Éxodo 14:4 - Bible in Tzeltal de Oxchuc y Tenejapa

⁴ Ja'uc me to, ya jtulantesbey yo'tan te faraón swenta yu'un ya me snutsex. Jich me ya cac'bey xan yil cu'el, soc spisil te soldadoetic yu'une. Tey me ya sna'ic a te egipcioetic te jo'on Ajwalilone —xi' te Cajwaltique. Te israeletic jich la spasic te bit'il albotique.

Bible in Tzeltal Bachajón

⁴ Ya jtulanubtesbe yo'tan te faraón yu'un ya snutsex. Ya xtohy jc'oblal ta scuenta faraón soc spisil te soldadohetic yu'un, soc ya me sna'ic te egipciohetic te ho'on Jehovahon, xchi. Hich la spasic.

Éxodo 14:4 Referans Kwoze

Romanos 9:17

Te melel jich ts'ibubil jilel sc'oplal ta Sjun Dios te Faraone: “La cac'at ta muc' ajwalil swenta yu'un jich ya cac' ta ilel cu'el ta awenta, soc swenta yu'un ya me xpujc' jc'oplal ta spamal balumilal”, te xie.

Éxodo 7:5

Te bit'il ya cac' ta ilel cu'el ta Egipto, soc te bit'il ya xloc' bael cu'un te israeletique, te egipcioetic jich me ya sna'ic te jo'on Ajwalilone —xi' te Diose.

Éxodo 7:3

Ja'uc me to, ya me cac' xtulanajuc yo'tan ta lec te faraón, yu'un ya me jpasbey bayal ta jchajp señailetic ta stojol.

Éxodo 9:16

Ja'uc me to, la cac' xcuxinat xan, swenta yu'un ya me awilbon te cu'ele, soc swenta yu'un ya me yich' alel jc'oplal ta spamal te q'uinale.

Éxodo 7:17

Jich yu'un tey me ya ana' yo'tic a te ja' mero Ajwalil stuquele: Te ya jmaj ta muc'ja' soc te jbastón jtsacoj ta jc'abe, ya me xc'atp'uj ta ch'ich' te ja'e.

Romanos 11:8

jich bit'il ts'ibubil jilel ta Sjun te Diose: “Dios la yac' wayuc yo'tanic, soc te ma xyilic q'uinal ta sitic, soc te ma xyaiyic stojol c'op ta xchiquinic. Jich ayic c'alal ta ora to”, te xie.

Ezequiel 39:13

Spisil winiquetic ya me yat'elinic smuquel, soc bayal me yutsil sc'oplalic yu'un. Te bi c'aalil jich ya xc'ote, ya me cac' ta ilel xojobil te cutsilale. Jo'on Ajwalilon, te jich caloje.

Ezequiel 28:22

jich xawalbey: “Jich ya yal te Cajwaltique: ‘Ya calbat ta jamal Sidón, jo'on me acontroon; ta awolil me ya xchicnaj te xojobil cutsilale. Te c'alal ya cac'bat ta atojol te castigo, te jich ya xchicnaj a te ch'ul Diosone, spisil ants-winiquetic ya me sna'ic te jo'on Ajwalilone.

Ezequiel 20:9

Pero ma jichuc la jpas, swenta yu'un jich ma xbolob yutsil jc'oplal ta stojol te nacionetic te banti nainemic ta yolilique. Melel ta yolilic te nacionetique, la cac' jba ta na'el ta swenta cat'el ta stojolic. La calbey te ya jloq'ues tel ta Egipto.

Nehemías 9:10

Mero muc' señail soc jchajp at'eliletic la apasbey swenta scontroinel faraón, ta stojolic te abatetic yu'une, soc ta spisilic te yajwal te slum-sq'uinale, melel la ana' te peq'uel ta sitic te israeletic soc stoyoj sbaic ta stojol. Jich chicnaj te yutsil smuc'ul ac'oplal te ay ta ora in to.

Éxodo 18:11

Ta ora to c'otix ta co'tan te mero muc' te Cajwaltique, ma'yuc bay yan diosetic ya spaj, melel te bit'il c'an stoy sbaic te egipcioetique, ma ju' yu'unic —xi'.

