Éxodo 14:21 - Bible in Tzeltal de Oxchuc y Tenejapa

²¹ Te Moisés la stoy te sc'ab ta stojol mar, jich yu'un te Cajwaltic la yac' tel tulan ic' ta sloq'uib c'aal ta sjunal ajc'ubal. La sq'uep sba te mare, cha'q'uejp la yac' sba te ja'e. Te slumile mero taquin a jil.

Bible in Tzeltal Bachajón

²¹ Te Moisés la stoy sc'ab ta stojol te mar, te Jehová la yac' tal tulan ic' sjunal ahc'abal ta stojol banti ya xloc' tal c'ahc'al; hich la sjam sba te ha' soc taquij te slumile.

Éxodo 14:21 Referans Kwoze

Isaías 63:12

Ja' te la yac'bey sjoin ta yutsil yu'el te Moisés, ja' te la yac'bey sq'uep sba te mar ta stojol te lum yu'une swenta yu'un ay ta na'el a ta sbajt'el q'uinal,

Éxodo 15:8

Ta yip jujch'iyel la awac'bey te ja'e, jich la stsob sba, la sq'uep sba jichuc ts'ajc' te ja'e; ta yolil yet'al mar ma'yuc bay la stij sba te slumile.

Salmos 66:6

la sc'atp'un ta taquin lum te mare, te antiguo jts'umbaltique c'axic ta beel ta yacanic ta jejch' ja'. ¡Bin nax yo'tanic ta stojol Dios!

Isaías 51:10

La atup'bey ya'lel te mar, te ja' te smuc'ul na'bilale, la ac'atp'un ta taquin be te yolil mar, swenta yu'un c'axic bael tey a te mach'atic la awac' ta libre.

Salmos 78:13

tey la yac'bey sq'uep sba a te mare, la yac' c'axuquic bael tey a, jich la yac'bey yich' yip te ja' te bit'il ts'ajq'ue.

Salmos 74:13

Ja'at la ajam ta swenta awu'el te mar, la atop'bey sjol te muc'ul chambalametic te ilobtic sbaic ta mar.

Nehemías 9:11

Ta scomonsitic la awac'bey sjam sba te mare, jich c'axic bael ta beel ta taquin lum. Yan te jnutsawetic yu'unique, la awac' couquic ta ye'tal ja', jichuc ton ta sc'ubulil ja' stuquelic.

Josué 4:23

Te Cajwaltic te Dios cu'untic la staquintesbotic ya'lel te Jordán te c'alal yacotiquix ta c'axel tel a, jich nix bit'il la staquintes te Mar Rojo te c'axotic tey a.

Salmos 136:13

Ja' te la yac'bey sjam sba te Mar Rojo, sbajt'el q'uinal ay te xc'uxul yo'tane.

Éxodo 14:16

Te ja'ate toya te abastone, jich me ya sq'uep sba te mare. Tey me ya xc'axic bael a te israeletique.

Isaías 51:15

“Jo'on Awajwalon te Dioson awu'une; te jbiile, ja' te Ajwalil te Spisil ya xju' yu'une. Jo'on la jyuc' te mare soc awun yu'un te sbule.

Job 26:12

Ta swenta yu'el te Diose ya syuc te mare; ta swenta sp'ijil la stsal te muc'ul chambalam te Rahab sbiile.

Hechos 7:36

Te Moisés ja' nix la sloq'ues bael ta Egipto te antiguo jme'-jtatique. Soc la spas jchajp at'eliletic soc señailetic ta sq'uinal Egipto, soc ta bay Tsajal Mar, soc cha'winic (40) ja'wil ta bay muc'ul jochol taquin q'uinal.

Génesis 8:1

Te Diose la sna' te Noé, soc spisil chambalametic, soc spisil bitic cuxajtic sjoinej ta barco. Jich te Diose la yac' taluc ic' ta balumilal, jich ts'uj coel te ja'e.

