Éxodo 15:7 - Bible in Tzeltal de Oxchuc y Tenejapa

⁷ Ta smuc'ul awu'el la ajin mach'atic la scontroinat; til jichuc c'ajc' te awilimba, lajic ta c'ajq'uel jichuc ac.

Bible in Tzeltal Bachajón

⁷ Ta scuenta smuc'ul awu'el la ajin cohel te mach'atic la scontrahinat. La aticon bahel awilimba, ha la slajin ta c'ahc' hich te bin ut'il taquin ha'mal.

Éxodo 15:7 Referans Kwoze

Isaías 5:24

Ja' yu'un, jich te bit'il ya xc'ajc' te aque, soc ora ya xlaj bael ta c'ajq'uel te staquin yabenal te te'etique, ja' ni me jich ya xch'ayex bael te ja'exe. Ja' me pajalat soc te te'etic ya xc'a'ic te yisime, te jich ya xc'atp'uj te bit'il tan te sniche. Melel la awilayic te p'ijubtesel soc te mandaliletic yu'un te Cajwaltic te Spisil ya xju' yu'un, ja' te Ch'ul Dios yu'un Israel.

Malaquías 4:1

Te Cajwaltic te Spisil ya xju' yu'un ya yal: —Yaquix ta talel sc'aalelal te xpulpon ta tilel jichuc sc'aal horno; spisil te toybaetic soc te mach'a amen yo'tanic, ya me xtilic jichuc ac ta yawil c'ajc'. Te bi c'aalil ya xtale ya me jchic'; ma'yuc jtuluc ya xjil ta jyalel.

Isaías 47:14

Ja'uc me to, pajalic soc te taquin ac; ora nax ya xc'ajq'uic, ma xju' ya scoltay sbaic loq'uel a. Melel te c'ajq'ue ma jichuc nax te bit'il ac'ale, te ya xnajc'ajat ta sts'eel te ya aq'uixnaj abae.

Isaías 37:29

Ya jna' te sc'ajc'al awo'tan soc te atoybaile, jich yu'un ya cac'bat staq'uinal ani' soc sfrenoil awe, ya cac' sujt'at bael ta abe te bay nix talate”, xi' te Cajwaltique —xi' te Isaías.

Isaías 5:16

Te Cajwaltic te Spisil ya xju' yu'un, ya me yac' ta ilel te smuc'ul yat'el ta chajbanwanej; te Ch'ul Dios ya yac' ta ilel te xch'ul yutsilal ta yaiyel chajbanwanej.

Salmos 148:13

Ta apisilic albeyaic yutsilal sbiil te Cajwaltique, melel ja' nax stuquel te mero toyole. C'ax toyol te yutsil bit'il te ch'ulchan soc te balumilal.

Salmos 83:13

Dios cu'un, jich xawac' baletel te bit'il taquin ch'ix, jichuc ac'a c'otuc te bit'il taquin yabenal te' ya xlicot bael ta iq'ue.

Deuteronomio 33:26

La yal xan te Moisés: —Ma'yuc bila pajal soc te Dios yu'un Jesurún, te yac ta beel soc smuc'ul yu'el cajal ta stocalil ta ch'ulchan, te ya xtalat ta coltayel yu'une.

Hechos 9:4

Jich te Sauloe t'uxaj coel ta lum. Ay mach'a c'opoj la yaiy te jich la yale: —Saulo, Saulo, ¿bistuc ya awuts'inon? —xi'.

San Mateo 3:12

Te mach'a ya xtale, jich c'oem te bit'il mach'a stsacojix ta sc'ab te sajp'ujibal sulil te strigoe. Patil ya me stsob ochel ta bay sq'uejibal te sbaq'ue. Yan te sulile ya me xchic' ta c'ajc' te ma xtup' sbajt'el q'uinal —xi' te Juane.

Zacarías 14:8

Ya me xc'ot ta pasel te ya xloc' ta Jerusalén cuxul ja'. Te ja'e ya me x'oquin ta yorail invierno soc ta yorail verano, olil me ya xbajt' ta stojol Mar Muerto, te yan olile ya me xbajt' ta stojol Mar Mediterráneo.

Zacarías 14:3

Pero te Cajwaltic ya me yac'bey guerra te nacionetic, jich te bit'il mero ya stsac sba soc ta yorail guerra.

