Éxodo 14:28 - Bible in Tzeltal de Oxchuc y Tenejapa

²⁸ Te c'alal la snup' sba te ja'e, jich te bit'il ay ta neelale, mujc' ta ja' te carretaetic, te caballoetic soc spisil te soldadoetic te ochemiquix bael ta mar ta snutsel te israeletique. Ma'yuc cuxul jilel te soldadoetic yu'un te faraone.

Bible in Tzeltal Bachajón

²⁸ Suht te ha', la smul hilel te carretahetic, cawuhetic soc spisil te soldadohetic yu'un faraón te ochic bahel ta mar ta spatic; mayuc jtuhluc hil.

Éxodo 14:28 Referans Kwoze

Salmos 78:53

Buen wentainbil bael yu'un swenta yu'un jich ma xiwic a; pero te scontroic mulic ta mar stuquelic.

Habacuc 3:13

Te ja'ate loc'atix ta scoltayel te lum awu'un, soc te muc' ajwalil te ja'at nix atsaoj atuquel. La ajinbeyix smujq'uil sna te mach'a amen yo'tane; la achicnantesbeyix te tonetic te ipajem ae.

Salmos 136:15

Ja' te la yac' muluc ta Mar Rojo te faraón soc te soldadoetic yu'un, sbajt'el q'uinal ay te xc'uxul yo'tane.

Hebreos 11:29

Jich uuc te israeletique, ta swenta xch'uunjel yo'tanic te c'axic bael ta yolil te Tsajal Mar te jich c'ot bit'il taquin lum te banti c'axic baele. Soc te c'alal c'an c'axuc bael uuc te Egiptoetic te nutsbilic yu'une, tey la sjic'anic ja' ta ora stuquelic a.

Nehemías 9:11

Ta scomonsitic la awac'bey sjam sba te mare, jich c'axic bael ta beel ta taquin lum. Yan te jnutsawetic yu'unique, la awac' couquic ta ye'tal ja', jichuc ton ta sc'ubulil ja' stuquelic.

2 Crónicas 20:24

Te c'alal c'otic te yajwal Judá ta bay toyol q'uinal te ya staic bael ta ilel c'alal ta jochol taquin q'uinal, ja' xanix la yilbeyic te sbaq'uetalic te scontroic te limilic jilel ta lum, ma'yuc bay la scoltay sbaic loq'uel jtuluc.

Deuteronomio 11:4

Ja' te bila la spasbey ta stojol te soldadoetic yu'un Egipto, te la yac' muluc ta ja' ta Mar Rojo te caballoetic yu'unic soc te carretaetic yu'un guerra te la snutsex te c'alal yacalex ta c'axel ta Mar Rojo a. Te Cajwaltic jc'axel la slajin tey a.

Éxodo 15:10

Ja'uc me to, la ajujch'iy te mar, jich bic'otic yu'un; mulic coel ta ja' jichuc plomo, ta swenta yip te ja'e.

Éxodo 14:13

Te Moisés la sjac': —Ma me xiwex, junuc me awo'tanic. Ya me awilic yo'tic te bit'il ya scoltayotic te Cajwaltique. Ma me ayuc bi ora ya awilic xan te egipcioetic te ya awilic yo'tique.

Éxodo 15:19

C'alal ochic ta mar te carretaetic yu'un faraón soc te caballoetic yu'une, te Cajwaltic la yac' sta xan sba te ja'e. Yan te israeletic te c'axic bael ta mar, jich la st'unic c'axel te bit'il taquin q'uinal.

Jueces 4:16

Te Barac la snuts bael te soldadoetic soc te carretaetic c'alal ta Haroset-goim. Te bi c'aalil c'ot ta pasele, ma'yuc ni jtuluc soldado yu'un Sísara te cuxul jilel, spisil lajic.

Génesis 7:18

Yanyan ta toyel te ja' ta balumilal, spisil mucot ta ja', yan te barco cajaj ta ba ja' stuquel.

Génesis 50:9

Soc ay tsobol yantic la sjoin bael te José, cajajtic bael ta carreta, soc cajajtic bael ta caballo, mero bayal bajt'ic.

Salmos 106:22

Ja' te la spas jchajp at'eliletic ta sq'uinal Cam, soc te jchajp at'eliletic ta Mar Rojo.