Éxodo 13:11 - Bible in Tzeltal de Oxchuc y Tenejapa

¹¹ “C'alal ya xc'oex tey a ta bay sq'uinal cananeoetic te ya yac'beyex ta ac'abic te Cajwaltique, te bit'il yalojbeyex sc'oplal soc te antiguo ame'-atatique,

Bible in Tzeltal Bachajón

¹¹ C'alal ya yic'at ochel te Jehová ta sq'uinal te cananeohetic, hich te bin ut'il jc'axel yalbeyejat ta jamal soc te antiguo ame'atatic, te c'alal la ya'batix ta ac'ab te sq'uinale,

Éxodo 13:11 Referans Kwoze

Éxodo 13:5

Jich yu'un ja' ni me te u te ya apasic q'uin yu'un sna'jibal te la yiq'uex bael Cajwaltic ta q'uinal te bay ya ataic te ya x'oquin leche soc chab c'oeme, te bay sq'uinal te cananeoetic, hititaetic, amorreoetic, heveoetic soc te jebuseoetique. Ja' te albil yu'un Cajwaltic te antiguo jme'il-tatiletic te ja' ya xc'otix ta awentaic te ja'exe.

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

Génesis 17:8

Ya cac'bat aq'uinalin soc jayeb ats'umbal te q'uinal ta bay beenemate, ja' spamal sq'uinal te Canaán, awu'un ya xc'ot soc ats'umbal ta sbajt'el q'uinal, soc Dioson awu'unic ya xc'oon —xi'.

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Éxodo 32:13

Na'a me te abatetic awu'un, ja' te Abraham, Isaac soc Israel. Te melel ja'at nix jamal la awalbey ta stojolic: “Ya cac' esmajuc ta lec te ats'umbale, jich me ya xc'ot te bit'il eq'uetic ta ch'ulchan”, te xaate. Soc la awal xan: “Spisil te q'uinal calojbeyex, ya me cac'beyex, awu'unic me sbajt'el q'uinal”, melel xaat —xi' te Moisés.

Números 11:12

¿Yu'un bal jo'on staton, o sme'on bal te ya ac'anbon te ya jpet bael c'oem, jich bit'il alaletic te ayic ta chu'e? ¿Yu'un bal jich ya sc'an te ya jpet bael c'alal ta lumq'uinal te awalojbey sc'oplal te antiguo jme'-jtat soque?

Salmos 105:42

Melel tal ta yo'tan te xch'ul-c'op jc'axel yaloj soc te yabate, ja' te Abraham.