Éxodo 15:25 - Bible in Tzeltal de Oxchuc y Tenejapa

²⁵ Jich te Moisés la sc'anbey coltayel te Cajwaltique. Jich ac'bot yil jpejt' te' yu'un te Cajwaltique. Te Moisés la xch'oj ochel ta ja' te te'e, jich a lecub te ja'e. Te Cajwaltic tey la yilbey yo'tanic a, soc la yac'bey mandalil te ya xtojtesotic yu'une.

Bible in Tzeltal Bachajón

²⁵ Ha yu'un te Moisés la yawtay te Jehová, hich a'bot yil jtehc' te' yu'un; la sch'oj ochel ta ha', hich chi'ub te ha'e. Te Jehová tey la ya'be mandaril soc tey la ya'iybe yo'tanic a,

Éxodo 15:25 Referans Kwoze

Deuteronomio 8:2

Na'ulayaic ta spisil te cha'winic (40) ja'wil la yaq'uex ta beel ta muc'ul jochol taquin q'uinal te Cajwaltic te Dios cu'untique. Te bit'il jich la spasbeyexe, yu'un me la yac'beyex apejc'an abaic ta stojol swenta prueba, swenta yu'un jich me ya sna'beyex awo'tanic a teme ya ach'uunbeyic, o ma ba ya ach'uunbeyic te mandaliletic yu'une.

Salmos 66:10

Dios cu'untic, ja'at la awac'otic ta prueba, jich la awac' quich'tic lecubtesel te bit'il ya yich' lecubtesel plata.

Jueces 3:1

Ay lumetic te jilic ta spamal q'uinal, te la sc'an yo'tan Cajwaltic te ya yac'bey ta swenta prueba ta stojol te israeletique. Ja'ic te yal-snich'nab israeletic te ma to ayinemic a te c'alal la yac'beyic guerra ta yich'el sq'uinal te cananeoetique.

Jueces 3:4

Ja'ic te lumetic jilic swenta yu'un ya yac'bey prueba te Cajwaltic ta stojolic a te israeletic, yu'un la sc'an yil teme ya xch'uunic te mandaliletic te yac'ojbey te antiguo sme'-static ta swenta Moisés.

Jueces 2:22

Ja' la sc'an yil Cajwaltic a teme ya xch'uunbeyic smandal jich bit'il te antiguo sme'-statique, o teme ma sc'aniquix stuquelique.

Deuteronomio 8:16

Ta muc'ul jochol taquin q'uinal la smac'linex ta maná, ni ja'uc te antiguo jme'-jtatic la yilique. Jich la spasbeyex ta atojolic yu'un apejc'anelic soc yu'un atsaojibalic, ta swenta awutsil-alequilic c'ot ta loq'uel.

Éxodo 16:4

Ja' yu'un te Cajwaltic, jich la yalbey te Moisés: —Ya me cac' tel we'elil ta ch'ulchan jichuc ja'al. Te lume ya me xloq'uic ta stamel jujun c'aal te jich yipal ya xtuun yu'unic te jujun c'aale. Tey me ya quil a te mach'a ya xch'uunbon te jmandale, soc te mach'a ma xch'uune.

2 Reyes 2:21

te Eliseo bajt' ta bay sloq'uibja', la xch'oj ochel tey a te ats'ame, jich la yal: —Jich ya yal te Cajwaltic: “Jo'on la jlecubtesix te ja'e. Ma'yuquix bi ora ya xjajch' chamel, soc ma'yuquix bi ora ya sboltes te lume”, xi' te Cajwaltique —xi' te Eliseo.

1 Corintios 1:18

Te c'alal ya calbeytic sc'oplal te laj ta cruz te Cristoe, jowil c'op aiyej nax c'oem ta yo'tanic te mach'atic ch'ayel ya xbajt'ique. Yan te jo'otic te ya xcolotique, jich c'oem ta co'tantic te ja' yu'el te Diose.

