Éxodo 15:3 - Bible in Tzeltal de Oxchuc y Tenejapa

³ Te Cajwale mero ju'em yu'un guerra. Ajwalil te sbiile.

Bible in Tzeltal Bachajón

³ Te Jehová ha te mach'a ya yac' guerra; ha Jehová te sbihile.

Éxodo 15:3 Referans Kwoze

Salmos 24:8

¿Mach'a a te Muc' Ajwalil te ay xojobil yutsilal? Ja' te Cajwaltic te tulan, te xujt' ma xiwe. Ja' te Cajwaltic te mero ma xiw ta guerra.

Éxodo 14:14

Ma me xamel awo'tanic, ja' me ya spas guerra ta awentaic stuquel te Cajwaltique —xi'.

Isaías 42:8

Jo'on Ajwalilon, ja' me jbiil abi, soc ma me xju' te ya cac' yutsilalin yan te cutsilale; jo'on nax me jtuquel ya x'ich'oton ta muc', ma me ja'uc te loc'ombaetique.

Salmos 83:18

Ac'a sna'ic te ja'at nax Ajwalilat, te ja'at nax te mero Toyolat, te atuquel ay ta awenta spamal te q'uinale.

Salmos 45:3

Chuca ta ach'ujt' te apuñale, ja'at te ma xiwate; ay axojobil soc ayat ta ich'el ta muc'.

Éxodo 3:15

Te Dios la yalbey xan te Moisés: —Albeya xan te alumale: “Te Cajwaltic te Dios yu'un te antiguo jme'-jtatique, ja' te Dios yu'un Abraham, Isaac soc te Jacob, ja' la sticunon tel ta atojolic”, uta me. Ja' me te jbiile. Sbajt'el q'uinal ay, ma ba ya xch'ay sbajt'el q'uinal te jbiile.

Éxodo 3:13

Te Moisés la sjac': —Te banti chujc'ul ya caiy ta co'tan, ja' teme ya xc'o calbey te jlumal: “Te Dios yu'un te antiguo jme'-jtatique ja' la sticunonix tel”, teme ya xc'o cute, teme ya sjojc'obonic, “¿Bi sbiil?”, teme xiique, ¿Bi ya calbey? —xi'.

Isaías 42:13

Te Cajwaltic ya me xloc' tel jichuc jtul winic te ay yipe; ya me yac' puersa ta yaq'uel guerra jichuc jtul soldado. Ya me stoyes sc'op, ya me x'awun yu'un guerra; soc ya me stsal te scontrotaque.

Jeremías 33:2

—Jo'on Ajwalilon te la jpas balumilal, la jchajban soc tulan la jwolan ta bay yawil, jo'on ya calbat:

Éxodo 3:14

La sjac' te Diose: —Albeya: “JO'ON TE JTALEL AYONE”, xi' te sbiile, uta me. Soc albeya te alumale: “TE STALEL AY, xi' te sbiile, ja' la sticunon tel ta atojolic”, uta me —xi'.

Éxodo 14:25

Jajch' ta bolobel yacan te scarretaic, wocoltic xanix a ju' ochel bael yu'unic a. Te egipcioetic la yalbey sbaic: —Anucotic sujt'el ta stojol te israeletique, melel te Yajwalique ja' ya yac'botic guerra ta swentaic —xiic.