Éxodo 13:17 - Bible in Tzeltal de Oxchuc y Tenejapa

¹⁷ C'alal te faraón la yaq'uix loq'uel a te israeletique, ma teyuc la yic' bael Dios a ta bay be ya xc'ax bael ta slumal te filisteoetique, te ja' toj nax bael te jichuque. Ja' la sna' Dios teme ya xchebaj yo'tanic yu'un teme ya yilic ya xjajch' guerra, ya niwan sujt'ic bael ta Egipto yu'un.

Bible in Tzeltal Bachajón

¹⁷ Te c'alal faraón la yaq'uix loq'uel te pueblo, te Dios ma ba la yic'ticlan bahel ta sbehlal te sq'uinal filisteohetic, te ha nopol stuquel. Yu'un hich la yal te Diose: Ya wan xchebaj yo'tanic te c'alal ya yilic guerra, hich ya suhtic bahel ta Egipto, xchi.

Éxodo 13:17 Referans Kwoze

Nehemías 9:17

Ma ba la sc'an la xch'uunic, soc ma la sna'ic te bitic muq'uic sc'oplal la apas ta swenta sna'beyel yo'bolil sbaique. Mero tulan la yac' sbaic. Jich la yac'beyic yat'el te jwolwanej te ya x'ic'otic xan sujt'el ta mozoil ta Egipto. Pero te ja'ate Jpas-perdonat, ya ana' yo'bolil jbajtic, sts'ujetotic ta awo'tan, ma orauc ya x'ilinat, soc muc' te xc'uxul awo'tane. Ja' yu'un ma ba la apijt'es.

1 Reyes 8:47

teme tey ta nación te banti bajt'ic te ic'otic loq'uel ta slumalic, teme ya sujt'es yo'tanic ta atojol soc teme ya yalbat bayal wocol ta atojole, teme ya sna'ic te la sta smulic ta atojol soc te la spasic ta asit te bitic amene,

Hechos 7:39

“Ja'uc me to, te antiguo tatiletic cu'untique ma la sc'an yich'beyic ta muc' smandal te Moisese. La sp'ajic, soc la sc'an yo'tanic te ya sujt'ic bael ta Egipto.

Deuteronomio 20:8

“Patil te jwentainwanejetic ya me xc'opoj yan buelta ta stojol te soldadoetic, jich ya yalic: “Teme ay mach'a buen xiwel ya yaiye, ac'a bajt'uc ta sna, swenta yu'un jich ma xyac' ta xiwel a te yantic sjo'taque”, xi' me.

Hechos 15:38

Yan te Pabloe la yal te ma spas ya yic' bael sjoin te mach'a ijq'uitayotic jilel yu'un ta bay sq'uinal Panfilia te ma la sc'an sjoin bael ta spasel soc te at'ele.

Deuteronomio 17:16

Pero te muc' ajwalile ma me xju' ya sman bayal caballoetic, soc ma xju' teme ay mach'atic ya sticun ta Egipto swenta yu'un ya x'esmaj a te caballoetic yu'une. Melel jich yaloj te Cajwaltique: “Jc'axel ma me ayuc bi ora ya xcha'sujt'ex xan tel yan buelta li' ta be”, te xie.

Jueces 7:3

Jich yu'un, albeya te winiquetic, te mach'atic ay xiwel ta yo'tanic, ac'a sujt'uquic bael ta snaic —xi'. Jich te Gedeón la yac'bey spas prueba, jich sujt'ic bael cheb xcha'winic ta jmil (22,000) winiquetic, pero jil to xan lajunmil (10,000).

Hebreos 11:27

Ta swenta xch'uunjel yo'tan la yijq'uitay jilel te sq'uinal Egiptoe. Ma ba xiw yo'tan yu'un te yilimba te muc' ajwalile, melel ja' smuc'ulinej yo'tan te Dios te yac ta yilel ta site, manchuc teme ma chicanuc ta ilele.

Éxodo 14:10

C'alal la yaiyic stojol te israeletic te nopolix ay tel te faraón soc te egipcioetic, bayal a xiw yo'tanic yu'un, jajch' sc'anbeyic coltayel te Cajwaltique.

Deuteronomio 28:68

Manchuc me la yalbat te Cajwaltic te ma'yuc bi ora ya sujt'atix xan bael ta sbelal Egipto, pero ya me yac'at xan bael ta barcoetic tey a. Ya me achon aba ta stojol acontro, pero ma me ayuc mach'a ya sc'an ya smanat —xi' te Moisese.