Éxodo 13:18 - Bible in Tzeltal de Oxchuc y Tenejapa

¹⁸ Ja' swentail te la yac'bey spas buelta ta sbelal muc'ul jochol taquin q'uinal te stojol bael Mar Rojo. Te c'alal loq'uic bael israeletic ta Egipto, xtiq'uet nax loq'uel ta spisilic.

Bible in Tzeltal Bachajón

¹⁸ Pero la ya'be sjoyic bahel ta sbehlal jochol taquin q'uinal ta stojol bahel Mar Rojo. Te snich'nab Israel loq'uic bahel ta Egipto chapalic soc ya'tejibic yu'un guerra.

Éxodo 13:18 Referans Kwoze

Deuteronomio 32:10

La sta ta jochol taquin q'uinal, ta mero taquin q'uinal te majbil ta tulan ic'. La spet bael soc la yac'bey sp'ijil yo'tanic, la scanantay ta mero lec, jich bit'il ya scanantay te xch'ulel site.

Éxodo 14:2

—Albeya te israeletic, ac'a spasic buelta, ac'a ba spas scampamentoic ta Pi-hahirot te ay ta olil yu'un te Migdol soc te mar, te yelawix bael te Baal-zefón. Ac'a spas scampamentoic ta nopol sti'il mar.

Éxodo 12:51

Ja' me jich c'aalil a te loq'uesot ta Egipto yu'un Cajwaltic ta stsojbol te israeletique.

Salmos 107:7

Jich ac'otic ta buen lequil be ta sbelal jpam lum te banti ya xju' ya xnainique.

Josué 1:14

Ijq'uitayaic li'to ta q'uinal te awinamic, te anich'nabic soc te achambalamique, te la yac'beyex te Moisés ta jejch' ja' Jordán. Yan te winiquetic, ja' te mach'atic ya xju' yu'unic guerra, spisil ac'a stsac te yat'ejibique. Ya me xneelajex bael yu'un te awermanotac ta scoltayel ta guerra,

Deuteronomio 17:16

Pero te muc' ajwalile ma me xju' ya sman bayal caballoetic, soc ma xju' teme ay mach'atic ya sticun ta Egipto swenta yu'un ya x'esmaj a te caballoetic yu'une. Melel jich yaloj te Cajwaltique: “Jc'axel ma me ayuc bi ora ya xcha'sujt'ex xan tel yan buelta li' ta be”, te xie.

Josué 4:12

C'axic bael ta taquejem ja' uuc te mach'atic chapalic yu'un guerra te ayic ta swenta sts'umbal Rubén soc sts'umbal Gad soc te olil sts'umbal te Manasés. Neelajic bael yu'un te yantic israeletic, jich te bit'il albil jilel mandal yu'un Moisés.

Josué 4:13

Nopol cha'winic ta jmil (40,000) winiquetic te chapalic soc yat'ejibic te ya x'ochic ta guerrae c'axic bael ta stojol te Cajwaltic, bajt'ic ta stojol spamlejetic yu'un Jericó.

Salmos 136:16

Ja' te la yic' bael ta jochol taquin q'uinal te lum yu'un, sbajt'el q'uinal ay te xc'uxul yo'tane.

Génesis 50:25

Te José jich la yalbey te yermanotaque: —Te Dios puersa ya yac'beyex awilic yu'el ta patil. Jich yu'un puersa me ya awalbonic caiy ta stojol Dios te bit'il ya awich'bonic loq'uel bael te jbaquele —la yut.

Éxodo 14:9

Te egipcioetic soc spisil te soldadoetic yu'unic, soc te carretaetic soc caballoetic tal snutsic te israeletique. Tey la staic a ta sti'il mar, ta bay sts'eel Pi-hahirot soc ta bay stojol Baal-zefón, tey spasoj scampamentoic a.

Salmos 68:8

te lumq'uinal la syuq'uilay sba, te ja'al yal coel tel ta ch'ulchan, te wits Sinaí la syuq'uilay sba ta stojol Dios, ja' ta stojol te Dios yu'un Israel.