Éxodo 14:9 - Bible in Tzeltal de Oxchuc y Tenejapa

⁹ Te egipcioetic soc spisil te soldadoetic yu'unic, soc te carretaetic soc caballoetic tal snutsic te israeletique. Tey la staic a ta sti'il mar, ta bay sts'eel Pi-hahirot soc ta bay stojol Baal-zefón, tey spasoj scampamentoic a.

Bible in Tzeltal Bachajón

⁹ Te egipciohetic la snutsic bahel ta cawuhetic soc carretahetic yu'un faraón, te mach'atic cajajtic ta cawu, soc spisil te soldadohetic yu'une. C'oht stahic ta scampamentohic ta ti'mar, nopol ta Pi-hahirot, ta stojol Baal-Zefón.

Éxodo 14:9 Referans Kwoze

Éxodo 15:9

Te jcontroinwanejetic la snop ta yo'tanic: ‘Ya jnutstic, ya me jtsactic, ya me jpuctic te bitic ya jpojbeytique, ja' to me chican lec ya xjil co'tantic yu'un. Ya me jloq'ues te jpuñale, ya me jin ta jc'ab a’, xi' ta yo'tan.

Josué 24:6

Te c'alal loq'uic tel ta Egipto te antiguo ame'-atatic, te egipcioetic la snutsic bael ta carretaetic yu'un guerra soc caballoetic c'alal ta Mar Rojo.

Éxodo 14:2

—Albeya te israeletic, ac'a spasic buelta, ac'a ba spas scampamentoic ta Pi-hahirot te ay ta olil yu'un te Migdol soc te mar, te yelawix bael te Baal-zefón. Ac'a spas scampamentoic ta nopol sti'il mar.

Éxodo 13:18

Ja' swentail te la yac'bey spas buelta ta sbelal muc'ul jochol taquin q'uinal te stojol bael Mar Rojo. Te c'alal loq'uic bael israeletic ta Egipto, xtiq'uet nax loq'uel ta spisilic.

Números 33:7

Loq'uic bael ta Etam, la spasic buelta ta stojol Pi-hahirot, te ay ta stojol sloq'uib c'aal ta Baal-zefón. C'o spas scampamentoic ta stojol Migdol.