Zacarías 2:8

Te Cajwaltic te Spisil ya xju' yu'un, la sticunon ta yalel te c'op swenta castigo ta stojolic te nacionetic la spojbeyex abiluquic te ja'exe: —Mach'auc a te ya yuts'inbon te lum cu'une, jo'on xchulel jsit ya yuts'inbon c'oem abi. Ja' yu'un jo'onix ya x'at'ejon ta yaq'uel castigo te nacionetique, ya me cac' te ya yich' pojbeyel sbiluc yu'un te mach'atic smozoineje —xi'. Jich ya yac' ta ilel te yutsilal te Cajwaltic, te Spisil ya xju' yu'une. Jich me ya ana'ic a te ja' te Cajwaltic, te la sticunon tel.

Miqueas 4:11

Ta ora yo'tic bayal nacionetic stsoboj sbaic ta scontroinbelat. Ya yalic: —Ya xba quiltic te Jerusalén te boloben sc'oplale, ya me xbujts'naj co'tantic yu'un —xiic.

Jeremías 10:6

Cajwal, ma'yuc mach'a yan jich smuc'ul te bit'ilate; muc' ac'oplal soc bayal te awu'ele.

Isaías 37:38

Ay jun c'aalil c'alal yac ta yalel wocol ta templo yu'un Nisroc te dios yu'une, c'ot ta milel yu'un snich'nab nix, ja' te Adramelec soc Sarézer. Loq'uic ta anel, bajt'ic ta sq'uinal Ararat. Ta patil ja' la sjelolin ta ajwalil te Esarhadón, ja' nix te snich'ane.

Isaías 37:36

Te ch'ul abat yu'un Cajwaltic bajt', ba smil jo'eb slajunwinic ta jmil (185,000) soldadoetic ta scampamento te asiriaetique; ta xchebal c'aalil spisilic lajemiquix a te sacub q'uinale.

Isaías 37:23

¿Mach'a la abolc'optay soc te la awixtac'optaye? ¿Mach'a a te toy ac'op ta stojole, soc te la atoy asit yu'un te toyolat la awaiy yu'une? Ja' la apas ta stojol te Ch'ul Dios yu'un Israel.

Isaías 37:17

Aiybon awaiy, Cajwal, soc aiybon awaiy stojol te bila ya cale. Ac'a tel asit, Cajwal, soc ilawotic. Aiya awaiy stojol sc'op te Senaquerib te la sticun tel ta alel ta jtojole, ja' te sc'op spisil abolc'optayel yu'une, te cuxul Diosat atuquele.

Salmos 68:33

ja' te moem ta caballo yac ta beel ta ch'ulchan, ja' te ch'ulchan sbajt'el q'uinal aye. Aiybeya awaiyic bi yaiyel yip sc'op, ja' te sc'op bayal yu'ele.

Salmos 59:13

¡Lajina, lajina ta swenta awilimba! ¡Ac'a ch'ayuc ta q'uinal! Ac'a sna'ic te ja' muc' ajwalil stuquel te Diose, ja' muc' ajwalil yu'un Jacob soc c'alal ta sti'il balumilal.

Éxodo 9:16

Ja'uc me to, la cac' xcuxinat xan, swenta yu'un ya me awilbon te cu'ele, soc swenta yu'un ya me yich' alel jc'oplal ta spamal te q'uinale.

Hebreos 12:29

Melel te Dios cu'untique, jich ay te bit'il c'ajc' te ya xju' ya xlajinwane.

Éxodo 14:27

Te Moisés la stoy jajch'el sc'ab ta stojol te mare. Yac ta sacubel q'uinal a, la sta sba te ja'e, jich a c'ot te bit'il ta neelale. Jich yu'un te egipcioetic te c'an anuquic ta sc'opique, taotic ta ora yu'un te ja'e, jich a mulic coel ta ja' yu'un te Cajwaltique.

Deuteronomio 4:24

melel te Cajwaltic Dios cu'untique jc'axel ma smulan teme ay mach'a yan ya xbajt' awo'tanic ta stojole. ¡Te Diose jich c'oem te bit'il c'ajc' te spisil ya xchiq'ue!

Éxodo 5:12

Te israeletic bajt'ic ta spamal Egipto ta sleel te aque.

Job 9:4

Te Diose mero muc' yu'el soc mero bayal sp'ijil stuquel. ¿Mach'a ya xju' ya stejc'an sba ta stojol te libre ya xloc' tele?