Éxodo 14:13 - Bible in Tzeltal de Oxchuc y Tenejapa

¹³ Te Moisés la sjac': —Ma me xiwex, junuc me awo'tanic. Ya me awilic yo'tic te bit'il ya scoltayotic te Cajwaltique. Ma me ayuc bi ora ya awilic xan te egipcioetic te ya awilic yo'tique.

Bible in Tzeltal Bachajón

¹³ Te Moisés hich la yalbe te pueblo: Ma xiwex, ayuc me yip awo'tanic, ya me awilic te colel te ya ya'botic yo'tic te Jehová; como te egipciohetic te yac awilique mayuc bin ora yac awilic xan.

Éxodo 14:13 Referans Kwoze

2 Crónicas 20:17

Ma me ja'uquex ya xbaex ta atsalbel abaic soc ta guerra. Tejc'ana abaic tey a ta bay ya xc'oexe, ch'abanic me, ya me awilic bit'il ya caq'uex ta libre, jo'on te Ajwalilone. Yajwalex Jerusalén soc ta spisil Judá, ma me xiw awo'tanic, soc ma me xnijc' awo'tanic; baan ta stojolic pajel, melel ya me joinex bael”, xi' te Cajwaltique —xi' te j'alwaneje.

2 Crónicas 20:15

jich la yal: —Aiybon awaiyic jc'op te yajwalex Judá soc Jerusalén, soc te ja'at muc' ajwalil Josafat. Te Cajwaltic ya yalbeyex: “Ma me xiw awo'tanic, soc ni ma me xnijc' awo'tanic ta stojol te bayal soldadoetic, melel te guerra ma ja'uc awu'unic te ja'exe, ja' me cu'un jtuquel te Dioson awu'unique.

Éxodo 14:30

Jich c'aalil la yich' coltayel te israeletic yu'un te Cajwaltic ta sc'abic te egipcioetique. Te israeletic la yilbeyic sbaq'uetal te egipcioetic te lajemic te xcajetic ta baba mar.

2 Reyes 6:16

Jich albot yu'un te Eliseo: —Ma xiwat, melel ja' bayal te mach'atic sjoinejotic te jo'otique; ma'yuc tsobol stuquelic —xi'.

Isaías 35:4

Albeyaic te mach'atic xiwen yo'tanique: “Muc'ubuc me awo'tanic, ma me xiwex. Li' ay te Dios awu'un te ya scoltayate, ya me yac'bey castigo te acontrotaque jich bit'il ya sc'an ya x'ac'botique”, utaic me.

Lamentaciones 3:26

Ja' lec ch'abalucotic ta smaliyel te ya scoltayotic te Cajwaltique.

Oseas 13:4

Ya yal te Cajwaltique: —Jo'on Ajwalilon, Dioson awu'un c'alal ayat to ta Egipto. Ma me ayuc yan mach'a ya acuy ta Dios, jo'on nax me jtuquel; melel jo'on nax me jcoltaywanejon awu'un.

Habacuc 3:13

Te ja'ate loc'atix ta scoltayel te lum awu'un, soc te muc' ajwalil te ja'at nix atsaoj atuquel. La ajinbeyix smujq'uil sna te mach'a amen yo'tane; la achicnantesbeyix te tonetic te ipajem ae.

Isaías 43:11

Jo'on nax jtuquel te Ajwalilone; ma'yuc yan mach'a ya xju' ya xcoltaywan, jo'on nax jtuquel —xi'.

Deuteronomio 20:3

jich me ya yal: “Aiya awaiyic, israeletic, yo'tic ya xloq'uex bael ta spasel guerra soc te acontroique. Ma me xpejc'aj awo'tanic, soc ma me xiwex, ma me xnijq'uex yu'un xiwel,

Números 14:9

Ja'uc me to, ma me xatoy abaic ta stojol te Cajwaltic, soc ma me xiwex yu'un te yajwal q'uinale, melel te jo'otic ya me jlajintic jich bit'il ya jlajintic te jwe'eltique. Ma me ayuc mach'a ya xc'opoj yu'un stuquelic, yan te jo'otic ay ta coliltic te Cajwaltique. Ma me ayuc xiwel ta awo'tanic —xiic.

Génesis 49:18

“¡Cajwal, yacon ta smaliyel te bit'il ya quich' coltayel awu'une!

