Éxodo 15:11 - Bible in Tzeltal de Oxchuc y Tenejapa

¹¹ Ja'at Cajwal, ma'yuc yan diosetic ya spajat. Ma'yuc yan mach'a ya spajbat awutsilal soc amuc'ul te ja'ate. ¡Jchajp nax bitic ya apas soc xiweltic sba! ¡Awu'un c'ajintayel!

Bible in Tzeltal Bachajón

¹¹ ¿Mach'a ya spajat, Jehová, ta yohlil te diosetic? ¿Mach'a ya spajat, te c'ax bayel awutsilal te ch'ul Diosat, te xiweltic sba te yutsil awa'tel, te yac apas jchahp a'teliletic?

Éxodo 15:11 Referans Kwoze

1 Reyes 8:23

jich la yal: —Cajwal Dios yu'un Israel, ni ta ch'ulchan ni ta balumilal ay yan Dios jich te bit'il ja'at, te ya awac' c'otuc ta pasel te trato apasoje, soc te ya awac' ta ilel yutsil awo'tan ta stojol te mach'a jun yo'tan ya yac' sba ta abatinel ta atojole.

1 Samuel 2:2

Ma'yuc mach'a yan jich ch'ul Dios te bit'il ja'at, Cajwal. Ma'yuc mach'a jich ya xcanantaywan te bit'il ja'at, Dios cu'untic. Jtul ma'yuc mach'a jich te bit'il te ja'ate.

2 Samuel 7:22

Ja' yu'un, Cajwal cu'un, mero muc'at, ma'yuc mach'a yan jich. Ma'yuc yan Dios ay, ja'at nax Diosat atuquel, jich nix te bit'il caiyojtique.

Apocalipsis 4:8

Ta xchanebal te bitic cuxajtique ay waqueb xiq'uic te juju-jcojt'e. Nojel ta sitic te yutil xiq'uique soc te spat xiq'uique. C'aal ajc'ubal ma xquejch'ajic ta yalel: “Ch'ul Dios, ch'ul Dios, ch'ul Dios. Ja' te Cajwaltic Dios te Spisil ya xju' yu'une, ja' te mach'a ay ta namey tele, soc te mach'a stalel aye, soc te mach'a jtalelixe”, xiic.

Isaías 6:3

Jich yacalic ta yalel juju-jtul: —Ch'ul Dios, Ch'ul Dios, Ch'ul Dios, ja' te Cajwaltic te Spisil ya xju' yu'une; nojel ta spamal balumilal te yutsilale —xiic.

Deuteronomio 3:24

“Cajwal, jajch' awac'bonix quil te smuc'ul awu'el te jo'on te awabatone. Ma'yuc yan Dios ta ch'ulchan ni ta balumilal te ya xju' yu'un spasel te bitic jelawen yutsil te yacat ta spasele.

Salmos 86:8

Cajwal, ma'yuc yan dios jich te bit'il ja'ate; ma'yuc bi yan ya spaj te awat'ele.

Salmos 77:14

Ja'at Diosat te ya apas jchajp at'eliletique; la awac'bey yil awu'el te nacionetique.

Apocalipsis 15:4

¿Cajwal, ay bal mach'a te ma xi'ate? ¿Soc ay bal mach'a te ma xyalbat yutsil ac'oplale? Melel atuquel nax te ch'ul Diosate. Ya me xtalic ta atojol spisil ta jchajp te nacionetique soc ya me slajin sbaic ta atojol. Yu'un chican ta comonsitil te toj spisil te bila la apasixe”, xiic ta c'ayoj la caiy.

Isaías 40:25

Te Ch'ul Dios ya sjojc'o: —¿Mach'a ya apajon soc a? ¿Mach'a pajalon soc awaiy a te jo'one? —xi'.

Deuteronomio 33:26

La yal xan te Moisés: —Ma'yuc bila pajal soc te Dios yu'un Jesurún, te yac ta beel soc smuc'ul yu'el cajal ta stocalil ta ch'ulchan, te ya xtalat ta coltayel yu'une.

