Éxodo 14:20 - Bible in Tzeltal de Oxchuc y Tenejapa

²⁰ Te tocal la smac ta olilal te bay julemic ta onajel te egipcioetique soc te bay onajemiquix te israeletique. Te tocal ta stojolic te egipcioetique, mero ijc' a c'ot ta jyalel. Yan te bay te israeletique sacuben q'uinal tey stuquel a. Jich ma ju' yu'unic te egipcioetic te c'an snutsic ta sjunal ajc'ubal te israeletique.

Bible in Tzeltal Bachajón

²⁰ ha baht ta ohlil yu'un te campamento yu'un Egipto soc te campamento yu'un Israel. Ha tocal soc yihc'al q'uinal c'oht ta stojol te egipciohetic, soc la sacubtes q'uinal ta ahc'abal ta stojol Israel, hich ma ba la sta sbahic schebalic ta sjunal ahc'abal.

Éxodo 14:20 Referans Kwoze

Isaías 8:14

Jich me c'oem ta atojolic te bit'il pejts'e; jich c'oem ta atojolic te bit'il ton ya ac'ojch'in abaic a, ja' me ya yac' xyalic a te cha'chajp muc' ajwaliletic yu'un Israel; jich me c'oem te bit'il pejts' ta bay ya xyalic te yajwal Jerusalén.

Salmos 18:11

Ja' la snain te pimil ijc'al tocal joytaybil yu'une, ja' te pimil tocal te ay ya'lele.

Éxodo 14:19

Te ch'ul abat yu'un Dios te neelajem yu'un te israeletic, bajt' ta spatic, soc nix te balal tocal la syantesbey yawil, bajt' ta spatic te israeletique.

Éxodo 14:21

Te Moisés la stoy te sc'ab ta stojol mar, jich yu'un te Cajwaltic la yac' tel tulan ic' ta sloq'uib c'aal ta sjunal ajc'ubal. La sq'uep sba te mare, cha'q'uejp la yac' sba te ja'e. Te slumile mero taquin a jil.

Salmos 78:53

Buen wentainbil bael yu'un swenta yu'un jich ma xiwic a; pero te scontroic mulic ta mar stuquelic.

Isaías 52:12

Ja'uc me to, ma animalticuc nax ya xloq'uex bael; ma me aneluc ya xloq'uex bael. Melel te Cajwaltic te Dios yu'un Israel ya me scanantayat ta bayuc.

Josué 24:7

Te antiguo ame'-atatic la sc'opononic, jich la cac' tel muc'ul ijc'al q'uinal ta yolilic soc te egipcioetique, soc la cac' ch'ayuquic bael ta ja', mujq'uic bael. Ja'ex testigoex yu'un te bitic la jpas ta Egipto. “Ta patil c'ax bayal c'aal awu'unic ta muc'ul jochol taquin q'uinal,