Éxodo 15:17 - Bible in Tzeltal de Oxchuc y Tenejapa

¹⁷ Ja'at Cajwal, ic'awotic bael, ac'a ainucotic ta ch'ul wits awu'un, te la atsa ta bay ya xnainate, ta ch'ul awilal te la awac' ipajuque.

Bible in Tzeltal Bachajón

¹⁷ Ha'at yac awic' ochel soc yac ats'un ta wits awu'un te awich'oj hilel, ta lugar banti ya xnahinat te chahpambil awu'un, Jehová, ha te ch'ul awilal te yich'oj yip yu'un ac'ab, Jehová.

Éxodo 15:17 Referans Kwoze

Salmos 44:2

Ja'at yat'el ac'ab te la aloq'ues bael te mach'atic ma ba xch'uunejate, la awac'bey castigo te nacionetique, ja'at la anajc'an ta sq'uinalic te me'il-tatiletique.

Salmos 80:8

Ta Egipto la aloq'ues tel jun ts'usubil; la ach'oj loq'uel te mach'atic ma ba xch'uunejate, ja' la ats'un tey a te ts'usubile.

Jeremías 32:41

Bin nax me co'tan ta yaq'uel yutsilalic. Ta spisil co'tan soc ta smelelil, ya cac' ainuc li' ta q'uinal to —xi' te Cajwaltique.

Jeremías 31:23

Te Cajwaltic te Spisil ya xju' yu'une, te Dios yu'un Israel, ya yal: —C'alal ya cac'bey xan yutsilal te ants-winiquetic yu'un Judá, te ayiquix ta yan buelta ta sq'uinalic soc ta lumetic yu'unic, jich me ya yalic ta yan buelta: “Te Cajwaltic ac'a yac'bey bendición te ch'ul wits te bay ya xnain te stojil chajbanele”, xiic me.

Jeremías 2:21

Jo'on la jts'unat jichuc ts'usub te mero cajal yutsile, jich bit'il yawalil ts'usub te mero lec ta jyalele. ¿Bi yu'un te bayal bolobenate, te ma jna'batix aba ya quile?

Éxodo 15:13

Soc xc'uxul awo'tan yacat ta stojobtesel bael te lum la acoltaye; soc awu'el yacat ta yiq'uel bael ta bay ch'ultesbil na awu'un.

Éxodo 23:20

“Aiya awaiy stojol ya jticunbat ch'ul abat cu'un ta atojol, swenta yu'un ya scanantayat ta be. Ja' me ya yic'at bael ta q'uinal te chajbanbilix cu'une.

Éxodo 32:34

Jich yu'un beenan, ic'a bael te lum ta bay calojbate. Te ch'ul abat cu'une ja' me ya yic'at bael. Te c'alal ya xc'ot sc'aalelal te castigo, ya me cac'bey castigo yu'un te smulique —xi'.

Deuteronomio 33:19

Ya me yiq'uic tel te nacionetique, ya me yiq'uic tel ta wits, soc ya me xc'o yaq'uic milbil majt'aniletic te ya sc'an ya yich' aq'uele. Bin nax me yo'tanic ya stuuntesic te c'ulejalil ya staic ta maretic, soc te c'ulejaliletic nac'al ta ti'ti'mar ta ji'ileltique —xi'.

2 Samuel 7:10

Soc xan la jchajbanbeyix yawil yu'un te lum Israel cu'une. Tey la cac' ainuc a, swenta yu'un ya me xnainic ta mero yawilic, te banti ma'yuc mach'a ya xju' ya x'uts'inotic yu'une. Ni ya xju' ya x'ac'bot swocolic xan yu'un te mach'atic amen yat'elic, jich bit'il ta namey ta xjajch'ibal

1 Reyes 8:13

Te jo'one la jpasix templo yu'un ya anain, te banti ya xnainat swenta sbajt'el q'uinal —xi'.

Salmos 2:6

“La caq'uix ta mandalteswanej te muc' ajwalil cu'une, ta bay ch'ul wits Sión cu'un”, xi' me.

Salmos 68:16

Ja'ex te mero toyol witsexe, ¿bi yu'un te ay sbic'tal awo'tanic yu'un te wits te banti la sc'an yo'tan ya xnain te Diose? Te Cajwaltic ya me xnain sbajt'el q'uinal tey a.

Salmos 76:2

Te templo yu'un ay ta sba wits Sión, ay ta Jerusalén.

Salmos 80:15

Ja' te ts'usubil te ja'at nix ats'unoje; ja' te spul te ja'at nix la awac' ch'iuc ta lumq'uinale.

Salmos 114:2

ja' templo yu'un Cajwaltic c'ot te Judá, soc och ta ajwalil yu'un Israel te Cajwaltique.

Éxodo 25:8

Ya me apasbonic ch'ul awilal, yu'un tey me ya x'ainon ta awolilic.

Josué 22:19

Teme ma lecuc ta stojol Cajwaltic ya awaiyic in q'uinal to, la'ic ta bay q'uinal yu'un te Cajwaltique, ta bay ch'ul templo yu'un, ich'a aq'uinalic te banti ayotique. Ma xatoy abaic ta stojol te Cajwaltique, te ya xjajch'ex ta spasel yan scajtijib ta chiq'uel majt'anil a te bit'il ay yu'un Cajwaltic te Dios cu'untique.

Ezequiel 37:26

Ya me jpas trato soc, swenta yu'un ay me lamal q'uinal ya yaiyic ta nainel spisil ora. Sbajt'el me q'uinal ay sc'oplal te trato ya jchap soque. Ya cac' esmajuc yajtalulic; sbajt'el me q'uinal ya cac' ta yolilic te ch'ul templo cu'une.

Ezequiel 37:28

Sbajt'el me q'uinal ay ta yolilic te ch'ul templo cu'une, te yantic nacionetic ya me sna'ic te jo'on jtsaoj yu'un ch'ul lum cu'un te Israel’, xi' me”, uta me —xi' te Cajwaltique.