Éxodo 15:16 - Bible in Tzeltal de Oxchuc y Tenejapa

¹⁶ Ja'at Cajwal, ac'a xiwuquic, ayuc nijq'uel ta yo'tanic, jichuc me ma stij sbaic bit'il tonetic ta scaj yip te ac'abe, ja' to me c'alal c'axiquix te lum awu'une, ja' te lum la awu'uninixe.

Bible in Tzeltal Bachajón

¹⁶ ya xc'oht nihquel soc xiwel ta stojolic. Ta stojol te smuc'ul yip ac'ab ya x'uma'ubic hich te bin ut'il ton, ha to c'alal c'axemix bahel a te pueblo awu'un, Jehová, ha to c'alal c'axemix bahel a te pueblo te la acoltay ta libre.

Éxodo 15:16 Referans Kwoze

Salmos 74:2

Na'a me te lum awu'un, ja' te manbil awu'un ta xjajch'ibal to tale, ja' te la acoltay loq'uel tel swenta yu'un awu'un ta xchajbal soc te sts'umbale; na'a me te wits Sión te banti nainate.

Deuteronomio 2:25

Ta ora bael in to ya me cac' xiwuc yo'tanic ta atojolic te yajwal lumetic ta spamal balumilale. C'alal ya xchicnaj ta alel ac'oplalic ya yaiyique, ya me xjajch'ic ta nijq'uel yu'un xiwel, ya me x'u'uninbot yo'tanic yu'un mel-o'tan”, xi'.

1 Samuel 25:37

C'alal sacub ta xchebal c'aal, te cuxix yo'tan ta yacubel a te Nabal, te Abigail la xcholbey yaiy spisil te bi c'ot ta pasele. Te Nabal, tup' yic', laj yip yoc sc'ab.

Josué 2:9

—Ya jna' te ja' ya yac'beyex in q'uinal to te Awajwal te Dios awu'unique, melel bayal yac'ojbotiquix xiwel. Spisil te yajwal lum lajemiquix ya yaiyic yu'un xiwel ta acajic te ja'exe.

2 Pedro 2:1

Ja'uc me to, namey q'uinal ay lotil j'alwanejetic ta yolil te lum Israele. Ja' nanix jich ya me xchicnaj lotil maestroetic ta awolilic uuc. Muquen me ya yaq'uic ta nopel yan c'op te ya xjinawane. Ma ja'uc ya yaq'uic ta ich'el ta muc' te Cajwaltic te la stojbey scolelique. Jich me ora ya yich'ic jinel stuquelic.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Jeremías 31:11

Melel te Cajwaltic la yic' loq'uel te lum Jacob, la scoltay ta libre te ay ta sc'ab nación te bayal yipe.

Deuteronomio 11:25

Ma me ayuc mach'a ya stsalex. Ja' me te Cajwaltic Dios cu'untic te ya yac' c'otuc ta pasel, te ya sticunbey buen tulan xiwtesel ta stojolic te mero xiweltic sba te banti ya xc'axexe, jich nix te bit'il yalojbeyexe.

Éxodo 11:7

Swenta yu'un tey ya ana'ic stojol a te ma pajaluc sc'oplal ta yo'tan Cajwal soc egipcioetic te israelotique, ni ma ba ya swojwojtayotic te ats'i'ique, manchuc me ants-winiquetic, o chambalametic.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

Isaías 51:10

La atup'bey ya'lel te mar, te ja' te smuc'ul na'bilale, la ac'atp'un ta taquin be te yolil mar, swenta yu'un c'axic bael tey a te mach'atic la awac' ta libre.

2 Samuel 7:23

Jich te jlumal Israel, te lum awu'une, ma'yuc yan lum pajal soc; melel ja' nax jun nación te cajal sc'oplal ta balumilale. Ja'at, Dios cu'un, la awac' ta libre te jlumal, swenta yu'un ja' lum awu'un ya xc'ot. La awac' chicnajuc yutsil sc'oplal ta stojol ants-winiquetic, swenta bit'il ay bila muc' sc'oplal la apas soc jelawen yutsil bi la apas ta jtojoltic. Te c'alal la aloq'ues tel ta Egipto te lum awu'une, ch'aybil c'ot awu'un te yantic nación soc te diosetic yu'unique.

1 Samuel 2:9

Te Cajwaltic ya me scanantay ta beel te mach'atic jun yo'tanic ta stojole; yan te mach'atic amen yo'tanic ya me xlajic ta yijc'al q'uinal stuquelic. Melel ma'yuc mach'a ya xju' ya yaiy tsalaw ta swenta nax te yip.