Éxodo 14:8

Te Cajwaltic la stulantesbey yo'tan te faraón swenta yu'un ya snuts te israeletique. Ma tic'uc la yaiyic a te smuc'ul yu'el Cajwaltic te la sloq'ues tel tey a.

Romanos 9:18

Jich yu'un ja' chican yo'tan stuquel te Dios te mach'a ya xc'uxtaye, soc ja' chican yo'tan te mach'a ya yac' tulanubuc yo'tane.

Éxodo 10:27

Te Cajwaltic la stulantesbey yo'tan te faraón te ma x'ac'awan loq'uele.

Éxodo 14:3

Te faraón ay bila yac ta snopel: “Te israeletic ma sna'ic banti ya xbajt'ic, ba xch'ay sbaic ta muc'ul jochol taquin q'uinal”, xi' me.

Éxodo 14:5

Te ajwalil ta Egipto tal ta albeyel te loq'uix bael te israeletique. Ora yanaj sit-yelaw yu'un soc uuc te sjo'tac ta ajwalile, jich la yalic: —¿Bistuc la cac'tic loq'uel te israeletique, te la yijq'uitaybotic jilel te cat'eltique? —xiic.

Éxodo 14:23

Spisil te caballoetic te carretaetic yu'un te faraón, ochic bael uuc ta nopol spatic. La snutsic bael ja' to c'alal olil mar.

Éxodo 14:25

Jajch' ta bolobel yacan te scarretaic, wocoltic xanix a ju' ochel bael yu'unic a. Te egipcioetic la yalbey sbaic: —Anucotic sujt'el ta stojol te israeletique, melel te Yajwalique ja' ya yac'botic guerra ta swentaic —xiic.

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

Ezequiel 32:15

Te c'alal ya jc'atp'un ta jochol taquin q'uinal te Egipto, soc te ya cac' jojch'ajuc te lumq'uinale, te c'alal ma'yuquix mach'a nainem tey a, ya me sna'ic te jo'on Ajwalilone”, xaat me ta c'ayoj.

Éxodo 6:7

Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique.

Éxodo 10:2

swenta yu'un jich me ya awalbey te anich'nabic soc te amamataque. Melel ma la cac' slabanon te egipcioetic te la jpas muc' jchajp señailetic ta stojolic. Jich me ya ana'ic te jo'on Ajwalilon —xi'.

Éxodo 12:28

Jich bajt'ic ta spasel spisil te bila yaloj te Cajwaltique, jich bit'il albilix mandal ta stojol te Moisés soc te Aarone.

Josué 11:20

Te Cajwaltic la yac'bey tulanajuc yo'tanic te scontroique, swenta yu'un ya me yac'bey guerra te israeletique. Jich la yich'ic lajinel ta jc'axel yu'un te israeletic, ma'yuc c'uxtayel, jich bit'il yaloj mandal Cajwaltic ta stojol Moisés.

Jueces 4:7

Te jo'on ya cac' ya xtal te Sísara te jtsobwanej-soldadoetic yu'un Jabín ta yocja' Cisón. Ya xtal yac'bat guerra, soc te carretaetic soc te soldadoetic yu'une. Ja'uc me to, ya me cac'beyex ta ac'abic”, xi' te Diose —la yut.

Ezequiel 38:16

Jich me ya xc'o awac'beyic guerra te lum Israel cu'une. Ja'at Gog, ya me xc'o apots c'oem jichuc buen pimil tocal te lumq'uinale. Ta slajibal bael te c'aale, ya me cac' ya xtal awac'bey guerra te lum cu'une, swenta yu'un ja'at me ta awenta te ya cac'bey sna'ic te nacionetic te jo'on Ch'ul Dioson.

Ezequiel 38:23

Jich me ya cac'bey yilic bayal ta jpam lumetic te smuc'ul cu'el te bit'il jo'on Ch'ul Dioson jtuquele. Ya me cac' sna'bonic jba, ya me sna'bonic xan jba te jo'on Ajwalilone —xi'.