.

Isaías 53:12

Jich yu'un te Dios ya yac'bey yawil ta yolilic te mach'a ich'bilic ta muq'ue; soc ya sjoin ta yaiyel tsalaw te mach'atic ay yipique. Melel la yac' sba ta lajel stuquel, soc la sjoin ta ajtayel te mach'atic amenique. Ta smelelil, la scuchbey smulic tsobol ta jtul, soc c'opoj yu'un te jmulawiletique.

Habacuc 3:14

La amilbey te jtsobwanej yu'unic ta yat'ejibal te st'ime, te c'alal cajajtic ta caballo te swinictac te stoyoj sbaic wilic tel jich bit'il tulan yic'al ja'al, ta spuquel bael te mach'atic ma xju' yu'unic scoltaybel sbaic, yu'un ya slajinic ta muquen ta sc'opic.

Génesis 49:27

“Te Benjamín, jich c'oem te bit'il jti'awal ja'mal ts'i', te spisil ya stsac sti'e. Ta sacubel q'uinal ya x'och sti' te bi la stsac ta ajc'ubale, ta yijc'ubel q'uinal ya stsob tel sjoy ta sti'el te sobraile —xi' te Jacob ta stojol te snich'nabe.

Isaías 36:20

¿Mach'a ta spisil te diosetic yu'un te lumetic te ju' yu'un scoltayel te nación yu'un ta sc'ab te muc' ajwalil yu'un Asiria? ¿Bi yu'un te ya awal ta awo'tanic te ya xju' scoltay Jerusalén te Awajwalique? —xi'.

1 Reyes 20:10

Te Ben-adad la sticunbey ta alel te Acab: —Ac'a yac'bon tulan castigo te diosetic, teme ay to ya xjil sts'ubil a te Samaria, te ya cac'bey juju-jojp te mach'atic jayeb st'unojone —xi'.

1 Reyes 19:2

Te Jezabel la sticun ta alel te Elías: “Teme ja'at Eliasat, te jo'on Jezabelon. Ac'a yac'bon tulan castigo te diosetic, teme pajel ta jichilan ora te ma jichuc ya jpasbat uuc te bit'il la apasbey te j'alwanejetique”, xi'.

1 Samuel 30:8

Te David la sjojc'obey te Cajwaltique, jich la yalbey: —¿Ya bal xju' ya jnuts bael te jpoj-biluquetic? ¿Ya bal xju' ya jta? —xi' ta stojol. La sjac' te Cajwaltic: —Nutsa bael. Ya me ata, soc ya me apojbey sujt'el tel te mach'atic baemic ta chuquele —xi' te Cajwaltique.

2 Samuel 22:38

“La jnuts bael te jcontrotaque, la jmil jilel; ja' to sujt'on tel a te c'alal jc'axel laj cu'une.

Proverbios 16:19

Ja' lec pajal peq'uel ya cac' jbajtic soc te mach'atic me'baetique; ma lecuc teme ya jpucbey jbajtic spojbil c'ulejalil te mach'atic jtoybaetique.

Jeremías 46:17

“Ac'beya yixta-biil faraón te muc' ajwalil yu'un Egipto: “Jtojol ch'inch'onel”, xiuc me.