Salmos 77:19

La ajam abe ta mar c'axat ta bayal ja'etic, pero ma'yuc mach'a la yilbat awacan.

Isaías 40:18

Te ja'exe, ¿mach'a ya apajic soc a te Diose? ¿Bi loc'ombail te pajal soc ta ac'opic?

Salmos 35:10

Ta spisil co'tan jich ya cal: “¿Cajwal, ay bal yan mach'a jich a te bit'ilate? Te mach'atic me'baetique, ja' te mach'atic ma'yuc bila ya xtuun yu'unique, ya awac' ta libre yu'un te mach'atic tulanique, ja' te mach'atic yacalic ta uts'inwanej ta stojolique”, xoon yu'un.

Éxodo 8:10

—Pajel nax me —xi' te faraón. Te Moisés la sjac': —Lec ay, ya xc'ot ta pasel, swenta yu'un tey me ya ana' a te bit'il ma'yuc yan a te bit'il te Cajwaltic te Dios cu'untique.

Salmos 66:5

La'ic, ilawilic te yat'el Diose, te jchajp at'eliletic spasoj ta stojol te ants-winiquetique:

Jeremías 49:19

Talon meix a te ya awile, jich bit'il león-choj ya xloc' tel ta pimil ja'mal ta ti'ti'ja' Jordán, te ya yantay bael ta bay unin aquiltic. Tey me ya cac' x'anic loq'uel a te mach'atic ay ta Edom, ya me cac' xmandalaj ta ajwalil tey a te mach'a ya sc'an co'tan ya jtsae. Melel ¿mach'a ya spajon te jo'one? ¿Mach'a ya xju' ya stsalon? ¿Mach'a jcanan-chij c'oem te ya xju' scontroinone?

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

Salmos 145:17

Te Cajwaltic stalel toj yo'tan stuquel, yat'elinej c'uxtaywanej.

Jeremías 10:16

Mero yan yilel stuquel a te Dios yu'un Jacob, jchicnanteswanej yu'un spisil te bitic aye. La stsa Israel te mero yu'un stuquele. “Ajwalil te Spisil ya xju' yu'un”, xi' te sbiile.

Salmos 119:120

Te jbaq'uetal ya xnijc' yu'un xiwel ta atojol; ya quich' ta muc' te bila chapal awu'une.

San Lucas 12:5

Ya calbeyex te mach'a ya sc'an ya axi'ique: Ja' me x'axi'ic te mach'a ya xju' yu'un ya smilat soc te ay yat'el te ya xju' ya yaq'uex ta bay yawil c'ajc' te ma xtup' sbajt'el q'uinale. Ja' me x'axi'ic stuquel.

Salmos 90:11

¿Mach'a ya sna'bey sba te yip te awilimbae? ¿Mach'a ya sna'bey sba te sc'ajc'al awo'tane?

Levítico 19:2

—Albeya ta spisil te israeletic te bila ya calbate: “Ch'ultesa me abaic, melel te jo'on te Ajwalilon soc te Dioson awu'unique, ch'ul Dioson jtuquel.

Isaías 30:11

Ijq'uitaya jilel te be at'unoje, q'ueja abaic loq'uel ta bay te toj be. Ma xawac'otic ta stojol te Ch'ul Dios yu'un Israel —ya yutic.

Salmos 89:18

Te Cajwaltique, ja' jmajq'uiltic stuquel; te muc' ajwalil cu'untic ja' te Ch'ul Dios yu'un te Israel.

Apocalipsis 13:4

La slajin sbaic ta stojol te muc'ul chan te xi'bantic sbae te yac'ojbey yich' yat'el te muc'ul chambalam te xi'bantic sbae. Soc la slajin sbaic ta stojol te muc'ul chambalam te xi'bantic sbae. Jich la yalic: “¿Mach'a me pajal soc te muc'ul chambalam te xi'bantic sbae? ¿Ay bal mach'a ya xju' yu'un te ya stsal sba soque?”, xiic la caiy.

