Éxodo 14:12 - Bible in Tzeltal de Oxchuc y Tenejapa

¹² Ja' swentail te jich la caltic ta atojol ta Egipto: “Ac'a at'ejucotic ta swentaic te egipcioetique”, xootic. Melel ja' lec xan a te mozoinele, te talotic ta lajel ta muc'ul jochol taquin q'uinale —xiic.

Bible in Tzeltal Bachajón

¹² ¿Ma bal hichuc la jcalbatcotic ta Egipto: Ac'a cac' jbahcotic ta a'batinel yu'un te egipciohetic, ma bal xchihucotic? Yu'un ha lec xan a te ayotcotic ta mosohil yu'un te egipciohetic te ya xlajotcotic ta jochol taquin q'uinal, la yutic.

Éxodo 14:12 Referans Kwoze

Jonás 4:3

Ja' yu'un, Cajwal, wocoluc lajinbonix te jcuxlejale. Ja' mero lequix ya caiy te ya xlajone, ja' ma jc'anix te cuxulone —xi' ta stojol te Cajwaltique.

Éxodo 6:9

Te Moisés la yalbey te israeletique; ja'uc me to, ma ba la yich'beyic ta muc' te sc'ope, yu'un chebajemix yo'tanic ta scaj te tulan ta jyalel te mozoinele.

Jonás 4:8

C'alal loc' tel c'aal, Dios la yac' taluc q'uixin ic' ta stojol sloq'uib c'aal. Soc te bit'il ja' mero tojlinbot ta xc'uxul c'aal te sjol Jonás, jajch' ta buen wocol yu'un. Ya sc'an ya xlajix ya yaiy. La yal te Jonase: —Ja' mero lequix ya caiy te yacuc xlajonixe, ja' ma jc'anix te ya xcuxinone —xi' te Jonase.

Éxodo 5:21

Jich la yalbeyic: —Te Cajwaltic ya me yil te bila yacalex ta spasele, ac'a yac'beyex castigo. Melel ja'ex amulic te bit'il ma'yuquix jc'oplaltic ta yo'tan faraón soc te sjo'tac ta ajwalile. Ja'ex la awac'beyic yat'ejib ta sc'abic c'oem yu'un ya smilotic a —la yutic.

Éxodo 3:9

Ya calbat awaiy, caiyojbeyix stojol sc'opic te alumale, soc quiloj te bayal ayic ta uts'inel yu'un te egipcioetique.

San Marcos 5:7

Jich la yal ta aw: —Jesús, ¿bistuc tal awochintayon ja'at te Snich'anat te Ch'ul Dios te ay ta ch'ulchane? Ya calbat wocol ta stojol Dios: Ma me xawuts'inon —xi' ta aw.

San Marcos 1:24

Jich la yal: —Jesús te Nazarete, ¿bi awentaotic? ¿Yu'un bal tal ajinotic? Ya jna'bat aba te ja'at te Xch'ul-nich'anat te Diose —xi' ta aw.

Oseas 4:17

Te Efraín yac'oj sba ta xch'uunel te yajcanane. Spisilic jich yalic te bit'il tsobol jyacubeletique. Ta jujun buelta te ya spasic mulwej, ja' lec ya yaiyic te q'uexlale, ma ja'uc lec ya yaiyic te bila lec ta pasele.

Éxodo 13:17

C'alal te faraón la yaq'uix loq'uel a te israeletique, ma teyuc la yic' bael Dios a ta bay be ya xc'ax bael ta slumal te filisteoetique, te ja' toj nax bael te jichuque. Ja' la sna' Dios teme ya xchebaj yo'tanic yu'un teme ya yilic ya xjajch' guerra, ya niwan sujt'ic bael ta Egipto yu'un.

Salmos 106:7

Te me'il-tatiletic cu'untic ta Egipto, ma'yuc sc'oplal c'ot ta yo'tanic te bitic muq'uic la apase; ch'ay ta yo'tanic te smuc'ul xc'uxul awo'tane, soc ta sti'il Mar Rojo la stoy sbaic ta atojol.