Deuteronomio 32:9

melel te bila ay yu'un te Cajwaltique, ja' te lum yu'une, ja' me te sts'umbal Jacob.

Deuteronomio 32:6

¿Jich bal ya sc'an tojel awu'unic te Cajwaltique? Jbol-o'tan lum, te ma'yuc sp'ijil awo'tanic, ¿ma bal ja'uc atatic jiche, ma bal ja'uc jpaswanej awu'unic? ¡Ja' la spasex, soc la yac'beyex acuxlejalic!

Éxodo 23:27

“Ya me jpuc bael xiwel soc aw, soc mel-o'tan ta stojol spisil te lumetic ta bay ya xc'axex bael. Ya me x'an loq'uel ta atojolic te awajcontroe.

Génesis 35:5

Jajch'ic ta beel. Te jaychajp lum ta banti ayique, ma ba nutsotic yu'un, melel ac'bot xiwel ta yo'tanic yu'un Dios, jich ma ba nutsotic.

Éxodo 15:5

Jich bit'il ton coic bael c'alal ta yet'al mar.

Éxodo 15:6

Ja'at Cajwal, la awac' ta ilel smuc'ul awu'el, ta swenta te yip swa'el ac'ab, laj te jcontrotique.

Éxodo 15:13

Soc xc'uxul awo'tan yacat ta stojobtesel bael te lum la acoltaye; soc awu'el yacat ta yiq'uel bael ta bay ch'ultesbil na awu'un.

Éxodo 18:8

Te Moisés la xcholbey yaiy snialmamal ta spisil te bitic la spas Cajwaltic ta stojol te faraón, soc ta stojol te egipcioetic, ta xc'uxtayel te lum Israel. La yalbey xan spisil te swocolic te c'ot ta pasel ta be, soc spisil te bila la spasix Cajwaltic ta swenta scoltayelic.

Éxodo 20:2

—Jo'on Ajwalilon, te Dioson awu'une, te la jloq'uesat ta Egipto ta banti ayat ta mozoile.

Éxodo 23:20

“Aiya awaiy stojol ya jticunbat ch'ul abat cu'un ta atojol, swenta yu'un ya scanantayat ta be. Ja' me ya yic'at bael ta q'uinal te chajbanbilix cu'une.

Deuteronomio 2:4

Albeya jmandal te lume: ‘Ya me xc'axex ta slum-sq'uinal patil alnich'anetic yu'un Esaú, te nainemic ta Seir, ja'ic nix achapomal. Bayal yacalic ta xiwel ta atojolic, pero tsajtaya me abaic,

Josué 4:24

Jich yu'un ya me sna'ic spisil lumetic ta balumilal te bayal yu'el te Cajwaltique, soc te ja'exe ya me awich'ic ta muc' te Cajwaltic te Dios cu'untic sbajt'el q'uinal”, utaic me —xi' te Josué.

Salmos 105:38

Bin nax yo'tanic yu'un te egipcioetic te loq'uic bael te israeletique, melel bayal yacalic ta xi'el.

Isaías 63:12

Ja' te la yac'bey sjoin ta yutsil yu'el te Moisés, ja' te la yac'bey sq'uep sba te mar ta stojol te lum yu'une swenta yu'un ay ta na'el a ta sbajt'el q'uinal,

Éxodo 6:7

Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique.

Éxodo 23:22

Yan teme ya ach'uunbeyic ta melel te sc'ope, soc teme ya apas spisil te bit'il calojbeyexe, ya me jcontroin te mach'atic ya scontroinate. Ja' me jcontro ya xc'ot te mach'atic acontroe.

Salmos 89:14

Te amuc'ul nactijib ja' yiptajib te toj-o'tanil soc te bila stojil ya achajbane; ta swenta spisil te bila ya apase, ya xchicnaj a te sc'uxul awo'tan soc te jun awo'tan.

Ezequiel 16:8

“Cha'c'axon xan ta ats'eel yan buelta. La quilat, ataojix amuc'ul, yorailix te ya xbaat ta ich'ele. La jlim bael ta atojol te jmuc'ul c'u'e, la jmucbat a te abaq'uetal t'anale. Soc tey ora la cal jba ta jamal ta atojol a, soc tey ora la jchap jc'optic swenta trato, jich la cu'uninat. Jo'on Ajwalilon te jich caloje.