Éxodo 14:25 - Bible in Tzeltal de Oxchuc y Tenejapa

²⁵ Jajch' ta bolobel yacan te scarretaic, wocoltic xanix a ju' ochel bael yu'unic a. Te egipcioetic la yalbey sbaic: —Anucotic sujt'el ta stojol te israeletique, melel te Yajwalique ja' ya yac'botic guerra ta swentaic —xiic.

Bible in Tzeltal Bachajón

²⁵ soc la sloq'uesbe yoc te carretahetic yu'unic, hich wocol behenic bahel. Ha yu'un hich la yalic te egipciohetic: Ahnucotic suhtel ta stojol te Israel, como te Jehová ya ya'be querra te egipciohetic ta scuentahic, xchihic.

Éxodo 14:25 Referans Kwoze

Éxodo 14:14

Ma me xamel awo'tanic, ja' me ya spas guerra ta awentaic stuquel te Cajwaltique —xi'.

Jeremías 51:21

Ja'at ta awenta ya jmil te caballoetic soc te mach'atic ya scajtijibinique, ya jin carretaetic soc te mach'atic ya xmoic a.

Job 20:24

Teme ma ba taot yu'un te pasbil ta taq'uin ya xmilawane, ja' me ya xju' yu'un te t'im pasbil ta bronce.

Deuteronomio 3:22

Ma me x'axi', melel te Cajwaltic Dios cu'untic, ja' me ya yac'bey guerra stuquel, ya me sna'beyex yo'bolil abaic”, la cut.

Amós 9:1

La quil te Cajwaltic te ay ta sts'eel te scajtijib majt'anile, soc jich la yalbon: —Yuq'uilaya ta majel te yoyal na ja' to me c'alal ya xnijc' te yiptajibe; ac'a wuyuc coel tel ta sba te ants-winiquetique. Te mach'atic cuxul ya xjilic, ya me jmil ta puñal; manchuc me ya x'anic bael ta sc'opic, ni jtuluc ya xcol.

Amós 5:19

Jich me ya xc'ot te bit'il mach'a ya x'an bael yu'un te león-choje; ja'uc me to, ora ya sta sba soc oso. O jich bit'il te mach'a ya x'och bael ta sna te ya xijc'an sba ta pajc', te tey ya sta ti'el ta chan a.

Salmos 76:6

Te carretaetic soc te caballoetic jc'axel ma xju' ya stij sbaic te c'alal ya axiwtes ta tulan c'op te ja'at te Diosat yu'un Jacob.

Salmos 68:12

“Yacalic ta anel te muc' ajwaliletic soc nix uuc te soldadoetic yu'unique”, xiic ta yalel. Ta snaic la spucbey sbaic te antsetic te bitic la yich'ic pojbeyel te contro;

Salmos 46:9

jc'axel la slajinbey sc'oplal te guerra c'alal ta slajibal balumilal; la sc'asix te t'imalte'etique, la swuyix te lanzaetique, la xchiq'uix te carretaetic yu'un guerra.

Job 27:22

mero tulan me ya xtenot yu'un, manchuc me ya sc'an ya scoltay sba.

Job 11:20

Yan te mach'atic amenic ya me sleic coltayel, pero ma ba ya staic stuquelic. Ma staic ta banti ya snac' sbaic, ja' nax me ya smaliyic te lajel ya xc'ot ta swentaique —xi' te Zofar.

Amós 1:14

Jich yu'un ya me cac'bey sc'aal te ts'ajq'uetic yu'un Rabá, tan me ya xjil yu'un te muc'ul naetic te c'alal ay aw yu'un guerra, soc xpumet nax me, jichuc yic'al ja'al ta yorail.

Jueces 4:15

Te Cajwaltic la yac'bey muc'ul xiwel ta yo'tanic te yajwal carretaetic soc te soldadoetic yu'un Sísara, ja' te bi ora la sta sba ta guerra soc te Barac. Te Sísara ora co ta scarreta, an bael ta yacan.

Éxodo 14:4

Ja'uc me to, ya jtulantesbey yo'tan te faraón swenta yu'un ya me snutsex. Jich me ya cac'bey xan yil cu'el, soc spisil te soldadoetic yu'une. Tey me ya sna'ic a te egipcioetic te jo'on Ajwalilone —xi' te Cajwaltique. Te israeletic jich la spasic te bit'il albotique.

Éxodo 14:18

C'alal la cac'beyix yil cu'el a te faraón soc te soldadoetic yu'une te ay ta scarretaic soc scaballoic, jich me ya sna'ic te jo'on Ajwalilone —xi' te Cajwaltique.

Deuteronomio 32:31

Mero sna'ojic te jcontrotactic te ma pajaluc soc te Jcanantaywanej cu'untic te jcanantaywanej yu'unic stuquelique.

Nehemías 6:16

Te jcontrotique la yaiyic te ju'ixe. Spisilic te lumetic ayic ta sjoyobal te jq'uinaltique, bayal xiw yo'tanic yu'un. Pejc'aj te stoybailique, melel c'ot ta yo'tanic te ja' ta swenta bit'il ja' la scoltayotic te Dios cu'untic te ju' ta pasel cu'untic te at'ele.

Éxodo 15:3

Te Cajwale mero ju'em yu'un guerra. Ajwalil te sbiile.

Deuteronomio 1:30

Te Cajwaltic te Dios cu'untic, ja' neel yac ta beel ta atojolic. Ja' me ya x'och ta guerra awu'unic stuquel, jich nix te bit'il la spas la awilic ta Egipto,

Josué 10:14

Ma'yuc bay jich ta neelal, ni ta patil, te ay scomoj sba c'aal, te melel ma'yuc bay pasbilix jich jtuluc winic te tsacbil sc'op yu'un te Cajwaltique. Melel te Cajwaltic ja' la yac' guerra swenta xc'uxtayel te Israele.

2 Crónicas 20:29

C'alal la yaiyic te yantic nacionetic te bit'il la yich' tsalel yu'un Cajwaltic te scontro Israel, ta spisil te nacionetic och xiwel ta yo'tanic ta stojol te Diose.

Nehemías 4:14

C'alal la quil te yacalic ta xiwele, la jtejc'an jba, jich la calbey te mach'atic ich'bilic ta muc' soc te jwentainwanejetic, soc te yantic yajwal lume: —Ma xaxi'ic. Na'aic xan te muc' te Cajwaltique, soc te ay ta xi'ele. Ac'aic puersa ta swenta scoltayel te jlumaltique, te jquerem-nich'nabtic, te cantsil-nich'nabtic, te quinamtic soc te jnatique —xoon ta stojolic.

Nehemías 9:11

Ta scomonsitic la awac'bey sjam sba te mare, jich c'axic bael ta beel ta taquin lum. Yan te jnutsawetic yu'unique, la awac' couquic ta ye'tal ja', jichuc ton ta sc'ubulil ja' stuquelic.

Salmos 35:1

Cajwal, controina te mach'atic ya scontroinonique; ac'beya guerra te mach'atic ya yac'bonic guerra.

Isaías 31:4

Te Cajwaltic la yalbon: —Jich me c'oem te bit'il león-choj te smilojix jcojt' chij, te xujt' ma xiw yu'un te jcananetic yu'une, manchuc me ya stsob sbaic tel spisilic te yo'tanuc ya xiwtesic bael ta awe. Jich me ya xtal te Cajwaltic te Spisil ya xju' yu'une, ya xtal scoltay te lum yu'un ta wits Sión.