Éxodo 15:10 - Bible in Tzeltal de Oxchuc y Tenejapa

¹⁰ Ja'uc me to, la ajujch'iy te mar, jich bic'otic yu'un; mulic coel ta ja' jichuc plomo, ta swenta yip te ja'e.

Bible in Tzeltal Bachajón

¹⁰ Pero la ahu'xiy ta awic'al, hich mulotic ta mar; hich mulic cohel te bin ut'il plomo ta ha'etic te ay yipique.

Éxodo 15:10 Referans Kwoze

Isaías 11:15

Te Cajwaltic ya me sjambey sbe ta Mar Rojo; ya stoy bael sc'ab ta muc'ja' Éufrates, ya me sjujch'iy ic' te xiweltic nax sba, juqueb me yoc ya xloc' yu'un a te ja'e te ya xju' st'unic c'axel, ma puersauc ya sloq'ues xanabic.

Deuteronomio 11:4

Ja' te bila la spasbey ta stojol te soldadoetic yu'un Egipto, te la yac' muluc ta ja' ta Mar Rojo te caballoetic yu'unic soc te carretaetic yu'un guerra te la snutsex te c'alal yacalex ta c'axel ta Mar Rojo a. Te Cajwaltic jc'axel la slajin tey a.

Éxodo 15:5

Jich bit'il ton coic bael c'alal ta yet'al mar.

Éxodo 14:21

Te Moisés la stoy te sc'ab ta stojol mar, jich yu'un te Cajwaltic la yac' tel tulan ic' ta sloq'uib c'aal ta sjunal ajc'ubal. La sq'uep sba te mare, cha'q'uejp la yac' sba te ja'e. Te slumile mero taquin a jil.

San Mateo 8:27

Bayal la yaan yo'tanic yu'un te jnopojeletique. Jich la yalic: —¿Mach'a winiquiluc a in to te ya xch'uunbot smandal yu'un te iq'ue soc te mare? —xiic.

Amós 4:13

Te Cajwaltic ja' te la spas te witstiquil soc te iq'ue, ja' te ya yac'bey sna' stojol ants-winiquetic te bila chapbil yu'une, ja' te ya sc'atp'un ta ijc' q'uinal te saquil q'uinale, ja' te ya yoclin ta bay mero toyol q'uinal te balumilale, ja' me Ajwalil, te Dios Spisil ya xju' yu'une, ja' me sbiil abi.

Jeremías 10:13

Ta swenta sc'op chawuc ya xc'opoj te ja' ay ta ch'ulchane, ya yac' xmo bael tocal c'alal ta sti'il balumilal, ya yac' xlem te tsantsewaletic ta yolil te ja'ale, ya sloq'ues tel ic' te bay q'uejbil yu'une.

Salmos 147:18

Ja'uc me to, ya sticun tel sc'op, jich ya x'ulub; ya yac' ta jujch'iyel ta ic' te bat, jich ya x'oquin.

Salmos 135:7

Ya sjach tel te tocaletic c'alal ta sti'il balumilal; ya spas te tsantsewaletic te ya yac' ta na'el te ya xtal ja'al; soc c'alal ta stsobjibal ya sloq'ues tel te iq'ue.

Génesis 8:1

Te Diose la sna' te Noé, soc spisil chambalametic, soc spisil bitic cuxajtic sjoinej ta barco. Jich te Diose la yac' taluc ic' ta balumilal, jich ts'uj coel te ja'e.

Proverbios 30:4

¿Mach'a moem soc coem tel ta ch'ulchan? ¿Mach'a ya xju' yu'un scomel te ic' ya stsac ta sc'abe? ¿Mach'a ya spots ta snajt'il c'u' te mare? ¿Mach'a la xchajban ta bay c'oem sti'il te balumilale? Ma me xawalbon te ya ana'bey sbiil soc sbiil te snich'ane.

Jeremías 46:17

“Ac'beya yixta-biil faraón te muc' ajwalil yu'un Egipto: “Jtojol ch'inch'onel”, xiuc me.

2 Samuel 18:8

Te guerra pujc' bael ta spamal te q'uinale, ja' bayal te lajic ta ja'maltic, ja' ma'yuc bayal te lajinotic ta puñale.

Nehemías 9:11

Ta scomonsitic la awac'bey sjam sba te mare, jich c'axic bael ta beel ta taquin lum. Yan te jnutsawetic yu'unique, la awac' couquic ta ye'tal ja', jichuc ton ta sc'ubulil ja' stuquelic.