Éxodo 14:7 - Bible in Tzeltal de Oxchuc y Tenejapa

⁷ Ay jbajc' soc lajunwinic (600) carretaetic la yic' bael te c'ax buen lequique, soc xan spisil te carretaetic yu'un Egipto. Ta jujun carreta ay mach'a yich'oj yat'el ta mandal tey a.

Bible in Tzeltal Bachajón

⁷ La yic' bahel lajunwinic scha'bahc' (600) tsahbil carretahetic, soc spisil te carretahetic yu'un Egipto soc te capitanetic yu'unique.

Éxodo 14:7 Referans Kwoze

Éxodo 15:4

Te Cajwal la smul coel ta mar te caballoetic yu'un te muc' ajwalil ta Egipto soc te soldadoetic yu'un; te mach'atic lequil capitán-soldadoetic, lajic ta ja' ta Mar Rojo.

Isaías 37:24

Ta swenta te ajo'tac ta ajwalile, la awixtac'optay te Cajwaltique. Melel la awal: ‘Ma p'isbiluc yajtalul te carretaetic yu'un guerra te ay ta jwenta. Moon bael ta sba witstiquil, ta bay teq'uel moel yu'un Líbano. La jbojbey te cedroetic yu'un te toyolic ta jyalele, soc la jts'etbey te c'antajetic yu'un te bayal yutsilique. La jta c'oel te bay mero toyol witsetique, soc te ja'maltic te ts'unbil nichimetic yilele.

Salmos 68:17

Te Diose ta millonetic ay ta ajtayel te carretaetic ay yu'un swenta guerra; ta wits Sinaí och tel a, jul ta templo yu'un.

Salmos 20:7

Ja' yip yo'tanic ta sc'opic te scarretaic yu'un guerra, ay yantic te ja' yip yo'tanic ta sc'opic te scaballoique; yan te jo'otic, ja' yip co'tantic te Cajwaltic te Dios cu'untique.

Jueces 4:15

Te Cajwaltic la yac'bey muc'ul xiwel ta yo'tanic te yajwal carretaetic soc te soldadoetic yu'un Sísara, ja' te bi ora la sta sba ta guerra soc te Barac. Te Sísara ora co ta scarreta, an bael ta yacan.

Jueces 4:3

Te Jabín ay jo'winic yoxbajc' (900) carreta-taq'uinetic yu'un. Jtab ja'wil la yac'bey buen tulan woclajel te israeletic, ja' to c'alal la yalbeyic wocol te Cajwaltic te yacuc xcoltayotic yu'une.

Éxodo 14:23

Spisil te caballoetic te carretaetic yu'un te faraón, ochic bael uuc ta nopol spatic. La snutsic bael ja' to c'alal olil mar.

Éxodo 14:6

Jich yu'un te faraón la yal mandal ta chajbanel scarreta yu'un guerra, soc la yic' bael te soldadoetic yu'une.

Éxodo 14:8

Te Cajwaltic la stulantesbey yo'tan te faraón swenta yu'un ya snuts te israeletique. Ma tic'uc la yaiyic a te smuc'ul yu'el Cajwaltic te la sloq'ues tel tey a.

Génesis 50:9

Soc ay tsobol yantic la sjoin bael te José, cajajtic bael ta carreta, soc cajajtic bael ta caballo, mero bayal bajt'ic.