Éxodo 12:7 - Bible in Tzeltal de Oxchuc y Tenejapa

⁷ Pachaic me ta ora te xch'ich'el te chambalame, ya me abonic a te smarcoil te na te bay ya ati'ic te chambalame.

Bible in Tzeltal Bachajón

⁷ Ya me yich'beyic te sch'ich'el, ya sbonic a te ste'el soc smarcohil te ti'nahil yu'un te na te banti ya sti'ique.

Éxodo 12:7 Referans Kwoze

Hebreos 11:28

Ta swenta xch'uunjel yo'tan te Moisés, la yac' ta milel te chijetic swenta Pascua, soc la yal mandal te ya stsijts'anbeyic xch'ich'el ta bay sti' sna'ic te israeletique, yu'un jich ma xlajic ta milel yu'un ch'ul abat te sba yal-snich'anique.

Hebreos 9:22

Yu'un ya yal te mandalile te ya yich' utstesel ta ch'ich' col spisiluc te bitic aye, melel ma'yuc ta ch'ayel mulil te manchuc ayuc ch'ich' ya yich' malele.

Efesios 1:7

La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

1 Pedro 1:2

Tsabilex yu'un te Jtatic Diose, yu'un xjajch'ibal to jich xchapoj ta yo'tan, soc te ya xch'ultesbeyex awo'tanic ta swenta te Espiritue. Swenta yu'un jich me ya ach'uunic soc jich me ya awich'ic tsijts'anel ta xch'ich'el te Jesucristoe. C'axem to xan ac'a yac'beyex yutsil yo'tan soc lamaluc me q'uinal ya awaiyic yu'un.

Hebreos 10:14

Ta swenta jun nax smajt'an Dios te la yaq'ue, jc'axel ju' yu'un yutstesel sbajt'el q'uinal te mach'atic jayeb ya yich'ic ch'ultesel yu'une.

Hebreos 10:29

¿Ma bal c'axemuc to xan jich castigo ya yich' awaiy te mach'a ya spech'an ta teq'uel te Snich'an Diose, soc te ma'yuc swentail ta yo'tan te ch'ich' yu'un te trato te la yich' ch'ultesel yu'un ae, soc te ya scontroc'optay te Espíritu yu'un Dios te c'uxtaybil yu'une?

Deuteronomio 11:20

Ts'ibuya ta yoyal ana, ts'ibuya ta sti' ana,

1 Reyes 6:31

Ta yochibal te Mero Ch'ul Awilal la spasbey sti' ta olivo, te smarcoil ta sjoylejal jo'eb xujc' ta pasel.

Ezequiel 9:4

jich la yalbey: —Beentaya te Jerusalén, ac'beya seña ta sti'ba te mach'atic ya smel yo'tanic yu'un, te bitic ilaybil sba te yac ta c'oel ta pasel yu'un te slumalique —xi'.

Éxodo 12:13

“Te banti ayex soc te anaic, ja' me ya yac' ta na'el te ch'ich'e. Jich yu'un te c'alal ya xc'ax quejch'entes ta lajel te egipcioetic, ma me ayuc ya xlajex jtuluc te ja'exe. Ja' me ya quil te ch'ich'e, c'axel nax me ya xc'axon tey a.