Éxodo 3:20

Ja'uc me to, ya me cac' ta ilel cu'el ta stojolic, ya me quejch'entes yu'un lajel te egipcioetic ta spisil ta jchajp at'eliletic ya cac'bey yil ta slumalic, jich to me ya yaq'uex loq'uel te faraón.

Éxodo 9:14

Ya me jticun tel spisil castigo ta atojol soc ta stojol te ajo'tac ta ajwalile soc te alumale. Tey me ya ana' a te ma'yuc yan jich te bit'ilon jtuquel.

Éxodo 18:11

Ta ora to c'otix ta co'tan te mero muc' te Cajwaltique, ma'yuc bay yan diosetic ya spaj, melel te bit'il c'an stoy sbaic te egipcioetique, ma ju' yu'unic —xi'.

Éxodo 20:3

“Ma me ayuc yan diosetic awu'un, melel jo'on nax me jtuquel te Dioson awu'une.

2 Crónicas 2:5

Te templo ya jpase muc' me ta jyalel, melel te Dios cu'untic c'axem to xan ay yu'el stuquel a te bit'il yantic diosetique.

2 Crónicas 6:14

jich la yal: —Cajwal, Dios yu'un Israel, ma'yuc yan Dios jich te bit'ilat, ni ta ch'ulchan, ni ta balumilal. Ya ac'otes ta pasel te trato awu'un, soc ya awac' ta ilel te yutsil awo'tan ta stojol te mach'atic ya yac' sbaic ta abatinel awu'un soc spisil yo'tanic.

Salmos 22:23

Ja'ex te awich'ojic ta muc' te Cajwaltique, albeyaic yutsil sc'oplal. Muc'uc me yutsil sc'oplal awu'unic ta apisilic te sts'umbalex Jacob. Ich'a ta muc' apisilic te sts'umbalex Israel.

Salmos 113:5

Ma'yuc mach'a ya spaj te Cajwaltic te Dios cu'untic, te yac ta mandal ta toyole;

Salmos 136:4

Ja' nax stuquel te ya spas muc' jchajp at'eliletic, sbajt'el q'uinal ay te xc'uxul yo'tane.

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

Éxodo 8:6

Jich yu'un te Aarón la stoy bael te sbastone ta stojol te ja'etique. Jich loq'uic tel te xch'uch'etique. Noj yu'unic ta spamal Egipto.

Deuteronomio 1:30

Te Cajwaltic te Dios cu'untic, ja' neel yac ta beel ta atojolic. Ja' me ya x'och ta guerra awu'unic stuquel, jich nix te bit'il la spas la awilic ta Egipto,

Deuteronomio 4:34

¿Ay bal dios te ba sloq'ues jchajp lum ta yolil yantic lumetic ta swenta bayal pruebaetic, señailetic, jchajp señailetic soc guerraetic, te tey la yac' ta ilel spisil yu'el a, te mero xiweltic sba te bila la spase, jich bit'il la spas ta atojolic soc ta stojol te acontroic ta Egipto te Cajwaltic te Dios cu'untique?

1 Crónicas 16:25

Melel te Cajwaltic muc' stuquel, soc mero ya sc'an albeyel yutsil sc'oplal, mero xiweltic nax me sba stuquel yu'un a te yantic diosetique.

Salmos 60:2

La awac' nijc'uc te lumq'uinal soc la awac' te ya sjam sbae. Ac'beyaix smac sba yo'tic te banti la sjam sba, yu'un ya me xjajch'ix ta wuyel coel.

Salmos 77:11

Ya me jna' te jchajp at'eliletic la spas te Cajwal ta yan c'aal;

Salmos 86:10

Melel ja'at nax atuquel Diosat; ja'at muc'at, soc ya apas jchajp at'eliletic.

Isaías 46:9

na'aic me te bitic c'oemic ta pasel ta namey q'uinale. Jo'on nax Dioson, ma'yuc yan; Dioson jtuquel, ma'yuc yan pajalon soc.