Éxodo 14:16 - Bible in Tzeltal de Oxchuc y Tenejapa

¹⁶ Te ja'ate toya te abastone, jich me ya sq'uep sba te mare. Tey me ya xc'axic bael a te israeletique.

Bible in Tzeltal Bachajón

¹⁶ Te ha'ate toya mohel anahbate', toya ac'ab ta stojol te mar, ac'a sjam sba te ha'e, hich taquin slumil a ya sohlic bahel te snich'nab Israel ta yohlil mar.

Éxodo 14:16 Referans Kwoze

Éxodo 7:19

Te Cajwaltic la yalbey xan te Moisese: —Albeya te Aarón ac'a stoy bael sbastón ta stojol te ja'etique: te bebeja'etic, pamal ja'etic, estanqueetic ta spamal sq'uinal Egipto te ay ja'etic tey a. Spisil me ya xc'atp'ujic ta ch'ich'. Soc ya me xc'atp'ujic ta ch'ich' spisil te ja'etic te pasbilic yawil ta te' soc te ay pasbilic ta ton —xi' te Cajwaltique.

Éxodo 14:26

Ja'uc me to, te Cajwaltic, jich la yalbey te Moisés: —Toya ac'ab ta stojol te mar swenta yu'un ya me snup' sba te ja'e. Tey me ya xmulic jilel a te egipcioetic soc scarretaic soc te scaballoique —xi' te Diose.

Éxodo 4:20

Jich yu'un te Moisés la yic' bael te yinam soc te snich'nabe, la scajanlay bael ta burro, bajt' ta Egipto. La yich' bael te bastón yu'un te Diose.

Éxodo 4:17

Ich'a bael te abastone, ja' me ya apas jchajp at'eliletic a —xi' te Diose.

Éxodo 4:2

—¿Bila ay ta ac'ab? —xi' te Cajwaltique. —Bastón —xi' te Moisés.

Isaías 10:26

Te Cajwaltic te Spisil ya xju' yu'une, ya me yac'bey castigo, jich bit'il c'alal la stsal te lum Madián ta bay muc'ul ton Oreb. Jich me ya yac' ta ilel yu'el ta stojol Asiria, jich bit'il la yac'bey yil yu'el te Egipto.

Éxodo 7:9

—Teme ya sc'anbat jchajp señail te faraón, albeya te Aarón ac'a xch'oj coel ta lum te sbastón ta stojol te faraón, ya me xc'atp'uj ta chan —xi' te Diose.

Números 20:11

Yac ta yalel a te Moisés la stoy moel te sc'ab, la smaj cheb buelta te muc'ul tone, jich loc' tel bayal ja'. Ja' yu'un te lum soc te xchamsbalam jajch'ic ta yuch'el te ja'e.

Éxodo 14:15

Te Cajwaltic, jich la yalbey te Moisés: —¿Bi yu'un te ya ac'anbon te coltayele? Pasa ta mandal te israeletique, ac'a beenuquic bael.

Éxodo 17:5

Te Cajwaltic la sjac': —C'axan bael ta stojol te lume. Ic'a bael sjoinat cha'oxtuluc te mamaletic ich'bilic ta muc' yu'un Israel. Ich'a bael te abastón te la amaj a te muc'ul ja'e, beenan me jiche.

Éxodo 17:6

Tey me ya jmaliyat a ta bay sba te tontiquil ta wits Horeb. C'alal ya amaj te tone, ya me x'oquin tel ja' tey a te ya yuch' te lume —xi' te Diose. Te Moisés jich la spasbey ta sitic te mamaletic yu'un Israel.

Josué 8:18

Jich yu'un te Cajwaltic la yalbey te Josué: —Ac'beya señail yil yantic te ya x'ochiquix ta yich'el te lum Hai. Jo'on me ya cac'bat ta ac'abic —xi' sc'oplal te Josué. Te Josué la yac'bey señail ta yalel mandal te ya x'ochiquix ta yich'el te lume.

2 Reyes 4:29

Te Eliseo jich la yalbey te Giezi: —Chajbana aba, ich'a te jbastone, baan tey a. Teme ay mach'a ya ata aba soque, ma me xapatbey yo'tan; teme ay mach'a ya spatbat awo'tan, ma me xajac'bey, jich ma xjalajat a. Cajanbeya ta yelaw te alalquerem te jbastone —la yut.

Habacuc 3:8

¿Ilinemat bal, Cajwal, ta stojol te muc'ja'etique? ¿Tilem bal sc'ajc'al awo'tan ta stojol te maretique? ¿Ja' bal ya xmoat ta acaballoetic yu'un, soc ja' bal jich moemat ta acarreta te ya stsalwane?