Éxodo 15:6 - Bible in Tzeltal de Oxchuc y Tenejapa

⁶ Ja'at Cajwal, la awac' ta ilel smuc'ul awu'el, ta swenta te yip swa'el ac'ab, laj te jcontrotique.

Bible in Tzeltal Bachajón

⁶ Te awa'el-c'ab, Jehová, la yac' ta ilel te smuc'ul yu'el; te awa'el-c'ab, Jehová, la slajin te jcontrahinwanej.

Éxodo 15:6 Referans Kwoze

Isaías 51:9

Wic'a asit, wic'a asit, yu'el Cajwaltic, chajbana aba soc awip; wic'a asit jich bit'il la apas ta namey, ja' te mero namey q'uinale. Ja'at la asesan te Rahab, te muc'ul xi'bil chambalam ta mar.

Apocalipsis 2:27

jich te bit'il yac'ojbon quich' cat'el te Jtate. Ya me xmandalajic soc sbastón-taq'uinic. Ya me swuyic c'oem te lumetique, jich bit'il ya yich' wuyel te oxome.

Salmos 60:5

Jac'a jc'optic, coltayawotic ta awu'el; ac'a ta libre te mach'atic c'uxic ta awo'tane.

Salmos 2:9

Ta swenta te abastón pasbil ta hierro ya me alajinbey yat'elic a te lumetique; ts'ubiltic me ya xjilic ta wuyel awu'un jichuc pac'bil oxom”, xi' me te Diose.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

Isaías 52:10

Te Cajwaltic la yaq'uix ta ilel te yu'el ta sit spisilic te nacionetique. Spisil ants-winiquetic ta spamal balumilal ya me sna'ic te la scoltayotiquix te Dios cu'untique.

Jeremías 13:14

Ta ora nax ya me jwuy jichuc oxometic, ya me cac' swuy sbaic ta stuquelic nax, tatiletic soc nich'aniletic pajal me. Ma ba ya jna'bey yo'bolil sbaic; ni ma me ayuc xc'uxul co'tan soc slequil co'tan ta stojolic. Jo'on Ajwalilon, jich ya cal’, xi' me”, uta me —xi' te Cajwaltique.

Salmos 98:1

C'ajintayaic Cajwaltic ta yach'il c'ayoj, yu'un jchajp nax a te yat'el spasoje; la yaiyix tsalaw ta smuc'ul yu'el soc te xch'ul-c'abe.

Salmos 77:10

Te bi mero c'ux ya caiye, ja' te c'alal ya jna' te ma jichuquix yo'tan ta jtojol te mach'a mero Toyole.

Salmos 74:11

¿Bi yu'un te anac'oj te ac'ab te bayal yipe? ¿Bi yu'un te ameyoj ac'ab ya xjilate?

Salmos 44:3

Melel ma ja'uc ta sc'abique, ni ja'uc soc te spuñalique, te ju' yu'unic tsalawe; melel ma ja'uc te ju' yu'unic te la yu'uninic te q'uinale. Ja' ta swenta awu'el soc ta swenta awip atuquel; ja' ta swenta te xojobil asit-awelaw te ju' yu'unic tsalaw ta scaj te xc'uxul ta awo'tane.

Salmos 17:7

Ac'bon quil ta lec te xc'uxul awo'tane, ja'at te ya acoltay te mach'atic ay scontroique, te ya sleic canantayel yu'un te awu'ele.

Éxodo 15:11

Ja'at Cajwal, ma'yuc yan diosetic ya spajat. Ma'yuc yan mach'a ya spajbat awutsilal soc amuc'ul te ja'ate. ¡Jchajp nax bitic ya apas soc xiweltic sba! ¡Awu'un c'ajintayel!

Isaías 30:14

Jich ya xwuy te bit'il pac'bil oxom te ya xlaj ta jc'axel, te ma'yuquix xejt'elel ya xjile ni jtebuc te xejt'elel te ya xtuun ta sloq'uesel ac'al a ta yawil c'ajc', ni jtebuc xejt'elel te ya xtuun ta loq'uesel ja' a ta pozo —xi' te Diose.

Éxodo 3:20

Ja'uc me to, ya me cac' ta ilel cu'el ta stojolic, ya me quejch'entes yu'un lajel te egipcioetic ta spisil ta jchajp at'eliletic ya cac'bey yil ta slumalic, jich to me ya yaq'uex loq'uel te faraón.

Éxodo 6:1

Te Cajwaltic la sjac': —Ta ora to ya me awil te bila ya jpasbey te faraón. Melel ja' nax me ya yaq'uex loq'uel a teme ay bila tulan ya xtal ta stojole. Stuquel me ya yal te ya yaq'uex loq'uel —xi' te Diose.

Éxodo 15:12

La aloq'ues awu'el, te lumq'uinal la sbic' bael te jcontrotique.

Éxodo 15:16

Ja'at Cajwal, ac'a xiwuquic, ayuc nijq'uel ta yo'tanic, jichuc me ma stij sbaic bit'il tonetic ta scaj yip te ac'abe, ja' to me c'alal c'axiquix te lum awu'une, ja' te lum la awu'uninixe.

Éxodo 18:8

Te Moisés la xcholbey yaiy snialmamal ta spisil te bitic la spas Cajwaltic ta stojol te faraón, soc ta stojol te egipcioetic, ta xc'uxtayel te lum Israel. La yalbey xan spisil te swocolic te c'ot ta pasel ta be, soc spisil te bila la spasix Cajwaltic ta swenta scoltayelic.

1 Samuel 2:10

Te Cajwaltic ya me swuy te scontro; c'alal ta ch'ulchan ya yac'bey coel tel chawuc ta stojolic. Te Cajwaltic ya me yalbey bi yilel yat'el te mach'atic ayic ta swolol te balumilale; ya me yac'bey xan yip te muc' ajwalil tsabil yu'une, ya me yac' muc'ubuc xan te yip yu'ele —xi' te Ana.

Salmos 24:8

¿Mach'a a te Muc' Ajwalil te ay xojobil yutsilal? Ja' te Cajwaltic te tulan, te xujt' ma xiwe. Ja' te Cajwaltic te mero ma xiw ta guerra.

Salmos 44:4

Muc' ajwalilat cu'untic, Diosat cu'untic, ja'at la awac' ta tsalaw te lum awu'une;

Salmos 89:14

Te amuc'ul nactijib ja' yiptajib te toj-o'tanil soc te bila stojil ya achajbane; ta swenta spisil te bila ya apase, ya xchicnaj a te sc'uxul awo'tan soc te jun awo'tan.

Isaías 63:12

Ja' te la yac'bey sjoin ta yutsil yu'el te Moisés, ja' te la yac'bey sq'uep sba te mar ta stojol te lum yu'une swenta yu'un ay ta na'el a ta sbajt'el q'uinal,