Éxodo 13:19 - Bible in Tzeltal de Oxchuc y Tenejapa

¹⁹ Te Moisés la yich'bey bael sbaquel te José, yu'unix jich la yal jilel ta jamal a te c'alal cuxul to ae. Jich la yal: —Ta mero melel ya sta yorail te ya awich'ic loq'uesel bael yu'un te Diose. Jich yu'un te c'alal ya xc'ot ta pasele, ya me awich'bonic loq'uel te jbaquele, —xi'.

Bible in Tzeltal Bachajón

¹⁹ Te Moisés la yich'be bahel te sbaquel José, te hich la yac' ta halel ta jamal te snich'nab Israel: Ya me xtal scoltayex te Diose, ta hich ora ya me awich'bonic bahel te jbaquel, te xchihe.

Éxodo 13:19 Referans Kwoze

Josué 24:32

Te sbaquel José te la yich'beyic tel israeletic c'alal ta Egipto, ba smucbeyic ta Siquem, ja' te q'uinal te la sman te Jacobe. Jo'winic (100) ta jsejp plata la stojbey te snich'nab Hamor, te stat Siquem, ja' te la sq'uinaliniquix te sts'umbal José.

Hechos 7:16

Soc ich'bot bael sbaq'uetalic ta banti Siquem. Tey la yich'ic muquel ta banti muquenal te la sman te Abrahame soc te la xch'acbey stojole, te chonbot yu'un te sts'umbal Hamor te ay ta Siqueme.

Génesis 48:21

Soc la yalbey te José: —Ya xwayix jbaq'uetal; ja'uc me to, ja' me ya sjoinex te Diose, soc ya me yiq'uex sujt'el ta bay slumal te ame'-atatique.

San Lucas 7:16

C'alal la yilic te ants-winiquetique, xiw yo'tanic yu'un. La yalbeyic wocol Dios yu'un: —Mero muc' j'alwanej te chicanix ta coliltique —xiic. Soc la yalic: —Dios tal scoltayix te lum yu'une —xiic.

San Lucas 1:58

La yaiyic stojol te spat-xujq'ue soc te xchapomal te bit'il bayal c'uxtaybil yu'un te Cajwaltique. Jich tal ta ilel yu'unic. Bayal bujts'naj yo'tanic soc te Elisabete.

Éxodo 4:31

La xch'uun yo'tanic te lume. C'ot ta yo'tanic te yorailix te ya yich'ic coltayele, te na'botix yo'bolil sbaic yu'un te Cajwaltique. La stinan sbaic coel c'alal ta lum, caj yalbeyic bayal wocol te Diose.

Hechos 7:15

Jich co bael tey a ta sq'uinal Egipto te Jacobe. Ja' te banti c'o lajuque soc tey lajic uuc te antiguo jme'-jtatique.

Hebreos 11:22

Ta swenta xch'uunjel yo'tan te Joseje, te c'alal nopol ya xlajix a jich la yalbey sc'oplal te israeletic te bit'il ya xloq'uic bael ta patil ta sq'uinal Egipto, soc la yal jilel mandal te bi ya sc'an ya yich' pasel te sbaquele.