Jeremías 3:23

Ma'yuc bila la jtatic a te ya xbootic ta ch'in witstiquil, o te ya x'awunotic ta sba witstiquil; ja' nax ta swenta Cajwaltic te Dios cu'untic te ya jtatic jcoleltic, jo'otic te israelotique.

Nehemías 9:9

Ja'at la awil bit'il c'ax swocolic ta Egipto te antiguo jme'-jtatique, soc la awaiybey yoq'uelic ta sti'il te Mar Rojo.

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Salmos 3:8

Te ja'at, Cajwal, ya xcoltaywanat; jich yu'un ac'beya bendición te lum awu'une.

Isaías 26:3

Cajwal, ma ba ya awac' xch'ay te lamal yo'tanic te mach'a toj aye, melel ja' smuc'ulinejat yo'tanic.

San Mateo 28:5

Te ch'ul abate la yalbey te antsetique: —Ma me xiwex. Ya jna' te ja' ya aleic te Jesús te la yich' milel ta cruz.

Isaías 30:15

Te Cajwaltic te Ch'ul Dios yu'un Israel ya yal: —Sujt'anic tel, soc lamal me awo'tanic, jich me ya xcolex. Te bit'il lamal nax awo'tanic soc te bit'il ay smuc'ul awo'tanique, tey me ay a te awipique —xi' te Cajwaltique. Pero te ja'exe ma la ac'anic,

1 Crónicas 11:14

te Eleazar tey ba stejc'an sba ta yolil te ch'in q'uinale. Jich ju' yu'un scoltayel, melel la smil bayal te filisteoetique. Jich te Cajwaltic la yac'bey spas muc'ul tsalaw te israeletique.

Habacuc 3:8

¿Ilinemat bal, Cajwal, ta stojol te muc'ja'etique? ¿Tilem bal sc'ajc'al awo'tan ta stojol te maretique? ¿Ja' bal ya xmoat ta acaballoetic yu'un, soc ja' bal jich moemat ta acarreta te ya stsalwane?

Oseas 13:9

Ya me jinat ta jc'axel, Israel, soc ma'yuc mach'a ya xju' ya scomon yu'un.

Génesis 46:3

Albot yu'un te Diose: —Jo'on Dioson, Dioson yu'un te atate. Ma me x'axi' te ya xcoat bael ta Egipto, yu'un ya me cac' esmajan tey a, bayal me ta jmil ats'umbal ya xc'ot.

Éxodo 20:20

Te Moisés la sjac': —Ma me xiwex, tal nax yaiybeyex awo'tanic te Diose. Jich me ya sc'an ya axi'ic swenta yu'un ma xale amulic —xi'.

1 Samuel 11:13

Pero jich la yal te Saúl: —Yo'tic ma'yuc mach'a ya xju' ya xlajix, melel te Cajwaltic la scoltayotiquix te jo'otic te israelotique —xi'.

1 Samuel 12:16

“Ja' yu'un, ma me xjajch'ex bael te banti ayexe, ya me awilic te muc' señail ya spasbeyex awilic te Cajwaltique.

Isaías 7:4

Jich me ya awalbey: “Tsajtaya me aba, ma me xiwat; mero ma me xiwat, ni ma me xnijc' awo'tan yu'un te cheb xutunte'etic xtomet xch'ailique, ja' te Rezín soc te soldado-siriaetic yu'une, soc te snich'an Remalías, te yac ta tilel sc'ajc'al yo'tanique.

Génesis 26:24

C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Salmos 68:21

Dios me ya stop'bey sjol te scontrotac, ja' sjolic te mach'atic yacalic ta sleel te smulique.

Salmos 78:53

Buen wentainbil bael yu'un swenta yu'un jich ma xiwic a; pero te scontroic mulic ta mar stuquelic.

Salmos 91:8

Ja' nax me ya awil te ya x'ac'bot stojic te mach'a amen yo'tanique.

Oseas 1:7

Ja'uc me to, ya me jna'bey yo'bolil sba te yajwal Judá; ya me jcoltay stuquel, jo'on Ajwalilon te Dioson yu'une. Pero ma ba ya jcoltay ta swenta guerra, ni ta t'im, ta puñal, ta caballoetic, ni mach'atic cajajtic tey a —xi' te Cajwaltique.