Éxodo 14:24 - Bible in Tzeltal de Oxchuc y Tenejapa

²⁴ Ijc' to a te q'uinal te Cajwaltic la yil loq'uel ta yolil te balal tocal soc te c'ajq'ue. Ja' tijbotic jajch'el xiwel yu'un ta stojolic te egipcioetic, jich nax ma tojobic jajch'el ta beel.

Bible in Tzeltal Bachajón

²⁴ Te c'alal ma to sacub q'uinal a, te Jehová la yil c'alal ta bahlal c'ahc' soc tocal te soldadohetic yu'un te egipciohetic, la yac' howiyuc sjolic,

Éxodo 14:24 Referans Kwoze

Éxodo 13:21

Ta c'aaleltic la sjoin te Cajwaltic, jich yilel te bit'il balal tocal te yac ta ic'aw ta beel. Ta ajc'ubal balal ta tilel jichuc c'ajc' xojobajem ta lec. Jich ju' yu'unic beel ta c'aal ajc'ubal.

Éxodo 14:25

Jajch' ta bolobel yacan te scarretaic, wocoltic xanix a ju' ochel bael yu'unic a. Te egipcioetic la yalbey sbaic: —Anucotic sujt'el ta stojol te israeletique, melel te Yajwalique ja' ya yac'botic guerra ta swentaic —xiic.

Salmos 48:5

pero c'alal la yilic te lume, tal xiwel ta yo'tanic, jajch'ic ta xiwel, jich jajch'ic bael ta anel.

Job 40:12

Pasa me jiche, ac'a yalicuc ta swenta nax yu'el asit, tenbil ac'a jiluquic tey ta banti ayic te mach'atic ma lecuc yo'tanetique.

Job 34:29

Pero teme ma xc'opoj yu'un te Diose, ¿mach'a ya xju' yu'un ya yalbey smul te j'uts'inwaneje? Teme ya snac' yelaw te Diose, ¿mach'a ya yilbey te smule? Ja' stuquel ya yil lumetic soc juju-jtul ants-winiquetic,

Job 34:20

Te ants-winiquetic ya xlajic ta ora nax, ya xlajic ta olil ajc'ubal; ya xjajch' c'op yu'unic soc ya xch'ayic bael ta q'uinal; te mach'a ay yu'ele, ma ta swentauc ants-winiqueticya xch'ay bael stuquel.

Salmos 104:32

Te balumilal ya xnijc' te c'alal ya yil stuquele; ya yac' loc'uc ch'ail ta witstiquil te c'alal ya stij stuquele.

Job 22:13

¿Bi yu'un ya acuy te ma ba ya sna' te Diose? ¿Ya bal acuy te ma spas ya yil yu'un te pimil tocaletique? ¿Bit'il ya xju' ya awal te ma ba ya yil te Diose, te ja' ma ba ya yil yu'un ta ac'op te yac ta paxeal ta bayuc ta ch'ulchan?

1 Samuel 11:11

Ta xchebal c'aal te Saúl la xchap te soldadoetic yu'une, oxchajp la yac'. Ma to ba sacuben q'uinal a, ochic bael ta yolil te campamento yu'un te scontroique. Och smilic ta spisil te amonetic, yacalic ta smilel a la sta olil c'aal. Te jayeb xan cuxinic jilel, la spuc sbaic ta anel ta jyalel, ma'yuquix mach'a cheb sjoinej jilel sbaic.

Salmos 78:14

Ta c'aaleltic la yac' ta iq'uel ta beel yu'un tocal, ta ajc'ubal la yac' ta iq'uel ta beel yu'un c'ajc' te ay xojobil.

Salmos 90:4

Melel te jmil ja'wil ta atojol jich c'oem awu'un te bit'il jun c'aal c'ax te wojeye. Jich nax c'oem te bit'il jun cheb nax ora ta ajc'ubale.

Amós 9:4

Teme ya xtsacot loq'uel ta slumal yu'un te scontrotaque, ya jticun bael puñal, ya xba smil. Ya cac'bey spisil ora te bila ma lecuc, ma ja'uc te bila leque —xi' te Cajwaltique.