Jeremías 9:7

Ja' yu'un te jo'on Ajwalilon te Spisil ya xju' cu'une, ya cal: ¿Bi yan ya xju' ya jpas yu'un te lum cu'une? Ja' nax ya cac' ta c'ajc' swenta slecubtesel.

Proverbios 17:3

Oro soc plata ya yich'ic tsajel ta c'ajc'; ja' nix jich te bila ya snop te co'tantique, ya me yich' tsajel yu'un te Cajwaltique.

Salmos 91:15

Te c'alal ya sc'oponon, ya me caiybey sc'op; C'alal ay swocol ya me xtalon ta sts'eel. Ya me cac' ta libre; ya me cac'bey yutsilal ta ich'el ta muc'.

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

2 Reyes 4:41

Pero jich la yal te Eliseo: —Ich'bonic tel jtebuc harina —xi'. C'alal la yac' ochel te harina ta yutil te oxome, jich la yal: —Ac'beyaiquix swe'elic te mach'atic li' ayique —xi'. We'ic spisilic, ma'yuquix bila amen ay ta oxom.

Éxodo 14:10

C'alal la yaiyic stojol te israeletic te nopolix ay tel te faraón soc te egipcioetic, bayal a xiw yo'tanic yu'un, jajch' sc'anbeyic coltayel te Cajwaltique.

Salmos 99:6

Te Moisés, Aarón soc ta spisil te sacerdoteetic yu'un Dios, soc te Samuel, jun ayic soc te mach'atic la yalbeyic yutsil te sc'oplale. Te Cajwaltic la sjac'bey sc'op ta spisilic te c'alal la sc'anbeyic te coltayel yu'une.

Salmos 81:7

Te c'alal ayat ta buen woclajel ae, la awic'on, jich la jcoltayat; la jac'bat ac'op c'alal ta tocal te banti yac ta t'omel chawuc; la jpasat ta prueba ta sts'eel te ja'etic yu'un Meriba.

Deuteronomio 13:3

ma me x'awich'beyic ta muc' te sc'ope. Melel te Cajwaltic te Dios cu'untique ya sc'an ya spasex ta prueba, yu'un ya sc'an ya yil teme mero c'ux ta awo'tanic ta mero spisil awo'tanic soc ta mero spisil acuxlejalique.

Éxodo 17:4

Te Moisés la sc'opon te Cajwaltique, jich la yalbey: —¿Bi ya jpas soc te lume? Jteb xan meix ma smilonic ta ton —xi'.

Jeremías 15:1

Te Cajwaltic la yalbon: —Manchuc me ya xtal stejc'an sbaic ta jtojol li'to te Moisés soc Samuel, te jo'one ma ja'uc ya jna'bey yo'bolil sba yu'un a te lume. Albeya, ac'a loc'uc bael ta jtojol, ac'a bajt'uquic.

Éxodo 20:20

Te Moisés la sjac': —Ma me xiwex, tal nax yaiybeyex awo'tanic te Diose. Jich me ya sc'an ya axi'ic swenta yu'un ma xale amulic —xi'.

2 Reyes 6:6

—¿Banti yal coel? —xi' ta sjojc'oyel te j'alwanej yu'un te Diose. Te winique la yac' ta ilel te banti yal coele. Te Eliseo la xot' jun te', la xch'oj ochel tey ta banti coe, jich lichot moel ta ba ja' te echeje.

Ezequiel 47:7

La quil tey ta xchebal te sti'ile, ay bayal te'etic tey a.

Ezequiel 47:8

C'opoj xan te winique, jich la yalbon: —Te ja'e ya xbeen bael ta q'uinal ta stojol sloq'uib c'aal. Ya me xc'oic bael ta sti'il Jordán, tey me ya x'oquin ochel ta Mar Muerto. Teme c'ot tey ae, te ya'lel mar ya me xlecub yu'un.