Éxodo 7:19

Te Cajwaltic la yalbey xan te Moisese: —Albeya te Aarón ac'a stoy bael sbastón ta stojol te ja'etique: te bebeja'etic, pamal ja'etic, estanqueetic ta spamal sq'uinal Egipto te ay ja'etic tey a. Spisil me ya xc'atp'ujic ta ch'ich'. Soc ya me xc'atp'ujic ta ch'ich' spisil te ja'etic te pasbilic yawil ta te' soc te ay pasbilic ta ton —xi' te Cajwaltique.

Éxodo 14:20

Te tocal la smac ta olilal te bay julemic ta onajel te egipcioetique soc te bay onajemiquix te israeletique. Te tocal ta stojolic te egipcioetique, mero ijc' a c'ot ta jyalel. Yan te bay te israeletique sacuben q'uinal tey stuquel a. Jich ma ju' yu'unic te egipcioetic te c'an snutsic ta sjunal ajc'ubal te israeletique.

Josué 2:10

Melel caiyojtic stojol te c'alal loq'uex tel ta Egipto, Dios la staquintesbeyex slumil te Mar Rojo te c'axex tel a. Ja' nix jich jna'ojtic stojol te jc'axel la amilic jilel te cheb ajwaliletic yu'un te amorreoetique, te Sehón soc te Og, ja' te ayic ta jejch' muc'ja' Jordán.

Josué 3:17

Spisil te israeletic c'axic bael ta staquin lumil Jordán te bit'il tec'ajtic ta yolil a te sacerdoteetic te sq'uechojic te scajonil trato yu'un te Cajwaltique, taquin soc tulan te slumile.

2 Reyes 2:8

Te Elías la sloq'ues te smeyil nujc'ule, la sbal, la smaj a te ja'e. Te ja' la sq'uep sba ta juju-jejch', xchebalic c'axic tey ta slumil te ja', jich te bit'il taquin lumq'uinale.

Isaías 23:11

Te Cajwaltic la stoyix bael sc'ab ta stojol mar, la yac' nijc'uc te nacionetic, soc la yal mandal ta jinel te tulanil ts'ajq'uetic ta Canaán.

Isaías 43:16

Te Cajwaltic la sjam c'axel be ta yolil mar, jun be ta yolil ja' te mero c'ax bayal yipe;

Isaías 50:2

¿Bi yu'un, te c'alal talone, ma'yuc mach'a la jta? ¿Bi yu'un, te c'alal ay mach'a la quic', ma'yuc mach'a la sjac'bon? ¿La bal acuyic te mero ma xju' cu'un pojbelex loq'uel tele? ¿La bal acuyic te ma xju' cu'un caq'uex ta libre? Ta jp'al nax mandal cu'un, tic' ya xtaquej a te mare, soc te beja'etic ya xc'atp'ujic ta taquin q'uinal, swenta yu'un ya me xlajic ta taquinti'il te chayetique, soc ya me xc'a'ic yu'un te ma'yuc ya'lele.

Isaías 63:13

ja' te mach'a la yac' c'axel ta bay mero sc'ubulil, ta slumil te mar te jc'axel ma xyal yacanic tey a, jich bit'il caballo ta jochol taquin q'uinal,

Habacuc 3:8

¿Ilinemat bal, Cajwal, ta stojol te muc'ja'etique? ¿Tilem bal sc'ajc'al awo'tan ta stojol te maretique? ¿Ja' bal ya xmoat ta acaballoetic yu'un, soc ja' bal jich moemat ta acarreta te ya stsalwane?

Job 38:24

¿Bi beil ya st'un te saquil q'uinal te c'alal ya spuc sbae? ¿Bit'il ya slim sba bael te ic'ta stojol sloq'uib c'aal ta sba te balumilale?

Salmos 148:8

te chawuc soc te bat, te toib soc te tocale, te chawuquil ic'al ja'al te ya xch'uunbey te mandaletic yu'une.

Isaías 44:27

Jo'on ya xju' ya cal mandal te ya xtaquej te mar, soc te beja'etic yu'un, mero ma'yuc ya'lel ya xjil.