Éxodo 15:8 - Bible in Tzeltal de Oxchuc y Tenejapa

⁸ Ta yip jujch'iyel la awac'bey te ja'e, jich la stsob sba, la sq'uep sba jichuc ts'ajc' te ja'e; ta yolil yet'al mar ma'yuc bay la stij sba te slumile.

Bible in Tzeltal Bachajón

⁸ C'alal la ahu'xiy, la stsob sba te ha'e, te ha' te behen la stsob sba; te sc'ubulil te ha' tulanub ta yohlil mar.

Éxodo 15:8 Referans Kwoze

Job 4:9

Te Diose, teme ilinem yo'tan a, ya sjujch'ibey bael wocol ta stojolic, jich jc'axel ya xlajinotic yu'un.

Salmos 78:13

tey la yac'bey sq'uep sba a te mare, la yac' c'axuquic bael tey a, jich la yac'bey yich' yip te ja' te bit'il ts'ajq'ue.

2 Tesalonicenses 2:8

Teme ya yich' loq'uesele, ya me xchicnaj te mach'a mero jmulawil winique. Te Cajwaltic Jesuse ta sjab nax ye ya smil. Tic' ya sjinbey yu'el a te bit'il ya xchicnaj tel soc yip yu'el te Cajwaltique.

Habacuc 3:10

Te witsetic ya xnijq'uic te c'alal ya yilate; ya xco tel ta ch'ulchan bayal ja'al. Te snabilal te mar ya x'awun, yu'un te ya stoyes moel yip te sbule.

Isaías 11:4

Toj ya xchajban te mach'atic ma'yuc yipe, soc ya xc'opoj yu'un te bitic ay ta swenta te mach'atic me'baetic te ayic ta balumilale. Te sc'ope jich c'oem bit'il wajch' ta yac'beyel castigo te mach'a ora nax ya xc'ajc'ube; te ic' ya xjujch'iy loq'uel ta ye ya yac' lajuc a te mach'a amen yo'tane.

2 Samuel 22:16

Chicnaj jilel ta ilel te slumil mar, chicnaj jilel ta ilel te snactijib te balumilale ta scaj te ay bi tulan c'opoj te Cajwaltic, ja' te tulan ic' la yac' baele.

Isaías 37:7

Ya calbat awaiy te ay bi ya cac'bey yaiy stojol, te ya me sujot sujt'el bael ta slumal yu'un. Tey me ya xba cac' yich' milel a”, xi' me —xi' bael sc'op.

Éxodo 14:29

Yan stuquel te israeletic mero taquin la st'unic c'axel te slumil ja'e, yu'un la sjam sba, cha'tsel la yac' sba te ja'e, jun ta swa'el soc jun ta xq'uexen.

Josué 3:13

Te c'alal ya sq'uechic sacerdoteetic te scajonil trato yu'un te Cajwaltic, te ja' Yajwal yu'un spamal te balumilale, te c'alal nax ya yac' stan yacanic ta ja', ya me sq'uep sba te ja'e, cha'q'uejp me ya yac' sba. Te ja' ya x'oquin tel ta cajale, ya me scom sba ta oquinel, ya me stsob sba jilel tey a. Jich la yal te Diose —xi' te Josué.

Salmos 33:7

Ja' ya stsobey ya'lel mar soc ya yac' ta q'uejel te sna'bilale.

Habacuc 3:15

“Te caballoetic awu'une ja' ya awoclin a te mar te mero muc' sti'il te yacal ta bule.