Éxodo 12:8 - Bible in Tzeltal de Oxchuc y Tenejapa

⁸ Ta ajc'ubal me, wobil me ta c'ajc' ya ati'ic te ti'bale, te ya sjoin ta tuuntesel awu'unic te ch'aal itaj soc te waj te ma ba yich'oj levadura.

Bible in Tzeltal Bachajón

⁸ Ha nix yorahil ta ahc'abal a, ya me swe'ic te ti'bal wohbil ta c'ahc' soc ya swe'ic pan te ma ba yich'oj levadura, soc ch'ahal itaj.

Éxodo 12:8 Referans Kwoze

Éxodo 34:25

“Te c'alal ya amilbonic jmajt'anin te achambalamic, ma me x'awich'bon tel xch'ich'el soc waj te yich'oj levadura. Ma me xaq'uej te sobrail majt'anil yu'un Pascua ta swenta yan c'aal.

Deuteronomio 16:7

Te ti'bal ya awaq'uique, ya me atac'ajtes, soc ya me ati'ic tey ta yawil te banti stsaoj te Cajwaltic te Dios cu'untique. Ta xchebal c'aal ta sab ya me sujt'ex tel ta anaic.

Isaías 53:10

Te Cajwaltic la sc'an yo'tan te ya sten ta uts'inel soc ta woclajel. Te bit'il la yac' sba ta milbil majt'anil ta swenta te mulile, ya me xnajt'ub xcuxlejal bayal c'aal, soc ya me xc'o yil te sts'umbale. Ja' me ta swenta te lec ya xc'ot te bitic chajbanbil yu'un te Cajwaltique.

Éxodo 23:18

“Te chambalametic ya amilbonic ta jtojol, ma me xawac'bonic xch'ich'el soc te waj yich'oj levadura. Ma me xaq'uej te xepuil ta swenta yan c'aal.

Éxodo 13:7

Juqueb me c'aal ya awe'ic waj te ma ba yich'oj levadura. Ta spamal te aq'uinale ma me ayuc jtuluc te ay levadura yu'un, o ay yac'ojbey levadura te swaje.

Éxodo 13:3

Te Moisés la yalbey te lume: —Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura.

Éxodo 1:14

La yac'beyic swocol ta tulan at'el ta swots'el ajch'al ta spasel adobe, soc spasel spisil at'el ta q'uinal. Spisil te israeletic bayal xc'uxul la yaiyic te bitic pasbotique.

1 Tesalonicenses 1:6

Te ja'exe la anopbotic te co'tantic, soc la anopbeyic yo'tan uuc te Cajwaltique. La awich'ic ta muc' te Sc'op Diose, manchuc teme la ata bayal awocolic ta controinel yu'une, soc la ataic bayal sbujts' awo'tanic yu'un ta swenta te Ch'ul Espiritue.

Gálatas 5:9

Jich bit'il ay ta alel: “Jteb nax levadura ya spajubtes ta swolol te wots'bil harina”, te xie.

San Mateo 26:26

Te c'alal yacalic ta we'ele, te Jesús la stsac te waje, soc la yalbey wocol Dios yu'un. Jich la xet' soc la yac'bey te jnopojeletic yu'une. Jich la yal: —Ila, we'aic. Ja' jbaq'uetal in to —xi'.

San Mateo 16:12

Jich c'ot ta yo'tanic te jnopojeletic te ma ja'uc la yal te ya stsajtay sbaic ta swenta te levadura yu'un te waje. Ja' la yal te ya sc'an ya stsajtay sbaic yu'un te bila ya yac' ta nopel te fariseoetic soc te saduceoetique.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

Amós 4:5

Chic'aic waj te yich'oj levadura swenta majt'anil ta yalel wocol, soc pucbeya sc'oplal ta bayuc te majt'anil awu'un te spasemal awo'tan ya awaq'uique, ja' te ya smulan awo'tanic spasel te ja'exe —xi' ta tulan te Cajwaltique.

Salmos 22:14

Jich c'oemon te bit'il ja' te ya xmale; te jbaquel pitc'ujemiquix. Te co'tan jich c'oem te bit'il chabec' te ya x'ulub ta yutil te jbaq'uetale.

Éxodo 12:9

Ma me ayuc stseel ya ati'ic. Scojt'ol te chambalame, te sjol, te yacan soc spisil bitic ay ta yutil xch'ujt', ya me yich' woel ta c'ajc'.

2 Crónicas 35:13

La swoic te chambalametic ta swenta te Q'uin Pascua, jich te bit'il ts'ibubil sc'oplal, soc te yantic ch'ul majt'anil la spayic ta oxometic, ta calderaetic soc ta sartenetic. Ta animaltic la spucbey spisil yajwal te lume.