Éxodo 14:26 - Bible in Tzeltal de Oxchuc y Tenejapa

²⁶ Ja'uc me to, te Cajwaltic, jich la yalbey te Moisés: —Toya ac'ab ta stojol te mar swenta yu'un ya me snup' sba te ja'e. Tey me ya xmulic jilel a te egipcioetic soc scarretaic soc te scaballoique —xi' te Diose.

Bible in Tzeltal Bachajón

²⁶ Te Jehová hich la yalbe te Moisés: Toya ac'ab ta stojol te mar scuenta yu'un ya sut te ha' ta sba te egipciohetic, te carretahetic, soc te cawuhetic yu'unique, xchi.

Éxodo 14:26 Referans Kwoze

Éxodo 14:16

Te ja'ate toya te abastone, jich me ya sq'uep sba te mare. Tey me ya xc'axic bael a te israeletique.

Éxodo 8:5

Te Cajwaltic jich la yalbey te Moisés: —Albeya te Aarón ac'a stoy bael sc'ab soc te sbastone ta stojol te ja'etique, ta bay bebeja'etic soc pamal ja'etic. Ya me xloq'uic tel tey a te xch'uch'etic te ya snojesic spamal te Egipto —xi' te Diose.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

San Mateo 8:27

Bayal la yaan yo'tanic yu'un te jnopojeletique. Jich la yalic: —¿Mach'a winiquiluc a in to te ya xch'uunbot smandal yu'un te iq'ue soc te mare? —xiic.

San Mateo 7:2

Melel te jich yipal ya alebey smul te yane, ja' nix jich yipal ya x'albotat amul uuc. Te bi yilel sp'isol ya awac'bey te yane, jich nix yilel sp'isol ya x'ac'botat uuc.

Éxodo 7:19

Te Cajwaltic la yalbey xan te Moisese: —Albeya te Aarón ac'a stoy bael sbastón ta stojol te ja'etique: te bebeja'etic, pamal ja'etic, estanqueetic ta spamal sq'uinal Egipto te ay ja'etic tey a. Spisil me ya xc'atp'ujic ta ch'ich'. Soc ya me xc'atp'ujic ta ch'ich' spisil te ja'etic te pasbilic yawil ta te' soc te ay pasbilic ta ton —xi' te Cajwaltique.

Éxodo 1:22

Te faraón la yalbey mandal spisil te slumale. Jich la yal: —Ch'ojaic bael ta muc'ja' spisil te alalqueremetic te ya x'ayinique. Yan teme ach'ixetique, ma xawuts'inbey xcuxlejal stuquelic —xi'.

Apocalipsis 16:6

Yu'un la smalbeyiquix xch'ich'el te mach'atic ch'ul lum awu'une soc te j'alwanejetic awu'une. Jich la awac'beyix yuch'ic ch'ich'. Jich ya sc'an pasbeyel yu'un te bit'il jich la spasique”, xi'.

Isaías 11:16

Te c'alal ya sujt' xan ta Asiria te mach'atic cuxulic to te lum yu'un Cajwaltic, buen jamal me sbe ya staic jich bit'il c'alal loq'uic ta Egipto ta namey te israeletique.

Éxodo 15:1

Te Moisés soc te israeletic la sc'ajintayic c'ayoj te la yich'ic ta muc' a te Cajwaltique. Jich la yalic ta c'ayoj: “Ya me jc'ajintay ta yich'el ta muc' te Cajwale, melel jchajp nax te bit'il la yaiy tsalaw, mul ta mar caballoetic soc mach'atic cajalic tey a.

Éxodo 15:4

Te Cajwal la smul coel ta mar te caballoetic yu'un te muc' ajwalil ta Egipto soc te soldadoetic yu'un; te mach'atic lequil capitán-soldadoetic, lajic ta ja' ta Mar Rojo.