Éxodo 14:8 - Bible in Tzeltal de Oxchuc y Tenejapa

⁸ Te Cajwaltic la stulantesbey yo'tan te faraón swenta yu'un ya snuts te israeletique. Ma tic'uc la yaiyic a te smuc'ul yu'el Cajwaltic te la sloq'ues tel tey a.

Bible in Tzeltal Bachajón

⁸ Te Jehová la stulanubtesbe yo'tan te faraón, ajwalil yu'un Egipto, hich la snuts bahel te snich'nab Israel. Pero te snich'nab Israel mayuc xiwel ta yo'tanic a yaquic ta loq'uel bahel.

Éxodo 14:8 Referans Kwoze

Hechos 13:17

Te Dios cu'untic, te jo'otic te lum israelotique, la stsa te antiguo jme'-jtatique. Muc'ul lum c'ot yu'un, manchuc me jyanlumetic ainic ta sq'uinal Egipto. Soc la sloq'ues tey a ta swenta yu'el te Diose.

Números 33:3

Te israeletic loq'uic bael ta Ramsés ta yo'lajunebal c'aal a te sbabial u yu'un te ja'wile, ta yan c'aal a te la spasic te Pascua. Mero bayal yipic loq'uel ta sitic spisilic te egipcioetic,

Deuteronomio 26:8

La slim bael te smuc'ul yu'ele. Jich ta yolil te bila mero xiweltic sba, te mero jchajp a te bila c'ot ta pasele, la yic'otic loq'uel tel ta Egipto.

Éxodo 14:4

Ja'uc me to, ya jtulantesbey yo'tan te faraón swenta yu'un ya me snutsex. Jich me ya cac'bey xan yil cu'el, soc spisil te soldadoetic yu'une. Tey me ya sna'ic a te egipcioetic te jo'on Ajwalilone —xi' te Cajwaltique. Te israeletic jich la spasic te bit'il albotique.

Éxodo 13:16

Jich me c'oem te ay smarcail ta jc'abtic o ta jti'batique. Tey me ya ana'ic a te ja'exe, te soc smuc'ul yu'el sc'ab te Cajwaltic la sloq'uesotic tel ta Egipto”, utaic me —xi' te Moisese.

Éxodo 6:1

Te Cajwaltic la sjac': —Ta ora to ya me awil te bila ya jpasbey te faraón. Melel ja' nax me ya yaq'uex loq'uel a teme ay bila tulan ya xtal ta stojole. Stuquel me ya yal te ya yaq'uex loq'uel —xi' te Diose.

Salmos 86:13

Mero muc' te xc'uxul awo'tan ta jtojole; melel la awac'on ta libre, ma ba la awac'on ochel ta muquenal.

Deuteronomio 32:27

pero ma jc'an te ya xlabanwanic ta jtojol te jcontrotaque. Ma ba la jc'an te ya stoy sbaic yu'un, teme jich ya yalique: “Ma ja'uc te Cajwaltic te jich la spasbotic in to, jo'otic nix la jpastic ta swenta quiptic”, teme xiique’, xi' te Cajwaltique.

Éxodo 13:18

Ja' swentail te la yac'bey spas buelta ta sbelal muc'ul jochol taquin q'uinal te stojol bael Mar Rojo. Te c'alal loq'uic bael israeletic ta Egipto, xtiq'uet nax loq'uel ta spisilic.

Éxodo 13:9

Jich me c'oem ta awo'tanic te ay smarcail ta ac'abic o ta ati'baique. Jich me ya ana'ic te ja' ya sc'an ya awalic spisil ora te mandaliletic yu'un te Cajwaltique. Melel swenta smuc'ul yu'el sc'ab te la sloq'uesotic tel ta Egipto.

Éxodo 4:21

Te Cajwaltic la yalbey te Moisés: —Te c'alal ya xc'oat ta Egipto, p'ijan me ta spasel te jchajp at'eliletic te la cac'batix awu'el ta spasele. Ja'uc me to, ya jtulantesbey yo'tan te faraón te ma xyac' loq'uel te israeletique.

Éxodo 9:12

Ja'uc me to, te Cajwaltic la stulantesbey xan yo'tan te faraón. Jich ma ba la yich'beyic ta muc' sc'opic te Moisés soc Aarón, jich bit'il albil yu'un Cajwaltic te Moisese.

Éxodo 10:27

Te Cajwaltic la stulantesbey yo'tan te faraón te ma x'ac'awan loq'uele.

Éxodo 14:7

Ay jbajc' soc lajunwinic (600) carretaetic la yic' bael te c'ax buen lequique, soc xan spisil te carretaetic yu'un Egipto. Ta jujun carreta ay mach'a yich'oj yat'el ta mandal tey a.

Éxodo 14:17

Te jo'one ya jtulantesbey yo'tanic te egipcioetique, jich me ya snutsex. Ja'uc me to, tey me ya cac'bey yil cu'el a te faraón soc spisil te soldadoetic yu'un te ayic ta carreta soc ta caballoetique.

Éxodo 15:9

Te jcontroinwanejetic la snop ta yo'tanic: ‘Ya jnutstic, ya me jtsactic, ya me jpuctic te bitic ya jpojbeytique, ja' to me chican lec ya xjil co'tantic yu'un. Ya me jloq'ues te jpuñale, ya me jin ta jc'ab a’, xi' ta yo'tan.

Lamentaciones 3:65

Tulantesbeya te yo'tanique, soc ac'beya castigo ta stojolic.

Levítico 26:13

Jo'on me te Ajwalilon te Dioson awu'unic, te la quiq'uex loq'uel tel ta Egipto, te ja' la quiq'uex loq'uel tel yu'un te ma ba ya smozoinexix a te egipcioetique. Jo'on la jin te yugo te ay awocolic yu'une, buen atoyoj ajolic ya xbeenex cu'un.

Josué 11:20

Te Cajwaltic la yac'bey tulanajuc yo'tanic te scontroique, swenta yu'un ya me yac'bey guerra te israeletique. Jich la yich'ic lajinel ta jc'axel yu'un te israeletic, ma'yuc c'uxtayel, jich bit'il yaloj mandal Cajwaltic ta stojol Moisés.

Jueces 4:7

Te jo'on ya cac' ya xtal te Sísara te jtsobwanej-soldadoetic yu'un Jabín ta yocja' Cisón. Ya xtal yac'bat guerra, soc te carretaetic soc te soldadoetic yu'une. Ja'uc me to, ya me cac'beyex ta ac'abic”, xi' te Diose —la yut.

Salmos 105:43

Te Dios jich la sloq'ues te lum tsabil yu'un, yacalic ta aw loq'uel swenta yutsil q'uinal la yaiyic.